جوهرة الموصل

مبادره

جاسم ' وصلنا لبيتهم واني كلبي يركص مدري من فرحتي بشوفتها مدري من خوفي لا ترفضني
دكينه الباب طلعلنا زوج عمتها المهندس عرفته لهسه شكله ابالي من رحت للدار رحب بينا ودخلنا وره شوي اجتي عمتها ورحبت بينه همين بس هي مجانت تعرفنه منو اول مره تلتقي بينه
حياة ' عمه جوهره خل زينب تجيب العصير وتجي يمنا ضيوف
جوهره ' عمه زينب نايمه اني ح اسوي واجيبه
حياة ' ماشي حبيبتي
جوهره ' اني جان بيه طبع من يجينه خطار اطلع احسب الاحذيه حتى اعرف شكد الجايين هههههه طلعت احسب جان اشم عطر وي شمته كلبي كام يدك
اعرفه هذا العطر مو غريب عليه بقيت دايخه بي
جنت لابسه دراعه بيجي عليها شال زيتوني
اخذت العصير ودخلت بديت اضيفهم واني مدنكه ماشفت منهم شي بس عرفت الي كاعدات بالبدايه نسوان ٢
وبصفهن شفت الحذاء رجالي والعطر نفسه خفت ارفع راسي لايكون ضني بمحله
جان يكولي اشكرج جوهره
سمعت صوته كبل رفعت راسي بصدمه وعيوني معلكه بعيونه صرت مثل الصنم اباع علي هذا جاسم
تراجعت لوره من شفته والصينيه بيدي لحد ما انضربت بالطبله اجيت اوكع لوره كض وكمشني اني هنا ماااعرف منين جتني القوه دفعته وطلعت ركض

سمعت ' صوت عمتي تصيحني مارديت وصعدت للغرفه طبكت الباب وبقيت ابجي
زينب ' فزيت على طبكة الباب القويه انتبهت هاي جوهره كاعده بالكاع وتبجي كمت حضنتها اريد افهم منها شكو وهي لا حس ولانفس بس تبجي بلا وعي

حياة ' ممكن تفسير للصار
ام جاسم ' والله يادكتوره شكلج بقيت ابلع بريكي مااعرف شكول وشحجي
حياة ' انتو منو ومنو دزكم علينا ' الواضح جوهره وانتو تعرفون بعض ومعرفه قويه احد يحجيلي

جاسم ' اني احجي
جوهره جانت عايشه يمنه بقت يمنه فتره بس بيوم طلعت وبعد مارجعت واني صار.....

حياة ' خلص لتكمل اني فهمت كلشي
اهلا وسهلا بيكم ' ووكفت بمعنى بيتي ميستقبلكم
همه ماطلع منهم اي حرف بعد وطلعو وهمه ساكتين
طلعو رحت صعدت لكيت جوهره منهاره من البجي شلناها ع فراشها انطيتها مهديء ونامت

حياة ' عديم الاخلاق جاي وبحيل سدر ولا استحى وانوب جايب اهله وجاي عباله بنات الناس لعبه ويكدر يحل المشكله بكم كلمه لو بأعتذار

جوهره ' كعدت بالليل شفت يمي صينية عشى عفتها ماشتهي اي شي ونزلت بس بهدوء جنت خايفه من نظرات عمتي وزوجها
كلت خل انزل واليصير يصير

كعدت يمهم بالصاله واني افرك بديه من الخوف
حياة ' هذا النذل شدلاه ابيتنه وشعنده جاي  جنت احجي بعصبيه
جوهره ' والله عمه مااعرف اني مثلكم تفاجأت اصلا من طلعت من بيتهم بعد ماشفته ولا التقيت بي
حياة ' حبيبتي اني مجاي احاسبج بس من خوفي عليج دا اسالج هذا مو راحه واخاف ياذيج مثل ماسوه قبل
انتي الوحيده الباقيه من ريحة المرحوم ومااريد اخسرج
جوهره ' اعرف عمه حقج بالي تكولي بس والله مااعرف سبب جيتهم واني مبتعده عنهم من يوم الصار واذا جان يريد صلح او ترجع الامور مثل قبل ف مستحيل هالشي يصير وعيونج اطمني
حياة ' مطمنه حبيبتي وادري بيج كدها وكد الثقه