جوهرة الموصل

مشاعر

جوهره ' خجلت من سؤاله الجريء ' بس بداخلي فرحت مااعرف ليش ' حبيت العب بأعصابه
اي حبيت ومو حب عادي عشگ هماتين ' اباوعله بطل اكل
جاسم ' اي !؟
جوهره ' جنت احبه ويحبني ويوميه اشوفه واغفه على صوته هم
جاسم ' حسيت كلبي انقبض ودكاته تسارعت ! اي كملي كملي بس عوزج تبوسي وتحضني
جوهره ' شدراك !؟ شنو عالم بالغيب انت
جاسم ' استغفر الله لزمت راسي ورجعت شعري لوره واني اذب حسرات وحده اكبر من اللاخ
جوهره ' هو حلاة العشك بذني السوالف
جاسم ' هنا فتحت عيوني على كبرهن
جوهره ' طفرت ع السريع من يمه وانوب رجعت مديت راسي من الباب جان اكوله
جاسم ترى دا احجي عن بابا وضحكت بصمت ودنكت دا اطلع ' كلش عجبني شكله وهو معصب وغيران

جاسم ' كمت افور من السمعته وصرت لا اخذ ولا انطي وخصوصا اخر شي من كالت حلاة العشك بذني السوالف
كلت بداخلي لعد شكد بايسها ' راحت ركض طلعت واني على وضعي لحد ماسمعتهه كالت ترى هذا بابا

ابتسمت بقوه دنكت وهزيت راسي
كلت ايا حياله ركظت جريتها من ايدها طبكت باب الاستقبال ودفعتهه علي هي صارت حمره مدري خضره من الخجل هههههه
اووووف اموت بخجلها 
لزمت حنجها بايدي والعيون بالعيون تقربت لا اراديا داابوسها
جان اسمع صوت الباب الرئيسي انفتح التفتت دفعتني وركضت لفوك

جاسم ' يووو هسه وكتك ياطه
اخذت تلفوني وصعدت خليته ع الشحن سبحت وراها علكته لكيت واصلتني رساله من سماره

هلو جاسم شلونك اكولك ميسم حيل تعبانه  وجانت بالمستشفى اليوم وتريد تشوفك
بقيت ساكت اباوع بالفراغ ' عفت التلفون ونمت مافكرت بشي بس بجوهره اما ميسم قررت مااشغل نفسي بيها لحد ماغفيت ومنظر جوهره بخيالي

جوهره ' هاي اني شسويت ليش خليته يتقربلي هسه شيكول عني ياربي ليش هجي اني شجابني علي مو هو رجال متزوج ومستقر
بقيت ابجي حسيت بتأنيب ظمير قوي مو هذا التربيت علي
صارت صورة ماما وبابا كبالي وحسيتهم مراضين عليه
بيني وبين نفسي قررت مااتقرب منه بعد بس كد السلام وخلص

جاسم ' كعدت من غبشه للمذخر التهيت بشغلي للظهر رجعت تعبان دخلت شفت جوهره وي الاهل بالمطبخ دا تساعدهم بالغدا شافتني دنكت وبقت على وضعيتهه ابد مرفعت راسهه اني بقيت اسولف وي امي بس كون تباوعلي وماكو

جاسم ' يمه ميسم تعبانه بالمستشفى حظري روحج العصر نروحلها
ام جاسم ' اني مااروح روح وحدك
جاسم ' يمه لخاطري بس هالمره
ام جاسم ' وشيفيد يايمه شيفيد يوميه نراضيها وترد تزعل وفوك هذا معاجبهه ولسانهه اطول منها لامحترمتك ولا مقدره اهلك ياريت تستاهل واكول ميخالف
جاسم ' يلا يمه شسوي هذا هم حظي

جوهره ' اسمعه يريد يروح لمرته هو وامه ضجت مااريدها ترجع يم جاسم ويشوفها وتشوفه وترجع حياتهم سوه مااعرف احس نار تحركني من تجي سيرتها ، وهم ترجع واسمع كلامها المسموم ولا اكدر اني الاطلع وين اروح واني ضاله لا اهل لا كرايب ولا اعرف شنو تاليتي