جوهرة الموصل

عراقيل

ميسم ' اني ممربايه  بسيطه ' خليت البيت الج يهجامة البيوت  ' عفتها صعدت خابرت امي ادزلي احد ياخذني لملمت ملابسي وطلعت

مريم ' ولجن الحكن صارت عركه بين امي وخالي وميسم
نزلنا سريع نشوف شكو لاكتنا ميسم صاعده وهي نار كبره جان تفر بأيدها وتكول ارتاحيتو هسه من خربتوها علينا وراحت
بقينه وحده تتصفن بوجه اللاخ
افتهمنا العركه على شنو ومنو السبب بقينه نهدي ب ماما  الماسكتت من البجي
ميسون ' اني تالي عمري انطرد من بيت ابوي
ام جاسم ' تاكل تبن وتنجب هي التطلع بره ' يمه هذا بيتج واريد وحده تفك حلكها الا اشكه شك
بقت الحجيه تصيح وتتوعد حتى تسمع ميسم

جاسم ' عفت البيت وطلعت للمحل اني ومحمد حتى نبلش بتعديله وروحي شايطه من الصار ' شوي ولحكنا طه وحسوني شفته ساكت
اجيت يمه
والله مااعرف شكلك خجلان حتى الكلام ميطلع مني ع السوته ميسم
طه ' لاتكول شي هي حقها هذا بيتها واحنا صار فوك الخمس شهور مقيدينكم هم تريد تاخذ راحتها
جاسم ' لا مو حقها بس العتب عليه اني النطيتها مجال اوووووف
طه ' اكلك جاسم رايد منك شغله
جاسم ' أأمرني ابو محمد
طه ' رايد تشوفلي بيت اجار بالمنطقة حتى قريب ع المحل
جاسم ' هذا شلون حجي والله متطلع من البيت
طه ' لا وعيونك ماابقى اني هم كرامتي عزيزه عليه وماحب اكون عاله على احد واذا انت متكدر تلكالي واحد اني ادور وكثر الله خيرك
جاسم ' لاتزعل مني بس انت عزيز عليه ويعز عليه فراكك لهذا مااكدر اشوفلك بيت
طه ' اعرف والله ياخوي بس احنا اول تالي نطلع ف هسه احسن من غير وقت
جاسم ' على راحتك ' بس خل نكمل العياده والله كريم
بقينا نشتغل بالمحل يومين من صبغ وتعليك رفوف وشغلات طبيه بس اني كلي واهس بالشغل لان خلصت من نق ميسم وشرفتعا الي صارت تكأبني بعد ماجانت مصدر سعادتي
جاسم ' ولك حسوني كتلنا الجوع روح جيب الغده وتعال

جوهره ' صارلي يومين مرتاحه من مضايقات ميسم واليوم كعدت من الصبح واني شبعانه نوم شفت ميسون والبنات جاي يرحن لسوك الكاظميه ووياهم الحجيه ام طه رادوني اروح وياهم بس تعذرت حسيت روحي ثكيله عليهم وهم خاله ام جاسم ميصير اخليها وحدها
اني عاد بقيت اتصفن

جوهره ' احسنلي من هاي الكعده خل اكوم اعزل البيت
كمت تريكت اني وخاله ام جاسم وغسلت المواعين انوب عجنت وخليت الجدوره ع النار سويت تمن برياني وعلي دجاج بعدين خبزت للعشره كملت

بعدها بلشت غسلت الطرمه ونظفت البيت شفت اكو ملابس بالغساله اجيت اغسلهم تذكرت جاسم خطيه صارله من البارحه بنفس اللبس صعدت لغرفته لميت شكو ملابس اله نزلتهن غسلتهن وحد
جان اشوف حسوني جاي من المحل يريد الغده حطيته بسفرطاس ووديته بيده
رجعت لغرفة جاسم فتحت شبابيكها غيرت الشراشف كنس على مسح وبخور لاصارت لوز
وراها الحمام غسلته بديتول وعطرته

جاسم ' جنت اسفط بالادويه ودك تلفوني
جان رضا ابن عمي  خابرني يريد ساعتي الفضيه متواعد وي الحب
كلتله اني هسه ملتهي نص ساعه وتعالي للبيت انطيكياهه
صدك وراهه رحت للبيت شفت امي
تسگي  بالاشجار سلمت عليها وطبيت صعدت بوجهي لغرفتي
كلت فرصه خل اسبح بين ما رضا يجيني
انتبهت للغرفه مكلوبه كلب صايره تلمع حتى التلفزيون مشغل على كربلاء
عوجت حاجبي  هاي منو هجي مرتبها شو محد بالبيت معقوله ميسم رجعت ' حتى لو صدك هي من شوكت تنظف هجي وتعطر الا اذا عدها مصلحه وجهي صار اصفر وكلت يسويها الحظ وترجع شو هي لزكه وماتحس
نزعت تيشيرتي جاي ادخل واشوف وحده متحزمه وثوبهه لفوك ركبتها ولافه الشال مسويته عصابه وتمسح اني بقيت بس صافن ع المنظر
بيني وبين روحي اكول هاي منو شو مرتي جلحه والبنات طالعات هاي المرمر منين وما احس الا عيطه قويه فززتني
شفتهه ختلت وره الباب