جوهرة الموصل

صدمه

جاسم ' صرت احب كلشي بيج وكل تفاصيلج تثيرني احس روحي مراهق واول مره اعيش هالمشاعر
جوهره ' يامشاعر ؟ اباوعله وارمش بعيوني وعاضه شفتي من خجلي
جاسم ' يابنت الناس لاتسوين هجي مو صبر ماضل بيه
جوهره ' شسوي مثلا !؟
احجي ويا ومن خجلي عضيت شفتي ومااحس الا جاسم باسني بكل قوته حسيت الهوى انكطع عليه وتفكيري وكف عشت ويا اللحظه وبادلته نفس المشاعر
رفع راسه وباوعلي
جاسم ' احبج
جوهره ' باوعتله واني هايمه بعيونه ونظرته واني اسمعه يكول الكلمه الكلبتني كلب
واني هم
جاسم ' انتي شنو
جوهره ' اني احبك
جاسم ' هاي عودصدك لو احلم انتي دا تحجيها برلج تخلفي هاي انتي ،
جوهره ، اي اني والله احبك
جاسم ، اني اليوم مو بس اسعد انسان اني اكثر واحد محظوظ بالدنيا

ميسم ' جنت نازله اشوف جاسم اجا لو بعده لأن مرات يجي ويبقى كاعد بالاستقبال او الحديقه فتت للاستقبال جان اشوفه  كاعد وي جوهره وشفت كل الصار وكل كلامهم سمعته
صعدت من حركة كلبي كسرت التلفزيون لان جان اول شي كبالي

بقيت اهدي بنفسي حتى محد يحس بشي لازم مااسوي اي مشاكل حتى خطتي تمشي عدل وللاخير

جاسم ' صعدت لغرفتي واني اغني مدري اركص من الفرحه جان اشوف  التلفزيون صاير تكسير
هاي شنو منو هجي مكسره
ميسم ' جاي اشيله امسح الجواه ووكع مني وانكسر
جاسم ' يلا مو مهم نجيب غيره ' فتت اخذت ملابس سبحت وطول ما اني بالحمام بس اغني
ميسم ' بسيطه اني اعلمك ياحقير الا اطلع هاي الفرحه من عيونك
لزمت تلفوني اتصلت بساره  وانطيتها الاوكي حتى تنفذ

جوهره ' صعدت لفوك واني الدنيا مسايعتني من فرحتي ومافكرت بالجاي ولا بالي راح يصير عشت اللحظه وبس
لزمت تلفوني ودخلت على صفحة جاسم بقيت اتفرج صوره واني تايهه بكل تفاصيله
هو هذا الحب ' هجي الإنسان يكون سعيد وكولشي بعينه حلو
انتبهت جايتني رساله من ام عزيز كاتبتلي

ام عزيز ' هلو حبيبتي ابشرج لكيت عمتج
باجر تعاليلي بالعشره الصبح حتى نروحلها لاتكولين لاحد حاليا
وهذا عنواني مو تتاخرين انتظرج

ماصدكت القريته وصارت فرحتي مضاعفه واخيرا لكيت احد من اقاربي الف الحمد لله والشكر الك يارب

جاسم ' صار الصبح وكالعاده رحت لشغلي وبطريقي وديت ميسم لأهلها ' بس المزاج لوز اليوم كلشي بعيني حلو اخذت ريوك وياي للعمال بالمذخر من كد فرحتي بالصار
للساعه ١ كملت دوامي واني بطريق الرجعه فتت على محل ورد اخذت باقه جان الورد جوري لان جوهره تحبه
انتبهت عليها مره لابسه كلاده على شكل ورده مفتوحه وبنصها جوهره والاوراق عددهم ١٢ كل ورقه عليها إسم امام سلام الله عليهم
امها صايغتها الها حتى تحرسها من كل شر
صعدت ردت اتحرك اجتني رسائل ع الفيس فتحتهم وهنا جانت الصدمه الي ممتوقعها

جوهره ' كعدت نشيطه اليوم والفرحه تقره الف غسلت نزلت اتريك  جان اشوف ساره يمنه من الصبح جايه
كملنا الريوك وصعدت ويايه
شافتني فرحانه حاولت تعرف السبب بس محجيتلها مثل ماوصتني خاله ام عزيز فتت اسبح حتى الحك اروح ع الموعد