عشق ناضج وعشق مجنون

- ٧ -

أولاً كل سنة وانتو طيبين رمضان كريم.. 

ويوم رمضان عبارة عن 24 ساعة

5 ساعات نوم متقطعين

3 ساعات للبيت
7 ساعات ضايعين شغل (ده لو مكملتش في البيت يعني)
يتبقى 9 ساعات بحالهم
4 بكتب فيهم جزء وبجبر نفسي إني اتحول للشخصية اللي بتتكلم وتفكر وحاجة ارهاق يعني بشع لعقلي المسكين (ده لرواية خفيفة زي عشق ناضج وعشق مجنون.. زينة وشهاب والناس دي بتحتاج حوالي 6 ساعات)

و خمس ساعات برد على الناس وبحاول المحافظة على حياتي الإجتماعية من الأهل والأقارب.. ساعات زي البشر بحتاج مثلاً استحمى أو أشوف ناقص ايه لطلباتي الشخصية.. أو أحول روياتي pdf أو أفكر في جزء جديد مثلاً

ولا عزاء بقا للمود والمزاج المتقلب اللي بيحصلي بردو زي باقي البشر
أنا إنسان والله يا جماعة زيكم وساعات بقع من قلة النوم واسحبلي 12 ساعة نوم

معلومة مهمة يمكن كتير ميعرفهاش عني أو مخدش باله اني نوهت عنها آلف مرة قبل كده بس نخليها آلف وواحد مش مهم كله يهون علشان الحلوين

أنا بكتب الجزء بجزءه وبنشره!! والله هو ده اللي بيحصل .. لا عندي مسودة ولا ببيض في ورق وانقل للاب.. ولا بحفظ أجزاء وأفضل انزلها بإنتظام.. مش أنا خالص اجدعان

بس أرجع وأقول من حبكو في اللي بكتبه ومقدراه والله العظيم وأنا محظوظة بكل اللي بيتابعني

رمضان كريم عليكو بقا 

كام معلومة بس عن الرواية دي

1 - صدفة جمعت بين اتنين زي اي صدفة وبيحبو بعض وبيتجوزوا بس المختلف في القصة هو نضوجهم في الاحاسيس والمشاعر

2- قصة حب مجنونة بين اتنين وفيها مواقف لذيذة وكوميدية وبتبين إن آخر إنسان على الأرض ممكن نفكر فيه بنلاقي نفسنا فجأة حبيناه

3 - مش هطول الجزء لأني معنديش وقت يا إما اطوله عادي وبدل ما انشر كل يوم انشر 3 ايام في الإسبوع أو أقل لأني والله ما عندي وقت وعلى فكرة الجزء بيكون في حدود 3000 كلمة وده مش صغير مقارنةً ببعض الروايات الأخرى على الواتباد

4 - الرواية دي بتتكلم عن شوية مشاعر ومواقف لذيذة بتجمع بين شخصين في علاقتين مختلفتين وبفصل بس بيها مش اكتر بعيداً عن روياتي المعقدة وفيها كذا فكرة نفسي اوصلها يارب تكونوا اخدتوا بالكم منها زي مثلاً كلام لينا لمامتها وهي بتقنعها انها تقبل الجواز من أمجد ونظرة المجتمع للمطلقة والأرملة أو مثلاً مشاعر أمجد لجيهان في الجزء ده بتاع النهاردة وفي نفس الوقت احترامه لزوجته الأولى اللي ماتت وعموماً النضج في مشاعرهم ولسه هنشوف هيتعاملوا ازاي مع أولادهم

5 - علاقة لينا وجيهان.. ياما اتكلمت عن امهات بس عمري ما طلعت علاقة صحوبية بين بنت وأمها كده