جوهرة الموصل

احتلال

ملاحظه - القصه من وحي الخيال ولاتمت للواقع بصله 🥰 أتمنى لكم متعة القراءه ( سحر الموسوي )

مرحبا اني جوهره من الموصل مواليد 96 بس اصلي بغداديه حتى مولوده بيها من البنوك مكمله صف خامس اني وحيدة امي وابويه وماعندي بس عمه وحده عايشه ابغداد بنفس منطقتنا
مواصفاتي نفس الصوره ادري ملامحي مختلفه عبالك اوربيه بس اني ماخذه العيون والبياض من ابويه وباقي ملامحي من امي حتى اليشوفني عباله مو عراقيه

تبدي قصتي لما كنا عايشين بالموصل لأن بابا شغله انقل هناك وجان شريك وي صديقه بمعمل طابوك ف اضطرينا ننتقل ويا بسنة ٢٠٠٢ بقينا هناك وحياتنا كانت احسن مايكون مدلله وشريد واتمنى يجيني الى سنة ٢٠١٤ منحس الا جيش دخل مدينة الموصل ناس مرتديه سواد واسمهم داعش جنا بوقتها يم صديق ابويه رايحين خطار ونسمع بس الرمي والصياح والنسوان تصرخ وهذا اليركض وهذا التصوب
هنا بابا كبل اخذنا اني وماما صعدنا بالسياره واتجهنا لبيتنه حتى نحتمي بس للاسف موصلنا لان اعترضونا بالطريق حاول بابا يقاومهم بس انقتل أثناء دفاعه عنا بقينه اني وماما نصرخ ونبجي على بابا السايح بدمه
امي فقدت من البجي وبقت تصرخ عليهم وتسبهم وتلعنهم
لهنا ماحسيت الا واحد منهم سحبني من شعري وجرني لوحده من سياراتهم واني بس ابجي واصيح ماما لتركيني ماما خلصيني خطيه كامت تريد تاخذني منهم بس مكدرت لان همه هوايه وهي مره ضعيفه حاولت تتقاوه وياهم تالي واحد منهم ظربها طلقه ابطنها وكعتها بالكاع اني هنا تهسترت من البجي والصراخ على امي

شوي وتحركت السياره اخذوني لجامع
بقيت اسبوع محبوسه بسرداب الجامع ويوميه يجيبون وجبة بنات جديده حالهم مثل حالي ويمكن اسوأ الي فاقده اهلها كلهم والي متصوبه والي معتدى عليها
صرت طول الوقت ساكته ومااحجي بس كد اكل وانام واحس بعيونهم القذره تراقبني بس جانت اوامر اميرهم محد يقتربلنا الى ان هو يجي
سمعت بي باجر يجي ويختار من عدنه منو تكون خليله اله اني هنا خفت وفكرت اشرد بس شلون اذا همه بكل ركن وزاويه وصعب الهروب منهم

اجا اميرهم وجان شكله مخيف وجهه اسود وضخم وملتحي عبالك وحش مو بشر وبده يختار
الى ان وكع نظره عليه وكل للمرافق مالته يسمونه ابو الفتح هاي اريدها جيبها بقيت اصرخ وادفع بي بس بدون فائدة اخذني كوه لبيته جان بيت جبير ومهيأ من كلشي دخلني وقفل الباب وكلي ادخلي للغرفه جنت امشي كدامه ودموعي تصب بصمت واني لاحول ولاقوة
خلال ما أني دا امشي شفت صينية اكل بالصاله ولمحت سجينه بصحن الفواكه راسا وكفت كلتله جوعانه وجنت انظرله نظرة مسكنه
كلي يلا تعالي اكلي كعدت اكل وعينه ماشالها من عني
استغفر الله هاي شلون شغله راح يبقى يباوعلي واحنا ناكل اندك باب البيت قوي وشفت واحد منهم يكله الحك يا امير هجوم على الخليه
هو كبل اخذ سلاحه وطلع

اني كلت هاي فرصتي حتى اشرد ركضت لبست النقاب الي جبرونا نلبسه وفتحت الباب بس جان مقفول رحت للشبابيك مسلسله كلها بديت ابجي وسلمت امري لله
كمت لملمت الصينيه وديتها للمطبخ بعدها كلت خل اسبح هاي فرصه دخلت سبحت وبدلت بثوب جديد لكيته بواحد من الكناتير
بس منسيت السجينه ظميتها بصدري وكمت اصلي وادعي