العيون والعشق

البارت ١١

الكاتبه نرجس الغرباوي♡
.
.
.

طلعت واسمع صوته يسولف ويه امي ومحمد بالطرمه احس گلبي صار مثل الطبل

طلعت لكيت مريم يمهم صاح يزن هلااا شلونج ولج

سمر.. هلا يزن الحمدالله وانت

يزن.. الحمدالله بخير

يزن.. يله نترخص

صاح علينه يله بنوتاتي روحن للسياره

سلم ع اهلي واخذ الجنطه من ايدي وعطره سطرني سطر باوعلي بنضره معرفت شنو تفسيرهه حط الجنطه بالسياره رحت للسياره مريم صعدت اجه يزن فتح باب الصدر مالت السياره كال سوسو تعالي صعدي هنا

احس الحراره صعدت الراسي من الخجل

سمر.. هاا لا اصعد وره

يزن.. تعالي هنا تره ماراح اكلج ههه

سمر.. يبوو حرارتي رتفعت ليلزمني يكول صخنت من الخجل من كال هيج
رحت صعدت يمه وهو يضحك....

يزن.. اي سوسو شخبارج بالسادس

سمر.. الحمدالله الحد الان زينه

يزن.. شدي حيلج السادس صعب رايدله قرايه

سمر.. اي (گلت بگلبي لو ماافكر بيك جان طلعت من الأوائل)

يزن.. وانتي مريومه شخبارج بالدراسه

مريم.. زينه

يزن.. عفيه صيري مثل اختج ويباوع عليه

سمر.. تمنيت ابقه بالسياره ومانوصل حته ابقه وياه كاعده بس همه هم ببغداد بس من غير منطقه...

وصلنه.. نزلت من السياره اول موصلنه ووكف السياره ضحك يزن كال هلكد مضوجتج الكعده يمي

سمر.. لا بس گمت اتعثلم بكلامي

يزن.. اشاقه وياج

سمر.. ضحكت كتله ديله افتح الصندوق مالت السياره خلي اخذ الغراض

يزن.. حاضر بس ع كيفج ههه

سمر.. هههه

راح فتح الصندوق وطلع الجنطه انطانياهه وطخت ايدي بايده احس مثل الكهرباء مشت بجسمي باوع عليه صفن بوجهي اني همات باوعت عليه حسيت بارتباك كتله ماتدخل ويانه

يزن.. لا ماادخل عندي شغله اخلصهه واجي

ركب السياره هو اشرلنه بايده وراح واحنه دخلنه البيت خالتي

مريم.. ولج يزن جنه يريدج شفتي شلون يباوع عليج

سمر.. شيريد مني

مريم.. ادري بيج افتهمتي بس سوين روحج متفتهمين ههه

سمر.. انجبي (بس بگلبي اكول ياريت من حلگج الباب السما)