جوهرة الموصل

وصال بعد غياب

سامر ' فتت شفت واحد كاعد عرفته منو حبيت استفزه
امممممم شكلك مو غريب عليه وين شايفك وين
هاااا تذكرت انت حبيب الحلوه ام عيون الزرك وعضيت شفتي
جاسم ' كمت لزمته من ياخته ولزكته ابوكسي يمكن طشرت سنونه
لااجيب سيرتها على لسانك يا ......
نقيب فاضل ' جاسم اعصابك ابني عوفه .. عوفه دا اكلك
جاسم ' باوع لك اني ماجاي اشوف جهرتك الزفره هو سؤال واحد واريد جوابه بصراحه
ذاك اليوم من جنت وي جوهره همممم .....
سامر ' استمتعت بشوفته محترك كلبه وخايف لاصار بيني وبينها شي كعدت خليت رجل على رجل وابتسمت وبقيت ساكت شوي وجاوبته
قصدك نمت وياها مووووو
جاسم ' اني مشتعل شعل وهذا كاعد حاط رجل على رجل ماتحملت من جاب سيرة نومته وياها سحبت سلاحي وخليته بنص راسه
باوع لك ...
لا تختبر صبري تره والله والله افرغ الشاجور براسك واخليهم يحيرون شلون يلمونك

سامر ' فزعت من شفته سحب السلاح بوجهي
سيدي جاي تشوف جاي يعتدي علي كدامك وبالمركز ويهددني بالسلاح
نقيب فاضل ' اني مشفت شي
جاسم ' ابتسمت صفح
سامر ' بلعت ريكي من الخوف وكلت خل احجي احسنلي هذا مسودن ويسويها
لا ماسويتلها شي ' ملحكت 
بس اخذنا صور وطلعنا وراها وعفناها وحدها بالبيت

جاسم ' جبته ابوكسي لاخ كومته بالكاع وطلعت
نقيب فاضل ' تعال ابني رجعه للحجز

جوهره '  كعدت من النوم ساعه ٦ متعوده اصحى غبشه بالدار نزلت مشفت احد كلت احظر الريوك احسن ماكاعده
دخلت للمطبخ ماشاء الله يخبل وكولشي بي
خدرت الجاي وسلكت بيض على اجبان ولكيت كيمر عرب ترست الميز  اشكال الوان بقى بس الصمون مالكيت
رحت اشوف بلكي عمتي كعدت جان تلاكيني بنيه
رأسا وحده عاطت بوجه اللاخ من الصوت اجت عمتي تركض

حياة ' خير شكو شكو
زينب ' ماما لكيت هاي البنيه بالمطبخ يمكن حراميه
حياة ' هاي بت خالج احمد
زينب ' شنووو مو سمعت كلهم ماتو بالموصل
حياة ' بعدين احجيلج كلشي ' هسه خليني اتحظر اتاخرت ع الدوام

جوهره ' بقيت اتابع الموقف بغباء طلعت عمتي عدها بنيه بكدي حتى تشبهني
كعدنا نتريك وهي عينها مشالتها من عليه
حياة ' هييييي عينج شبيج اكلتي البنيه بس تباعيلها
زينب ' جاي اتاكد اذا صدك هاي بت خالي لو لا
حياة ' هاااا واتاكدتي ست زينب
زينب ' اي اتاكدت لان نفس الجهره
جوهره ' هههههه
زينب ' باعي ماما حتى نفس الضحكه
حياة ' ياسبحان الله شنو هالذكاء ' يلا كومي كومي عزلي المطبخ مو بس نوم واكل وساعدي جوهره بأي شي تريده
اني رايحه ' سلام

زينب ' احجيلي عنج كولشي شوقتيني اعرفج اكثر
جوهره ' سولفتلها عني وعن اهلي بس محجيتلها شلون جيت هنا وعن الصارلي
زينب ' تعرفين شكد جنت متشوقه اشوفج ماما جانت تحجيلي عنج تكول جنتن صديقات وانتن زغار حتى االبس نفس الشي تلبسن بحيث ماجنه نميزجن عن بعض
جوهره ' صدك يعني هجي جنه قراب من بعض
زينب ' اي بس خالو استقر بالموصل علمود شغله وبعد ما التقينه لان بنفس السنه بابا وقع عقد وي شركه مصريه وسافرنا لهناك وهاي السنه رجعنا 
جوهره ' يا واني اكول ليش من دورت عليكم ملكيتلكم اثر
زين ليش عمه وبابا ما جانو يتواصلون ولا مره شفته خابرها او سولف عنها
زينب ' خالو جان معارض زواج ماما وبابا لان والدي غريب وماما اخذته عن حب جانو بنفس الكليه  بس جدو جان قابل وماكدر يعارضه بس بقى مقاطع امي
جوهره ' مستحيل بابا يفكر هجي
زينب ' اني هذا الحجتلياه ماما وياما حاولت تتقرب منه بس هو ابتعد وماقبل الصلح عرفتي ليش ماجانو يتواصلون
جوهره ' اووووف
زينب ' كومي خل اشوفج غرفتي اقصد غرفتنا جنت كولش فرحانه بيها ممصدكه عندي كرايب وراح تبقى يمنه اخذتها ركض لغرفتي وفرجتها على كولشي عندي