العيون والعشق

البارت ٨

الكاتبه نرجس الغرباوي
.
.
.
گالت سمر شوفي منو باوعت شفت علي دخل للمحل وياهه ازهار اجت عيني بعينه احس گلبي صار مثل الطبل باوعت ع ازهار ابتسمت اجت يمنه سلمنه عليهه سئلتنه ويامن جايين وكناله بقت ويانه وعلي ضال بس واكف ويباوع علينه 😂 اني واكفه قريب ع ازهار كولش جاي اباوع بلسناسل شافت ازهار اكسسوارات عجبنهه وصاحت اخوهه يجي يختارلها ع ذوقه فات من يمي وعطره سطرني سطر اول مره يوصل هيج قريب مني احس گلبي حيطلع من مكانه وگف يمي  يمكن الي بالجهه الثانيه ميكدرون يشوفوني😂 لان ضعت هو طويل وجسمه رياضي واني قزومه صرت كتكوته اني وخرت رحت يم سمر تباوع عليه وتبتسم گالت خلي نروح يم امج وابوج كوليلهم يجون ويانه
شروق.. ياا اخجل مااكدر اكولهم
سمر.. منين تخجلين😉
شروق.. من اخو ازهار مااكدر اكولهم
سمر.. خلي نروح ونكلهم اني وياج
شروق.. يله
رحنه وكفت اباوع عليهم كالت ازهار هاا حب كتله حنروح يم امي وابويه تجون ويانه
سمر.. تعالو اذا معدكم شي
علي.. خاف نحرجكم
شروق.. لا شنو السالفه
ازهار.. علي خلي نروح وياهم
علي.. اوك
مشينه شافونه اهلي راح علي سلم عليهم وازهار همات اني وسمر رحنه وكعدنه اجتي ازهار كعدت يمنه كمنه انسولف
سمر.. خلي نكوم احنه مجاين نكعد
ازهار .. اي والله
شروق..هههه يله كومن خلي نگلهم ونروح گلنالهم گال علي ترحن وحدجن گال ابو شروق عوفهن خلي يتونسن ماعليهن شي بقه گاعد يمهم واشوف ابويه شلون منطلق ويه علي بالسوالف ههه احس ابويه يحبه مثلي وامي همات يربي شحلاته رحنه نتمشه شگد افترينه ونسولف ونضحك منباوع ع الناس شويه واجو ورانه شباب يمشون ويذبون احجايات ومخبوصين مهتمينه ونسولف ونمشي اني صايره بالطرف من جهه الولد وازهار بصفي وبصفهه سمر حسيت اجوي يمنه صارو قريبين كولش حسيته بضهري كمنه نمشي سريع مااحس الا صوت واحد جر الولد وضربه كف درنه شفت علي عيونه حمر اذب شرار من العصبيه صاحت عليه ازهار.. عوفه علي خلي يولي
علي.. روحن يم ابو شروق
ازهار.. بس..
علي.. كلت روحن يم ابوشروق
جريت ازهار ورحنه ع سريع خفت ع علي مااعرف شنو حيسوي واشوف ازهار همات مثلي كال ابويه ها خو ماكو شي كتله لا ماكو شي كعدنه واني حموت من القلق شو تأخر يربي شصار
ازهار.. حروح اشوف شصار
شروق.. اني اروح وياج
سمر.. كعدن لاتتخبلاً هسه يجي
شروق.. خاف صارله شي گلبي موتني حجيت ونسيت ازهار يمي
سمر.. هسه يجي
كال ابويه وين راح علي كال راح اشوف البنات ومرجع ماشافجن
شروق.. هاا ماادري
ابو شروق.. بس لا كاعد يدور عليجن
شويه واجه عيوني صارت بعيونه خزرني وجهه ميتفسر من العصبيه خفت ونزلت راسي كعد كاله ابويه هذني اجن بس رحت شو تاخرت جنت ادور عليهن
علي.. اي ماادري بيهن وباوع علينه نزلت عيوني گبل بس باوع
علي.. اني اترخص يله ازهار گومي
ابو شروق.. وين يمعودين كعدو نتعشه ونرجع سوه
علي.. لا هم يالله
شروق.. لا عفيه حباب ماعرف شلون طلعت من الساني وحجيت باوع عليه مااعرف شنو جانت نضرته بس تغيرت من العصبيه كاله ابويه لتردهه اليوم عيد ميلادهه وجاين نحتفل بي اتفاجئت ابويه يدري بعيد ميلادي بس معايدني امي باوعت عليه وضحكت كال ابويه خربنه المفاجئه ضحكت وباوعت ع علي ابتسم نظرته جانت بيهه لمعه وحسيت حجي بس مفتهمت شنو كال حنبقه اني اردج وبعيد ميلادج ضحكت باوعت عليه كال ابويه ديله كعدو كعدو واجت ازهار يمنه كل شويه اخذلي نضره ع علي وهو يباوع وفقط الابتسامت الي مفارقت وجوهنه اتمنيت ميخلص اليوم تعشينه وسوالف وضحك بعدين جابولي الكيكه واحتفلنه وكصصتهه كلش تونست  احله عيد ميلاد مر عليه😁 صارت الساعه ب١١واحنه بره البيت كال ابويه يله خلي نرجع كال علي اني جاي بسيارتي تعالو ويانه رحنه وياهم صعد ابويه يم علي وامي وراه واحنه البنات كولنه سوه الجو بارد والسياره ضلمه وبس صوت الدندنه مالتنه وعلي يسولف ويه ابويه يربي شحلاته من يسولف ولمن يضحك اذوب من اباوع الكاهه يباوع عليه بالمرايه مالت السياره  وتجي عيوني بعيونه نبضاتي تتخربط وصلنه للبيت كولهم نزلو ضليت اني اخر وحده احضر بالغراض اريد اشيلهن اباوع اشوف امي وابويه دخلو للبيت وازهار داخله وسمر ماكو يمه بقيت وحدي نزلت ع السريع اصطدمت بعلي صار وجهي بوجهه ضل صافن يباوع بعيوني واني همات وعطره سطرني سطر فزيت من صفتني كتله اسفه والله بس نزلت ع السريع ماادري بيك ضحك هو گال لا عادي مصار شي اساعدج بشيلهن كتله لا كال انطيني شال الغراض وابتسم نزلت من السياره وامشي وراه فتحت الباب انطاني اياهن كتله شكراً وابتسمتله گال تدللي وابتسم وراح يمه احس گلبي حيطلع من مكانه طلعت امي للطرمه گالت وينج شنو ضليتي بالسياره
شروق.. هاا اي بقيت بالسياره انزل بالغراض مالتي وانتو داخلين
ام شروق.. ياا يله تعالي دخلي
شالت امي وياي الغراض ودخلنه رحت الغرفتي نمت ع السرير اجت بالي نضراته اووف تخبل
شديصيرلي يربي مالازم افكر بي ضليت اتگلب ع السرير كل شوي يجي ابالي  اخذت الفون لكيت بنت عمو فاتحه نت دزيتلهه هلاو
زينب.. هلا حب شلونج
شروق.. هلابيج الحمدالله انتو شخباركم
زينب.. تمام اجيت اعايدج من الصبح لكيتج مافاتحه نت كل عام وانتي بخير  ان شاءالله اشوفج احله خريجه
شروق.. تسلميلي يعمري
زينب.. يروحي شخباركم مشتاقين
شروق.. تمام نسئل عنكم احنه الاشوق
زينب.. فدوه الگلبج
شروق.. فداج گلبي صدوك متجونه
زينب.. مااعرف والله ان شاءالله بالعطله نجي سمعت ابويه يكول نروح البغداد
شروق.. صدوك ياريت حته ابقيج يمي
زينب.. هههه ان شاءالله
ضلينه انسولف بعدين ختمتهه وياهه ورحت العب اگلب باليوتيوب اباوع شعر احب الشعر والشعراء اموت عليهم اجتني رساله من ازهار
ازهار.. هلاو حب بعدج كاعده
شروق.. هلاوات  اي مجايني نوم
ازهار.. حته اني اكولج باجر من ترحين للدوام مري عليه اروح وياجن
شروق.. تدللين حياتي
ازهار.. ميدلل عليج اجكم
شروق.. ههه ولا عليج حب...
بقينه انسولف سوالفهه حلوه كله ضحك وناسه بعدين ختمتهه وياهه ونمت....
كعدت ع صوت امي الصبح دكعد بيه وكل مره امرمرهه يالله اكوم مو بيدي مااكدر اعوف الفراش 😅 كعدت ورحت غسلت وغيرت ملابسي سويتلي لفه واكلتهه ع السريع غسلت وطلعت رحت البيت ازهار بس مااعرف گلبي يرجف من تقربت هستوني اريد ادوك الباب وانفتح بوجهي شفت علي طلع مكفش بملابسه مالت البيت  يخبل ضليت جامده بمكاني محجيت شي ولا هو حجه ضلينه بس نظرات جانت بينه كتله صباح الخير
علي.. هلا بالخير كله (حجاهه بهمس)
سمعته بس سويت روحي مسمعت
شروق.. هاا
علي.. همم
شروق.. ازهار موجوده
علي.. اي ثواني واصيحهه الج راح واحس گلبي حيطلع من مكانه مااعرف الشعور الي احسه اتجاهه شنو شويه وطلعت ازهار
ازهار.. صباحوو
شروق.. هلا صباح الورد
رحنه ع بيت سمر طلعت سمر سلمت علينه ومشينه نسولف بالطريق
سمر.. شنو دارسات شي لا
ازهار..اني درست من الخميس بس ولامراجعه شي
شروق.. زين والله اني قريت بس درس الاحياء وحليت التمارين مالت الرياضيات
سمر.. هههه لعد بس اني وكعت بيهه
شروق.. شنو مقاريه
سمر.. بس مراجعه سطحيه والرياضيات محالته
ازهار.. اني انطيج دفتري تنقلينهن بالمدرسه
سمر..شكرا حياتي بس اذا لحكت لان اول درس
شروق.. لعد بسرعه خلي نوصل...
.
.
.
يتبع