تحتَ_اجنحة_البرزخ
#البارت_الثاني_عشر
#بقلمي رقـــة
مر عليّه بغير بسمه ،
بلا شلونك يا حبيبي ،
بغير حس .
(مرني جنّك ما اِلك بيّه عِرف ،لا معاشرني أمس . )
عبد الكريم القصاب♥️
اسراء..
وخرت منه وصرت كدامة باوعت على الميز مخلي المسدس مالته
ركضت عليه واخذته وجهته عليه
وحجيت بخوف وتلعثم
كنان لا تقرب مني ترة والله اقتلك
اقتلك والله واقتل نفسي وراك
كنان اتركني رجعني لاهلي وعوفني بحالي اني مااريدك
كنان:حبيبتي لا تتهورين ليش هيج اسوين بيه ليش تنغصين عليه سعادتي
مو تدرين انتي فرحة العمر
مو تدرين صارلي سنين انتضرج ليش هيج اسوين.
اسراء:بغصة فرحة العمر موو
وين الفرحة اريد اشوفهة
لعد ليش اني ابداً مو فرحانة
شو اخذتني مثل وحدة ارملة
ابسط شي وهي البدلة مالبستهة ماتكلي يا فرح التحجي عنه
بس اهدئي حبيبتي مبين عليج تعبانة وتفكيرج مشتت
انطيني المسدس لا تتهورين يلا حبيبي انطينيا
يتقرب عليه ويحجي وياي واني ارجف من راسي لرجليه بس مقويه روحي كوة ولازمة المسدس
ايديه ترجف وقواي خارت
اريد استند على شي بس ماكو شي يمي بس الميز
اخاف استند عليه واخسر شجاعتي
قرب اكثر واني اهددة ومايفيد وياه
غمضت عيوني وضغطت الزناد بقوة لكن حتى الحض خاني
ما انطلقت منه ولا طلقة
كنان صار يمي اخذة مني
راح خلاهة بلكنتور وقفلة ورجع عليه
وكف كدامي وهو حزين يحجي وياي وصوته مبحوح بألم
گلبي يحن عليه لكن عقلي مايتحمل وجودة
كارهتة كلش وكاهة تصرفاتة
حجى يمي بصوت متشحرج وكأنه يريد البكاء
ليش هيج اسوين اسراء
معقولة ماتحبيني
خلة اديه على كتفي
غمضت عيوني بألم
مااريد اشوفه كدامي
اخاف اضعف واسلم روحي الة
مااريد اكره نفسي بسببه
كمل كلامة بكل حنية
معقولة حب حياتي رافضتني
وعلمود شي ديني دعاني الة
لا تسوين هيج وياي اسرءا اروحلج فدوة لا تعذبيني
وخرت من يمة ودموعي نزلت بكثافة
اسراء: بغضب وصوت عالي
رجائاً كنان لاتكول دينك دعاك الة
دينك بريء من هاي السوالف
هذا مو جهاد هذا اسمه خيانة وطن
تدري بهاي سوايتك شسويت
دمرتني ودمرت نفسك
ودمرت امك وابوك وخواتك
انت دمرتنة كلنة
انت دمرت عيله كاملة كنان
انت اناني مافكرت بس بنفسك
مشيت بطريق كلة ضلال وتريد تسحبنه وياه للهاويه
غصب عنه
اني ماوافقت عليك ولا اتزوجتك بأرادتي ابويه غصبني
هو القرر بدالي
هو الضحة بيه علمودك
