تحتَ_اجنحة_البرزخ
#البارت_الثالث_عشر
#بقلمي رقـــة
حتى من اريد اقبل عذر
ماشوف ترضى جروحي
وساعتها راح ادخل حرب
مابين روحي وروحي
ايهاب المالكي♥️
جلال:سمر احبج
باوعتلة ودرت وجهي على الشباك
جلال:شبيج سمر شنو ماسمعتي؟
باوعتله ببرود وحجيت
جلال رجائاً هسة وديني للبيت
وانطيني مجال حتى اكدر اتأقلم وياك
اريد اتعود عليك
اني مادعرف شريد فجأة وبدون سابق انذار تحولت من حياتي المغلقة
جلال:بفرح يعني نكول انتي موافقة على بداية علاقتنة
سمر:تريد الصراحة جلال حتى بعدين لا تكول ضحكتي عليه
وردتيني تكضين بيه وكت
جلال:ببرود وألم اسمعج احجي
سمر:جلال ترة اني من ناحية گلبي ماحاسة شي تجاهك
اذا افكر بعاطفتي ما اكدر اشوفك الحبيب
اما اذا افكر بعقلي فأشوفك الفرصة الصارلي سنين انتضرهة
ساعة اريد اصير انانية
وساعة اكره نفس واحس واستشعر تعب روحي
اني مااكدر اضلمك ويايه جلال
اذا تحب انطيني فرصة يمكن احبك
ويمكن مااكدر احبك
جلال:ماشي سمر انطيج مجال شكد تردين شهر شهرين
كوليلي حدديلي واني مستعد اصبر
سمر:واذا ماحبيتك شلون اكيد راح تنجرح
اني مو انانية ولا ماعندي ضمير
جلال كل الدنسويه غلط بغلط
اني صح جنت اتمنة يجي رجال ويخطبني وازوج حالي حال اي بنيه
لكن من جربت الشعور وياك شفتهة صعبه وزحمة ازوج واحد ما احبة
جلال ماشي سمر براحتج
مشى بلسيارة ومشتغلة اغنية وائل جسار جرح الماضي
رفع الصوت
وصار بصدح بلسيارة وكأنة يتكلم بدل جلال
ضيعني حبك ضيعني
ياما أشكي وما تسمعني
حتى الآه إللي بتوجعني
صوتها عندك مش مسموع
حتى الآه إللي بتوجعني
صوتها عندك مش مسموع
إذا كنت بعذابي راضي...
باوعت عليه وزفرت بألم كلمات الاغنيه لامست احساسي
بس مو كادرة تغير موقفي
احس روحي استغلالية
لازم اخلي حد لكلشي واطلع من حياة جلال
وصلنة لمكان مابيه ناس وقريب على بيتنه نزلت وطبكت الباب
ومشيت بقى واكف ينتضرني ابعد
بعدهة تبعني بس من بعيد
وصلت ودخلت للبيت سمعت صوت سيارتة شخطت عرفته راح
امشي بواهسً مكسور مادري شريد
تلكتني امي باوعتلي بريبه وكالت
ولج ها شجابج مو رحتي للدوام
ولج والله اني گلبي كارصني ويكول انتي مادتروحين للمدرسة
واني خايفة منج تروحين اسوين شي ينزل راس ابوج
