تحتَ_اجنحة_البرزخ
#البارت_الرابع
#بقلمي رقـــة
عفاف : اي والله هسة الة خابر على ابوهة واخوتهة
وهسة لاخليهم يجون
ويسحلوك يا سافل دشوفك الامهات شتجيب
رشا: لا ماما لا اتخابرين خلي انروح احسن
ببكاء شديد يلا ماما امشي عوفيه هو وربه ينجاز
عفاف:ولج انتي مخبلة والله مااروح الة اخابرهم ليش تردين تضيعين حقج هاا
صكر:ببرود واستفزاز؛ ها رشا ليش تردين تضيعين حقج
مثل مدتكول امج
انتضري هسة يجي ايسر وابوج واخوانج
وانشوف الكامرات على شنو خايفة
عفاف:شوفي شوفي شلون يحاجيج
ولا هامة الموضوع انتي على شنو تردين انروح
خلي ينفضح وخلي يحاسبوه اخوانج وابوج
حتى بعد مايفكر يقرب عليج
رشا: ببكاء كافي ماما كافي
جذب ماباسني ولا سوالي شي
اني جذبت عليج ماما
وهسة امشي خلي انروح للبيت
عفاف: بثقة تامة
ولج لا تصيرين جبانة
ولا تحجين هيج ترة اجي اكسر راسج
لا تجذبين علمود واحد مايستاهل
احجي الصدك وبس
رشا: تمسح بدموعهة لا ماما
مااجذب والله
صكر ماباسني
ولا قرب عليه
اني هيج سويت لان جنت ضايجة منه
وهسة خلي انروح للبيت
ام صكر: يااا عزة العزاج ولج منين متعلمة هلسوالف
جان راح الولد بلرجلين من وراج
ليش يمة هيج اسوين
ملاك بصدمة عزة بعينج رشا
هاي كل عقلج تحجين
ولج شخليتي للولد لمن عندج هيج سوالف
يمة دخيل الله
صكر:ها ست عفاف عرفتي بنتج شنو؟
عرفتي شكد انتي فاشلة بتربية بنتج
نصيحة مني ويكولون ازغر منك بيوم افهم منك بسنة
انتبهي على بنتج ترى راح تضيعين البنية بهاي سوالفج
ترة البنية من تروح سمعتهة بعد ماترجع
اتقي الله بنفسج وبهاي الطفلة
وجهيهة على دراستهة
على مستقبلهة
لا تحشين براسهة سوالف الزواج
ترة بعدهة كله عمرهة "١٧" سنة
ديري بالج عليهة
وانتبهي الهة لاتخلين حلمهة رجال
خلي حلمهة شهادة وتعيين مركزي
عفاف اخذت رشا من زندهة
امشي ولج امشي عمة ابعينج
هيج اسوين بيه هيج تفشليني
سود الله وجهج على هاي السوايه
لو جايين اخوتج وابوج والله جان ليموتج هنا
طاح حضج اني اعلمج بس خلي نوصل للبيت
اباوع لعافاف صارت تنطي اللوان اخذت بنتهة من زندهة
وهي مستمرة بلبجي
وعفاف تضرب بيهة على اديهة
ومستمرة تحجي عليهة وتدعي عليه
وصلت للباب حتى تطلع
اندارت وحجت ويه امي
janat_51
عفاف: بتوتر وخجل وتوسل
بعد عيني ام صكر السالفة ماتطلع خلوهة بيناتنة
جاهلة وغلطت ومنكم السموحة
وان شاء الله بعد ماتجيكم ولا توصلكم
بس لاحد يسولف بلسالفة والله اذا سمعو اخوتهة وابوهة
يخلصون عليهة
