.
.
.
طلعت من غرفه سهر ورحت الغرفة يزن دخلت رحت اجيب ملابسي دخل يزن
سمر.. اجيت اخذ ملابسي هسه اطلع
باوع عليه كال فرحانه لان خطبوج حقج
سمر.. شبيك يزن اني شنو كتلك
يزن.. مگلتي شي باين ع وجهج
سمر.. انت صدوك تحجي لو تشاقه وخرر خلي اطلع لاتسويلنه مشكله
يزن.. اني صرت اسوي مشاكل
سمر.. يزن والله تعبانه مالي خلك وخرر
يزن.. حقج تعبانه من الركص
سمر.. شبييك يزن تخبلت
ردت اطلع وجراني صار مقابيلي كال اي تخبلت بحبج ويباوع بعيوني
ارتبكت ونزلت راسي احس وجهي نار من الخجل رفع وجهي
سمر.. اني شعليه بيهم قابل جريت المره وكتلهه تعالي خطبي
يزن.. اي
سمر.. عصبت باوعت عليه شلون بله
يزن.. شافتج شلون تركصين وحلوه ولفتي انتباهه
سمر.. اسفه عيوني انوب شلون محد يفرح وخر مني خلي اطلع احسنلي
يزن..اباوع عليهه عصبت احب اضوجهه تصير تخبل لمن تضوج تقربت عليهه
شفته تقرب عليه اكثر احس مشاعري تخربطت كتله
سمر.. وخر يزن (بتعلثم)
يزن.. اكول ممخففه الحمره مثل مكتلج
سمر.. والله خففتهه(بتعلثم)
يزن.. همم
سمر.. عفيه خلي اطلع حباب
يزن.. اوك
وخر مني وهو يضحك طلعت ع السريع وگلبي يدوگ سريع حسيته حيوگف رحت الغرفة سهر محد بيهه غيرت ملابسي ورحت غسلت وجهي بعدين رحت كعدت يمهم بالصاله كولهم كاعدين ولد وبنات اني طبيعتي اجتماعيه من نوع اليسولف اسولف واضحك حسين وحيدر وسرى وليث قريبين عليه من جنه صغار كعدت يم حيدر وحسين اسولف وياهم واضحك جان حيدر يسولف ع المواقف اليسوهه بالجامعه هو كولش شقاوجي وميگعد اتونس ع سوالفه دخل يزن باوع عليه بنظره جنه ضايج بس حيدر يسولف ومندمجه منتبهت عليمن ضليت اسولف وياه ويمي مريم وزهراء يضحكن بس ميحجن بس يستمعن بعدين گلبنه عليهن اني وحيدر وحسين موتوني ضحك اجه يمنه ليث
ليث.. اشوفكم تضحكون خلي اكعد يمكم ههه
حسين.. اگعد ولو انته راح تعرس وكبرت بس ميخالف هههه
ليث.. جا ليعرس مايكعد يمكم هههه
حيدر.. اي مو زين علينه يخرب افكارنه هههه
ليث.. شخرب ههههه
حسين.. مو خاف انوب نفكر نزوج
ليث.. ههههه اذا مااخرب افكاركم وخلي كل همكم تزوجون
أنت تقرأ
العيون والعشق
Ficção Geralقصة حب عراقيه... ❤ عيونه شمس، ضيّع مواعيدي 🙂♥️⚓️ . . للكاتبة نرجس الغرباوي
