تحتَ_اجنحة_البرزخ
#البارت_الرابع_عشر
#بقلمي رقـــة
مَرينه بيكم حَمد
وشفنه حَمد مكتول
والريل كلش بِطه
والگال خاف يگول
خاف القطار اليجي
هم ياخذ المحصول!
ماحسيت الة سيارة سودة كدامي ضربتني
غمضت عيوني بألم ومتمنيه تكون هاي لحضة موتي
بعدهة ماحسيت بشي
فتحت عيوني بلمستشفى ونسوان اثنين لابسات اسود بأسود
واكفات يم راسي عبالك خفافيش
اول ماصحيت
وحدة طلعت بسرعة يمكن راحت تصيح الدكتورة والثانية بقت واكفة يمي ماحجت اي شي
باوعتلهة ومستغربة منو هاي
حجيت وياهة بألم وايدي على راسي
منو انتي وشجابج هنا
جاوبتني بلفصحى لكن امبينه سوريه
انا ام "المتوكل على الله" جئتُ الى هنا بطلب من امير المؤمنين "كنان" حفضهُ الله
باوعتلهة من كالت امير المؤمنين وردت اضحك بس حالتي الصحية ماتسمحلي
كلش تعبانة ومتألمة
راسي يوجعني وجسمي مرضوض
اعضامي توجعني وعبالك مباقية عضمك صاحية
لافين راسي
راديه عليه لزكات جروح
وملفوفة بشاش ابيض
الضاهر الدعمة قوية
احس بألم يسري داخلي
لكن مااكدر اميزه الم الاصطدام بلسيارة لو الم روحي
احياناً الانسان يفقد بصيرته بأبسط الاشياء
حتى روحة بعد مايعرفهة
الاحساس الامر بيه ماينوصف
غريبة مع نفسي
وغريبه مع احساسي
حالتي النفسيه سيية جداً
انفتح الباب دخلت الدكتورة ووياهة هاي البنية مااعرف ليش گلبي كارصني منهة اباوعلهة ودي تحجي تنطق لكن هي بس ساكتة ماحجت ولا كلمة
تقدمت واخذت من ام المتوكل تلفون وطلعت شوية ودخلت
مااعرف شنو همست لام المتوكل وهزت راسهة
احس روحي اطرش بلزفة
شدعي عليك يابه ذبيتني هاي الذبة
عذبتني هذا العذاب وعيشتني هاي العيشة
لأجل انانيتك
ليش هيج سويت بيه ليش
كلش غريبة
وما الي احد حتى الاعتبرته سند طلع مو كفو
اووف وين راح توديج الدنيا اسراء
وين راح تروحين
شراح تعيشين وشراح تواجهين
بس الله يعلم بحالي
خليت اديه على گلبي ودعيت بداخلي
"يا رب وكلتك امري فكن لي خير وكيل ودبر لي امري فأني لا اُحسن التدبير"
اباوعلهن مااعرف اي وحدة كلهن مغشيات بلنقاب
حتى الدكتورة مثلهن اليميزهة لابسة صدرية طبيه
تقدمت وضلت تفحص اديه وعيوني
وجرح براسي
وكالت
الحمد لله على سلامتك حبيبتي ماتشوفي شر
كتلهة تسلمين
ضربتني ابرة بلمغذي وطلعت
ورة شويه دخل كنان
