جوهرة الموصل

نظرات

كعدت الفجر على صوت الاذان رحت اتوضا شفت جاسم طالع ضل يباوعلي ' مااعرف نظراته تربكني

جاسم ' اني اسف جوهره والله مو بقصدي أأذيچ بس هي صارت بعد ' شلون صرتي هسه ان شاء الله احسن
جوهره ' الحمد لله احسن ولاتعتذر انت مو متقصد وهاي اني مثل متشوفني زينه ' اشكرك على سؤالك احجي ويا واني مدنكه ممتعوده احجي وي رجال غريب
جاسم '  بقت مدنكه وتحجي وصوتهه كوه ينسمع
لا ولو هذا واجبي اطمن عليج البارحه مكدرت من الهوسه ' تردين اساعدج بشي تكدرين تمشين يعني ؟
جوهره ' اي اكدر شكرا  ' عفته ودخلت اتوضا
جاسم ' بقيت صافن بيهه شلون تحجي وصوتهه الناصي واسلوبهه الحلو خوما مثل العندي تكول غراب من تسولف هههههه

ميسم ' هاي ويامن تسولف من الصبح
جاسم ' وانتي شعليج
ميسم ' شنو شعلي اني زوجتك بابا
جاسم ' هييييي صوتج ميعلى لا السانج اكصه ' كومي حظريلي ريوك  دا اطلع للشغل '
اني لأن شغلي بمذخر ادويه اضطر اداوم من غبشه حتى اجهز الصيدليات بالمستلزمات الطبيه ولان الحسابات يمي ميصير الشغل الا بوجودي
بدلت تريكت وطلعت واني مزاجي معكر من وره ميسم ' هسه اني شجاني ورجعتها مو جنت مرتاح
اووووف منج ميسم اوووووف

ميسم ' نزلت وره ماراح جاسم للشغل جوه تقريب ساعه ٩ شفت هاي جوهره كبالي
صباح الخير
جوهره ' صباح النور
ميسم ' شلون صار ظهرج واني اباوعلها بإحتقار
جوهره' شوي احسن شكرا على السؤال
ميسم ' العفو ' هالمره اجت بظهرج غير مره الله اعلم وين تصير
جوهره ' بقيت صافنه وعلامات التساؤل بوجهي ' شنو قصدج ؟
ميسم ' قصدي من تدخل في ما لايعنيه لقي ما لا يرضيه

فجأه دخلت ميسون  للمطبخ جان تكول لميسم '
عيب هالكلام البنيه فوك ماحاولت تحل مشكله وتصلح بينكم هجي تحاجيهه
ميسم ' والله مشاكلي اني وزوجي نحلها ممحتاجين مساعده من احد والمعاجبه كلامي الباب يوسع جمل '

جوهره ' عافتنه وطلعت ' اني بقيت ساكته ومارديت
ميسون ' هاي الظاهر ماكفتها كتلة البارحه الا اكول لجاسم يكسرها
جوهره ' لا عفيه لاتكوليله ماريد اسببله مشاكل بداعتي وهي تره عدها حق مجان المفروض ادخل بينهم شغله متخصني
ميسون ' وشنو ترديني اسكت على تطاولها
جوهره ' ميخالف البنيه  تعبانه نفسيتها من الصار اكيد مو قصدها
ميسون ' والله انتي فطيره وبلا گلب

مرت الايام عادي
واني لهسه كاعده ابيت ابو جاسم اتعرفت على عمامهم وخوالهم جان بيتهم ميخلى من الخطار واللمه والسالفه الحلوه عبالك اهل وبيت واحد حتى بناتهم ماحسسوني  بغربه عبالك اني وحده منهم شيشترون يجيبولي وياهم ومدلليني
و وره اسبوعين من تحسن طه سوو عزيمه ابيتهم على سلامته
عزمو بيهه كل اقاربهم
اني ايدي اخذت ع البيت والشغل وصرت اعرف كلشي من طبخ وتنظيف حتى الخبز تعلمتله من كد الفراغ العايشته ودا احاول انسى وضعي والمريت بي  لهيت نفسي
جنت واكفه يم الطباخ واسمع ثنين وراي يسولفن