تحتَ_اجنحة_البرزخ
#البارت_السابع_عشر
#بقلمي رقـــة
سما وجنـحانك ايـنگطن
جـفى اعله اصـطوح اهالـينه
جـرح ومـوادعك سـچين ماخلى كـتر بـينه
كلف ممـشى الرمل بالـصيف
والـحر نـهش رجـلينه
نطـيح ونـرد نوگـف روس مـن ينـجاب طاريـنه
عـطش فـطر سـمار الروح
وتشـلبه اعله باجـينه
عـذاب ابنادم امـن ايـشوف باعـو لذة اسـنينه
لـ علي الشيباني👌🏻💔
اندك الباب
واجانة صوت كنان
كنان :دكتورة اكدر ادخل
باوعت عليهة بخوف وحجيت بصوت ناصي كوة ينسمع والخوف تارس گلبي وكل حواسي
ملامحي بينت مرعوبة
كتلهة شنسوي هسة شلون اكيد راح يقتلني انقذيني الله يخليج
طلعيني من هاي المصيبة
باوعتلي وهي ايضاً خايفة لكن تحلت بلشجاعة واخذت نفس وحجت
بصوت مرتجف
الدكتورة:لا مافيك تدخل عم نغير الملابس وعم انضف جسم المريضه بدنة شي خمس دقايق لحتى نكمل
كنان:ماشي راح انتضركم هنا من اتكملون كلولي
دفعتني الدكتورة ودخلتني بسرعة للحمام والممرضة واكفة على الباب ولازمة گلبهة
بدلت ملابسي بسرعة وحتى بعد مااعرف شلون البس
ورجعت مددت على السرير وغمضت عيوني واخذت وضعيه فقدان الوعي
الدكتورة ضمت الملابس السود ورة باب الحمام حتى مايشوفهن كنان
وكفت وعدلت وكفتهة اخذت شهيق وزفرته
وطلعت هي والممرضة وكالن لكنان هسة تكدر تدخل
دخل واني مغمضة احس عيوني تركص وخايفة لا يحس عليه متوترة وگلبي يدك سريع
اجة كعد يمي اخذ اديه بأديه وكعد يتلمس بيهة ويحجي وياي
كنان:اسراء حبيبتي اكعدي
والله مشتاقلج اسف على كلشي سويته الج
اكعدي واوعدج حياتج ترجع طبيعية
اكعدي يعمري والله اسف
صار يبجي مثل الطفل وحسيت بدموعة على اديه
اول مرة احسه يضعف
قرب اكثر وخلة راسه على صدري واني مسويه روحي ميته اله شويه
صار يشتم بركبتي ويحجي بقهر
للحضة ردت احن عليه واكعد واكولة ها حبيبي ليش تبجي اني هنا
اني يمك لا تحزن عليه
لكن هيهات بعد
گلبي قسى
وروحي قست وحتى الحنية نشالت من گلبي
اريدة يوخر مني كارهتة مااريدة يتقرب مني ابداً
اريدة يبتعد عني
وين يروح خلي يروح المهم مااشوف وجهة
