تحتَ_اجنحة_البرزخ
#البارت_الخامس
#بقلمي رقـــة
سمر تكول: احس ايامي
چنها فلوس مبيوگات
ابد ماينفرح بيهن🥺
الضابط:زين حجي ماسئلت ابنك منين جاب الفلوس
ماسئلتة شنو هذا الشغل اليجيب هيج دخل ومردود مالي
لو بس تعرفون تاخذون فلوس
باوعت على ابويه وكأنة حاير مكسور
مايعرف شيجاوب
كأنة يشعُر بلذنب
وكأن الضابط ديوجهلة اهانة واستفزاز بس بغير طريقة
ماعرف شيحجي بقى ساكت
يمكن هو هذا غلطة من البداية ماراقب الولد
اغلب العوائل ينطون للولد كامل الحرية
ويشددون الوثاق على بناتهم وكأن بس البنت تجيب العار
اهواي ولد همة الي جابو العار لاهلهم
والبنات كانن بريئات لكن تحملن وزر اخوتهن
دائماً عوائلنة تضلم البنات
وبلتالي العائلة كلهة تتضرر من هذا الضلم...
كام الضابط وقرب على ابويه وهو مخلي ادية ورة ضهرة ورجلة ادك بلكاع واطلع صوت طق طق...
وكال
الضابط: هممم زين ابنك الزغير وين هم ماتدري؟
ليكون يشتغل ويه اخوه
معقولة عيلتكم مستفحل بيهة الارهاب؛
طيب ليش دائماً برئيك الارهاب ينبت بعائلة مشتته
مثل عيلتكم بلضبط
ماتحس بلذنب
لو مراقب ابنك برئيك جان صار ارهابي؟!
زين برئيك ابنك هم سمم افكار غيره
ختم كلامه وصوب نضرته على سهى
وكأنما ينتضرهة تحجي حتى يبرد گلبة
واني ادعي ماتحجي ولا تفك حلكهة لان راح تسبب مشكلة اذا حجت
الحمد لله ضلت ساكتة
رد ابويه بقهر:هاا سيدي
ابني الزغير احتمال ديدرس يم واحد من اصدقاء
او يمكن بلشارع مااعرف وين بلضبط
الضابط: هاي شطلعت حجي كلشي ماتعرف عن اولادك
لعد منو اليعرف عنهم
اذا انت ماتعرف شي
وغيرك مايعرف شي
الاولاد راح يضيعون راح ينشئ عدنة جيل فاشل بأمتياز
الاولاد مسؤليه اكبر من ان يكونون مجرد خلفه!!
على العموم
احنة راح نبقى ندور على كنان وان شاء الله نلكاه عن قريب
ونتمنى اذا اتصل عليكم او اجة للبيت تسلمة النه
ونتمنى تتعاونون ويانة لاجل وطن اكثر امانة
:ان شاء الله سيدي اكيد نتعاون وياكم
اشر الضابط للجنود بدو يطلعون
بقى هو وكم جندي
مشى بهيبتة وبدلته العسكرية يملأهة الوقار
هسة لو كنان ضابط شكد حلو
شرط يعني الة يروح ويصير ارهابي
