تحتَ_اجنحة_البرزخ
#البارت_العاشر
#بقلمي رقـــة
جنـه نحلم نكبر ومن كبرنا تفرهدينة
وصحنة يا محلىٰ الصغر !
اشويه ودخل الضابط
باوعت عليه تفاجئت والصدمة اخذت كل ملامحي
معقولة
جلال
عزة بعينج سمر هذا شيريد وجاي هنا
يباوعلي وعاكد حواجبة
احس روحي توترت كلش والتوتر بين على ملامحي
يا ربي دخيلك شيريد هذا
اباوع على اهلي يجيني احساس كلهة تعرف بيه اعرف جلال
صخام الصخمني حرارة كاوت تطلع من راسي
رجليه ترجف كلش
لابيه اتحرك ولا بيه ابقة بمكاني
الجنود دخلو يفتشون واحنة واكفين
جلال تقدم على بابا وطلع من جيبه صورة كنان
صخام الصخمني رحت بلرجلين
حتى اذا مجان ناوي يسويلي شي من عرف اخوي ارهابي اكيد راح يلح وياي
جلال:حجي تعرف هذا البلصورة؟
عيون جلال عليه ويحجي ويه ابويه
ابويه باوعلي وهو خايف وواضح الخوف على ملامحة
اكيد ديفكر بيه وهيج خاف
ابو كنان:اي سيدي اعرفة هذا ابني كنان
جلال:بمكر اي حجي وينه كنان
ابو كنان:والله يا ابني مااعرف اخر شي شفته بيه من طلع من البيت بعد ماشفته
اندار جلال على امي وكال
جلال:الحجية ام كنان موو
جاوبته امي ببكاء اي يمة اني امة
:باوع جلال للبيت بتفحص وكال
جلال: حجي من بعد اذنك راح احقق وياكم واحد واحد على انفراد
ابو كنان: وين اتحقق وياهم ابني هذني بناتي
حجى هيج ابويه بعدة مو مكمل ردلة جلال
جلال: لا تخاف عمي احنة مو ناقصين غيرة كدامكم
مثل ماهنة بناتكم بناتنةً وخواتنة ان شاء الله
ابوكنان:ان شاء الله ابني والنعم منكم
اخذ ابويه ودخل للأستقبال وسد الباب يمكن نص ساعة وطلع ابويه
وكال لأمي ادخلي الضابط يريدج جوة
دخلت امي هم يمكن نص ساعة وطلعت
وكالت لسجى ادخلي
اباوع يربي هذا شديسوي وين يريد يوصل
شكد حقير كنان مافكر بينه ليش هيج سوة بينه
خلانة مضحكة لجلال وغير جلال
كلش حقدت عليه يعني معقولة توصل بيه الموصيل يجي للبيت بحجة كنان
بقيت واكفة وانتضر دوري
مثل واحد ينتضر خبر وهو يعرفة بس مايريد يبين عليه
اخر شي كعدت بعد مابيه حيل اوكف
الوقت مايمشي سريع
محاوطين وحتى الكلام ممنوع
