جوهرة الموصل

الثأر

9/الثأر

وبيوم الطلعت جوهره تشوف ام عزيز استغليت الفرصة من جانت بالحمام فتحت تلفونها عطلت حسابها الاصلي وفتحت الوهمي وغيرت الباسورد خليته اسم سامر حتى تكمل الخطه للآخر

جاسم ' وج انتي الحرك رحمه بحقج  جيبي تلفونج جيبييييي
طلعته وانطتنياه مسحت كل صور جوهره البتلفونها  بعدين رحت ذبيته بمي حار واني اسمع صريخها وهي تتوسل ولاهزت شعره بيه من الرحمه تستاهل اكثر الحقيره
طلعت ضيم كلبي بالتلفون حتى متكدر تسوي شي بصور جوهره
رجعت لكيت رضا منهيها تنهي من الظرب
ولامنعته بالعكس جنت اسانده بالي يسوي
اخر شي سحلها وشمرهه بالكراج
رضا ' باعي لج دايحه حرف ميطلع من الصار لا كلشي احطه بيد ابوج وعمامج وهمه ينجازون وياج
ساره ' حركت راسي موافقه ورحت اركض طلعت رحت للبيت ولا كأن شي صاير

جاسم ' صارت ساعه  وحده بالليل  واني حالي حال اختنكت بدلت وطلعت لموسى ابن جعفر اريد نار كلبي تبرد
بقيت هناك لوجه الصبح واني بين البجي والدعاء ترجعلي جوهره كلشي مااريد من الدنيا بس اشوفها ادري ماراح وذنبي جبير ومالي عين حتى اطلب ترجع  بس يارب اريد اطمن عليها
عدله ميته بس خبر منها يطفي النار لبداخلي
دنكت ع السجاده  ابجي بحركه لحد ماخويت رفعت راسي واني بين المصدك بين الما مصدك عقلي يكلي وهم وكلبي يكلي حقيقه

جوهره '  كعدت اصلي الفجر رحت اتوضا جان اسمع وحده من النزيلات تبجي اسمها ام علي اتقربتلها كلتلها خير يمه شبيج شيوجعج
جان تكول حلمت رايحه لموسى ابن جعفر مشي وكعدت مشتاقتله شفت حالي مكرمه مااكدر امشي وبجيت ع الحلم ضل بنفسي
جوهره ' جنج على زياره ' هسه اصلي واخلي حجي كاظم يودينه
خطيه شفتها كيفت
كملت صلاتي ورحت حضرت خاله ام علي واني لبست عباتي والنقاب ' صارت كل طلعتي بيهم اخاف جاسم لو احد من اهله يلكاني ويسويلي مصيبه
رحنا زرنا وجه الصبح والجو يخبل توها هابه نسمات الشتا
زرنا كملنا وطلعنا ننتظر حجي كاظم يجي
كعدنا بره بالحضره جان خاله تعطش اخذتها ورحنا نشرب واني هم عطشانه رفعت النقاب دا اشرب وصار بوجهي

بقيت مجذبه نفسي واكول لا مو هو
هذا ضعيف وملتحي ' بس لا اعرف عيونه ونظرته مستحيل اضيعهن لو بين الف نظره صفنت بي شكد متغير فرق من السما للكاع
تيهت وحتى مي ماعرفت اشرب رجعت النقاب ع السريع واخذت ام علي ورحت ركض شفت الحجي واكف يسولف وي الكشواني استعجلته وطلعنا بسرعه

جاسم ' ضعت بعيونها الجنت ادورهن ونسيت روحي وين اني باقي بس اباوعلها واكول هاي هي والله هي صح متغيره بس گلبي يعرفها لو شلون متكون وشما يتغير بيها
شفتها لازمه كرسي متحرك كاعده علي مره جبيره بالعمر وتدفع بيها راحت سريع ورحت وراهه
شفتهه تحجي وي رجال وشوي ومشو اني بقيت اباوعلها واني مدنك البس بحذائي بين ماكملت ماشفتهم بعد ضاعو بين الزوار جان وكت صبح وجمعه والزوار صارو هواي