تحتَ_اجنحة_البرزخ
#البارت_التاسع _عشر
#بقلمي رقـــة
الـموت يـدبـي وروحـي ويـن
اللـيله وحـشه
وباچـر احـساب الـسـنين
ابـيا وجـه مـلـگه الذنـوب اليا مـحـطه امـسافـريـن
كاظم العطشان🥀
ضربته بصدرة بديه
واباوع لجهامتة كلش ضخم ويخوف جر اسلاحة بسرعة وخلاه بكصتي
بسرعة كنان سحبني من كدامة ويحاول يقنعة انو اني مجنونة
لكن هو قفل عليه الة يقتلني
تعارك هو وكنان بلكلام وصارت بينهم بلسلاح
واحد جر سلاحة على الثاني والتهديد اشتغل
اكو واحد بعيد لاحضته يحجي بلتلفون وكأنه ينقل الكلام لأحد
الوضع متوتر كلش
خوف على قلق على انعدام للرحمة
المكان ايضاً صار مخيف
منا خالة ميته ودمهة سايح بلكاع ومنا الوجوه مابيهة رحمة
وهذا شكلة كلش يخوف
ملتهي ويه كنان وراح بعيد شويه ورجع عليه
اصر انو يتخلص مني
قرب عليه والخوف كاتلني جر اسلاحة وسحب اقسام
اجة كنان بسرعة وصار كدامي
امر كنان ان يبتعد والا راح يقتله ماابتعد كنان وبقى مصمم على موقفة
الى ان رن تلفونة
القائد الكبير مالتهم امر ان ياخذوني اله حتى هو ينفذ القصاص بنفسة
مااعرف ليش احس اليوم الدنيا كلهة فاضيه علمودي وكلهة تريد موتي
معقولة حتى الحياة سئمت مني
اباوع على كنان مخذول مايكدر يفرض سيطرته من جهة اني ماسامعة كلامه ومن جهة هذا الرجال يريدة يرضخ الة
وهو اعلى منه مقاماً
امرهم بلانسحاب وصعدو بلسيارت
طلعني كنان وهو يسحل بيه وبالي يم خالة
اريدة بس يتركني حتى ارجع عليهة
لكن ابد ماتركني
انصدمت من شفت عدد سياراتهم بلمنطقة والمنطقة مدمريهة دمار ممخلين شي يعتب عليهم حتى بعض الناس مدمية وكأنهم ضاربيهم
تمنيت لو مجايه هنا اجيتهم ساعات قلبت حياتهم ودمرت منطقتهم
وماتت خالة بسببي
شمسويه بدنيتي حتى هيج اتعاقب
ما تدخل فكرة موتهة براسي اريد انقذهة يمكن بعدهة عايشة
مامعقولة يا ربي ماتت بهاي اللحضات
شبسرعة مالحكت حتى تتعرف عليه
ادفع بديه ورجليه تتسابق وتهرول بلفراغ لان هو رافعني
اريد ارجع على خالة اريد اودعهة واشكرهة على ضيافتهة الي
ادموعي تنزل بحركة وكأن الميته انسانه اعرفة من زمان
بس اتركني بس اشوفهة يمكن بعدهة عايشة بس خلي اسعفهة
كنان:اصعدي واسكتي راح نروح للقأئد الكبير تسوين روحج مو بوعيج
وسوي روحج ماتعرفين شي وسولفي سوالف مال ناس بدون عقل
