المخلص قصة حقيقية
يوجد اختلاف في بعض الاسماء وبعض الاماكن حفاضاً على خصوصية الابطال🌸
يكولون كثر الضغط يولد الانفجار يا ترى هل هاي المقولة تنطبق على قصتنة
قصتنة تتحدث عن شاب يعيش اكبر كذبة بحياتة بسبب ام انانية مافكرت بس بروحهة
حتى اجاه اليوم الي قلب حياتة...
اما في الجانب الثاني فهنالك بنت كبرت وترعرعت بخوف وصراع مع الحلال والحرام لينبت لها حب تجربة كل شيء ممنوع
وبين مُضي الايام تقع بلحب ومع كثرة المعاناة والألم
يخططون للهروب...
فيا ترى ماذا ستكون النهاية
مشهد
رقـة♥️
تحملُ حنجرتي صرخات يتفتت الصخرُ اذا سمعها !
كعدت من نومي مفزوع حلمت حلم كلش مو حلو مااعرف ليش هلكد خايف منه
احس ريكي ناشف رفعت شعري بأيدي احاول اركز تفكيري لكن شعري دائماً متمرد ويرجع يتسلل لجبيني
متوتر واحس گلبي يريد يطلع من صدري
يا ربي دخيلك شكد مزعج هذا الحلم
اففف حتى من انام تجيني المغثة
احس روحي كلش عطشان
باوعت بأرجاء غرفتي اتفحص الماي بس مالكيته الضاهر نسيت اجيبه بليل
كعدت ونزلت رجليه ؏ كاع وكمت امشي باوعت على روحي بلمراية زين لابس شورت كتان نيلي وكيمونة بيضة حتى لا تطلع امي بوجهي تعيط شلون نازل هيج متستحي
جنات عزيز
خلي انزل اجيب ماي احسلي..
طلعت من غرفتي ونزلت امشي على الدرج متوجه للمطبخ
البيت مساحتة وسط لا حديث ولا قديم يعني ماشي حالة
خواتي بغرفة واخواني بغرفة ثانية وامي وابويه بغرفتهم
الضاهر الكل نايم وكفت واصغيت رفعت حاجبي بتذمر
اسمع صكور اسمع عبالك دسمع صوت عركة
تقربت من يم غرفة امي وابوي ماكو ثواني وفعلاً
اجاني صوت امي وابويه متصايحين والضاهر الشغلة كبيرة
مااعرف شبيهم هاي الايام كثرانة مشاكلهم
يلا اني شدخلني شو بس احجي بهذا البيت كلهة تصير ضدي عبالك لاكيني بلشارع مو ابنهم
فتت للمطبخ فتحت البردة
الله شكد حلو الجو اليوم شمس وغيوم بيضة
باوعت لحديقتنة كلش حلوة الورد تارسهة والخضار يخبل بيهة حتى المرجوحة صايرة ماتبين من كثر الورد
رجعت بخطواتي و وصلت الثلاجة فتحتهة واخذت بُطل ماي شربت منه واحس روحي ماارتوي عطشان كلش
الضاهر الركض الركضته بلحلم اثر عليه
ضحكت وحجيت بداخلي هاي شوكت صاير تتأثر بلاحلام ولك "صكر"
سديت البطل واخذت خيارة غسلتهة وصعدت امشي ؏ درج
واسمع صوت امي وابوي مدري شجاهم شو بعدهم متعاركين عضيت الخيارة وحجيت دخيلك ربي شوكت تفض هلسالفة الكشرة واطلع من هلبيت صرت احس اهلي مو طبيعين دائماً عركاتهم مشتغلة
ودائما مشاكل حتى مشاكلهم اثرت على دراستنة من وره اهلي تركت الدراسة صار "٣" سنوات لو ضال ادرس جان هسة اني بلكليه
يلا الحمد لله على كل حال
وصلت غرفتي وصوتهم بعده يلعلع
اوف
اشوكت اهج من العراق كلة والله مليت من روحي ومن عيشتي
لا اهل بيهم حض لا عيشة بيهة حض ملل كلش
