تحتَ_اجنحة_البرزخ
#البارت_الأول
#بقلمي رقـــة
امسودنين غير كون الله يحط بينه عقل
نحلم انطير بجنح من الخيال واحنه فوك
الكاع مانمشي عدل💔
-الگاطع
انتهى الدوام واني لسة كاعدة برحلتي
مالي خلك ارجع للبيت
كلش كارهتة وكارهة عيشتي
احس روحي تعبانة حيل لدرجة مابيه اكوم
يمكن التعب النفسي اكثر من التعب الجسدي
يلا هو بس التفكير يرادلة حض وبخت
شراح البس ومنين اجيب ملابس
اووف من اشوف بنية لابسة احلى من ملابسي احس روحي راح انفجر
احس الغيرة تاكل حتى دماغي
ايي حقي بشنو هي احسن مني
وليش هي هيج حالتهم وعدهم واحنة لا
ليش اهلهة موفريلهة كلشي واهلي لا
اووف شلون اخلص من الفكر وارتاح
شلون اغير من نفسي
مليت من حالتنة صح حالتنة زينه يعني مو فكر فكر
بس اني كرهت هلوضعية اريد اصير زنكيلة
يربي اريد حياة مرفهة
وهيج ارقى تلفون بيدي
وبيت راقي من افوت بيه اغور كل صديقاتي
اووف شنو هاي الاحلام "سمر"
اصحي على واقعج الُمر
كافي تحلمين كافي تعيشين بخيالج ارجعي لواقعج
اوف اوف
انتبهت على نفسي
لازمة خصلة من شعري والعب بيهة
ساعة الفهة ؏ قلم وساعة اسويهة شوارب
ماادري شسوي..
تؤؤؤ
شو عيوني ثكلانات منعسة كلش
فركت عيوني وتثاوبت
فتحت اديه على اوسعهة اريد استعيد نشاطي
اباوع على البنات كامن يلمن بجنطهن ويردن يطلعن للبيوت
بس اني كاعدة
اجاني صوت صديقتي سمارة ليقطع عليه صفناتي وتخُيلاتي
سمار: سمـــــــرسمـــــــــــر يلا ولج شبيج صافنة ترة دك الجرس استعجلي كومي لمي كتبج وشيلي جنطتج
دنرجع للبيت قبل لا تضلم الدنيا
سمر:تؤؤؤ هم راح ارجع للبيت بصوت دلع متصنع والله مااريد ارجع والله
سمارة:لج ديلا عيني يلا ماتريد ترجع
وترة من هسة اكلج ترة اليوم ماكو افرارة
ولا دياحة ترة من المدرسة للبيت
لا تصدكين اروح وياج لأي مكان لان تدرين اذا احد لكفنة يطيح حضنة ومالي خلك اخوج المخبل يجي يعيط على راسنه وانتي مثل كل مرة تكعدين تكذبين ها والله سمارة رادت تشتري شال ورحت وياهة وها سمارة رادت تاخذ اقلام ورحت وياهة وتكع براسي
فكومي بساع...
سمر: باوعتلهة وعوجت حلكي
وكمت اخذت الكتب والدفتر واقلامي وخليتهن بلجنطة واني متذمرة وكتلهة ديلا عيني اليسمعج يكول انتي البريئة الشفافة الماكو منج المسكيــ...
قاطعتني بسرعة وكالت
