جوهرة الموصل

يوم من العمر

زينب ' كمت غميت جوهره بنص كصتها ' ولجن اموتتني بفطاريتها
جوهره ' هههههه ولج الدعوه مردوده على صاحبها

جاسم ' كملنا كلشي وتحدد موعد العرس  ممصدك شيخلص الاسبوع واضمج بين احضاني وتصيرين الي للابد واخيرا ياربي صبرت ونلت
جوهره ' تعرف حبيبي تاريخ زواجنا راح يصير بنفس اليوم الطلعت بي من بيتكم
جاسم ' وشذكرج ياعمري الله ليعودها ' لاتنقهرين والله لأسويلج عرس ينسيج كل هموم الدنيا انتي بس بحبحيها شوي
جوهره ' شبحبح هو اني منيلي حتى ابحبحها
جاسم ' خرب ولج مو فلوس وغمزتلها
جوهره ' على فكره انت قليل ادب
جاسم ' هههههه اموت بالخجوله
جوهره ' هههههه ديلا كوم كوم اتاخرنا لازم اروح اني وميسون للصالون نحجز
جاسم ' امرك ياجميل واخذتلي بوسه من خدها ع السريع
جوهره ' اصبرلي اصبرلي اليوم اموتك
جاسم ' هههههه

في منزل ميسم '

ام ميسم ' هسه شناويه تسوين العده وخلصت
ميسم ' شسوي يعني لازم اروح لولده واخذ حصتي وحصة ابني منهم
باجر من الصبح رايحتلهم
ام ميسم ' ولج هذول حقراء خاف ياكلون حقج ومينطوج شي
ميسم ' والله مو بكيفهم اكو دوله واكو قانون غصبا ماعليهم اطلعهن فلس فلس ' والله اني مااخذت ابوهم الشايب علمود سواد عيونه ولا علمود اطلع بلوشي
ام ميسم ' اروح وياج لعد
ميسم ' لاخليج ميحتاج

صار الصبح بدلت وتوجهت لبيت رجلي صاير بركن فرعنا فتحت الباب وفتت

خل اعرفكم عن نفسي
اني جهاد الابن الاكبر لحجي موسى وعندي ٢ اخوه اصغر مني
عماد وسعد اما اخواتي ٢ جنان وجوري
امنا توفت السنه الفاتت جان عدها فشل كلوي وخسرناها اني واخواني كلنه مزوجين والحمد لله مرتاحين ماديا
والدي تزوج وحده من منطقتنا مطلقه وتجي بعمر اختي جوري طبعا كلنا عارضنا لان سمعنا عنها اشياء مو حلوه من الجوارين بس الوالد جان مصر ومكدرنا نكسر كلمته
زوجته جانت ايدها طويله لان من دخلت بيتنا بدت الفلوس تختفي واحنا عمرنا كله مصايره عدنا هاي الحاله

بقيت اراقبها واصورها من تاخذ الفلوس لان هذا الحل الوحيد حتى الوالد يصدك اجا اليوم وواجهتها ونكرت شوفت التصوير لوالدي يلا صدك
هي بقت تتمسكن وتبجي لحد ماكسرت خاطر ابوي ورجعها كوه وبشروط بس بقى ممأمنلها
وقبل ميتوفه بمده قصيره جمعنا اني واخواني وقسم الورث بينه بما يرضي الله
احنا مقبلنا بالاول بس هو جان مصر ويكول اني مدايملكم وهذا حقكم
نفذنا طلبه وتقسم الورث كله بينا بطريقه قانونيه
بعدها ماطول بشهر ومات جان كلبه حاس

اما ست ميسم زوجته
بس ايام الفاتحه وبعدها راحت لأهلها تكمل عدتها ' شو منحس الا دخلت علينا

ميسم ' صباح الخير
جهاد ' خير ياطير من الصبح
ميسم ' عندي حجي وياك
جهاد ' كولي
ميسم ' وحدنا
جهاد ' محد غريب كلهم الكاعدين اهلي واني مااضم عليهم شي
ميسم ' اجيت حتى نتفاهم على حصتي من الورث
عماد ' ياورث هذا الدا تحجين عنه
ميسم ' نصيبي من ورث ابوكم لو ناسين اني زوجته والي حق بفلوسه واملاكه
جهاد ' صح كلامج بس هذا في حال اذا الاملاك ممتقسمه لحد الان
ميسم ' يعني !؟
جهاد ' يعني الوالد الله يرحمه قبل ميموت قسم كلشي بيني وبين إخواني وبس ' وماذكرج بالتركه
ميسم ' انت شدا تحجي ماكو صحه للي دا تكوله
جهاد ' تكدرين ترحين للطابو وتتأكدين بنفسج
واحنا ناس خايفين من الله ومناكل حق احد ولا نمد ايدنا على مال غيرنه
باوعتلها من جوه لفوك باخر كلمه
ميسم ' بله حقي واكلتو حق ابني هم ' طلعت تحليل الحمل الي يثبت حملي بخلال ماجان ابوهم عايش يعني مينكر