جوهرة الموصل

اعترافات

جاسم ' طك كلبي على جوهره جاي احنلها اكثر ما افكر انتقم منها رحت لغرفتها  فتحت كنتورها كل غراضها على حطتهن مماخذه شي وياها
حتى جزدانها باقي على حطته حسبت الفلوس البي كلت يجوز البوكه بي واني ظالم ميسم حاولت الكى مبرر لإنتقامي منها
شفته بس فلوس عراقي طلعن بكد الاسبوعيات الي جنت انطيهن الها مصارفه منهن ولا فلس
استغربت ليش هجي سوت

بقيت ادور جوه الجرابي لكيت تلفونها واكع وره البرده شاشته مكسره فتحته طلع طافي شحن خليته دقايق ع الشحن بس كد افتحه همزين انفتح
رحت ع الصور
شفت صورتها واني عبالك نفس مكطوع وردله الهوى دمعت عيني عليها شكد مشتاقلها لحلاتها لصوتها لخجلها
اباوع لصورها واحاجيها
صدك كل هذا جذب كل هالبراءه تمثيل ليش هجي سويتي بيه ليش هنت عليج وكدرتي تخونين بقيت اشوف الصور وحركاتها عبالك طفله ضحكت بداخلي على ذيج الايام

فتحت حسابها رجعت قريت كلامها وي صاحبها كرهتها بالجديد
مااكدر السوته مو سهل ومااكدر اغفرلها اخخخخخخ لو الكاها والله اشرب من دمها وهي عدله
حطيت التلفون بجيبي وطلعت لشغلي

حسنه ' يمه جوهره اني ملتهيه اصب اكل ماترحين تنظفين غرفة الدكتور لأن اليوم تجي بمكانه دكتوره جديده للدار
جوهره ' صار تدللين ' احنا بحكم دار مسنين لازم اكو دكتور عدنا بحال صار اي شي للموجودين هنا
اخذت ادوات التنظيف دخلت كنست الارضيه ومسحتها بديتول وبعدين هويت الغرفه ومسحت شكو شي بيها حتى الثلاجه رتبتها وترستها مي وفواكه بطلعتي لاكتني الدكتوره الجديده

باوعت عليه وسالتني
الدكتوره ' هاي انتي نظفتي الغرفه
جوهره ' اي اني دكتوره
الدكتوره ' عاشت ايدج خوش معتنيه بيها
جوهره ' اباوعلها شكلها حلو رغم جبيره بالعمر بس حلوه صاحبة عيون زرك وبشره بيضه
الدكتوره ' بقيت افتر بالغرفه واسعه ونظيفه فتحت الثلاجه متروسه اشكال '
جوهره ' اترخص اني دكتوره عفتها وطلعت رحت يم خاله حسنه اعاونها ' اني شغلي بالدار اغلبه بالمطبخ وي خاله ومن ماعندي شي اكعد بالحديقه وي المسنين خاف يحتاجون شي
جان المدير انسان طيب وسعى بشغلتي لحد ما سوالي راتب شهري
صرت اخذه اضمه لان يجي يوم واحتاجه

جاسم ' جنت كاعد بالحديقه وحدي ادخن نركيله طلعت تلفون جوهره. اريد اشوفها اشتاقيتلها هم شفته طافي تعاجزت اروح اشحنه
كلت خل افتح حسابها من تلفوني واسحب صورها الي بالمحادثات
افتح بالحساب يطلعلي تم تعطيل الحساب ويكولي كلمة السر غير صحيحه
شسالفه اني الصبح فاتحه بتلفونها شعطله ؟
بقيت احاول وماكو انوب تذكرت اني مسوي الها سويت اعادة تعيين كلمة السر عن طريق الايميل وانفتح بس بقيت ممرتاح كمت خليت تلفون جوهره ع الشحن لحد مافتح لكيت الحساب هنا بجهازها كلشي مبي مفتوح وممتعطل استغفر الله شسالفه
هاي شجاي يصير ليش هنا معطل وهنا مفتوح
خابرت رضا اجاني للبيت كعدنا بالاستقبال وشوفته
كعد يكلب بالحساب هنا وهنا جان يكلي