تحتَ_اجنحة_البرزخ
#البارت_السادس
#بقلمي رقـــة
ؤگبرنة احنا وصغِـر كُل شي 💙
الدرب والشوگ وٌالدنيا وضمير النآس🍂
سمر:شبيج يولي شو متوترة خير صاير شي
باوعت للصالة وكتلهة كنان مووو شكو شصاير
رفعت نفسي وكمت اريد اعرف شكو
سجى:اي ولج كنان اتصل من رقم جديد يريد امي تخطبلة اسراء بنت خالي ثامر
سمر:بأستغراب رفعت حاجبي
ليش هو وين حتى تخطبله
وشلون يزوج وهو بهذا الطريق؟
رفعت ايدي ولزمت اديهة
لحة لحضة والكلام الكالة الضابط شنوو
محد سئلة عليه
سولفيلي من البداية
سجى: ولج هو اتصل من رقم غريب
بلبداية ابويه تخوف ايرد
بعدين امي كالتلة رد احتمال يكون كنان
فتح ابوي الخط
وكال الوو
اجاه صوت كنان وكأنه خاتل بمكان
الو شلونك يابة شلون امي والباقين
رد ابويه الحمد لله كلنة بخير
ولك كنان وين انته وصدك صاير ويه الارهابين
من سمع كنان كلام ابويه من كال ارهابين انتفض وصار عصبي
كنان: شنو ارهابيه يابة احنة مجاهدين في سبيل الله
لا يسممون افكاركم بكلامهم عنه
احنة هنا حتى نعيد الاسلام
احنة نرسخ فكرة الجهاد
قاطعة ابويه وصار عصبي
ولك انجب حيوان شنو هاي السوالف ولك اني ابداً ماربيتك هيج
الناقلة جنات عزيز
يااسلام هذا الاسلام يكولوك اقتل واسلب
عن يا جهاد دتحجي هذا كلة ارهاب بأسم الدين
استمر ابوية يعيط وكنان يحجي
لما امي اخذت التلفون وصارت تبجي وتعاتب كنان
:ولك ليش يمة ليش هيج اسوي بينه
يمة كول جذب انت مو منضم الهم
يمة كول السمعتو غلط والله گلبي نار عليك
ولك يمة لا غمضلي جفن ولا نمت مرتاحة
من سمعت الخبر لهسة واني مثل دجاجة حازين رگبتهة وعايفيهة
شلون انطاك گلبك هيج اسوي شلون صار گلبك قاسي لهاي الدرجة
كنان:يمة كولي يا الله اني شمسوي
بلعكس المفروض تفتخرين بيه
ابنج مجاهد في سبيل الله
:ولك يمة صدك انت قاتل صدك ايدك تلوثت بدم الأبرياء
صدك يتمت طفل
ورملت مسكينة
وخليت ام اتصير ثكلى
صدك ولك يا ابن بطني صدك گلبك قسى
وصار عادي عندك القتل والذبح
ولك يمة هذا مو دين هذا تطرف
هذا ارهاب
كنان تخبل وصار يصيح بلتلفون
يمة لا تحجين هيج اني مامسوي شي غلط هاي الريعة الاسلامة ولازم الكل يتبعهة
واني ما مخابرج علمود اسمع هاي السوالف
اني اريدج تخطبيلي بنت خالي ثامر
اريد اكمل نص ديني
واتفقي يواهم ترة اخذهة واطلع لسوريا
لان هنا بعد مااكدر اعيش
