تحتَ_اجنحة_البرزخ
#البارت_الثامن_عشر
#بقلمي رقـــة
انـه الما يـنـشد عـنه
انـه الـ لو غاب حـته عـيونه يـنـسـنه
انـه الـ مـعذور
انـه الـ الـمجـبور يـتـمنه
انـه الـ ما يـوم فز وجـروحه ماهـنه
لـ علي عجيل🍂
وكفت وباوعت عليه بعتب وحجيت بقهر
شلونك يابه
نعمان: هلا صكر حبيبي كلش اشتاقيتلك
صكر:بأستغراب هلا بيك يابه تشتاقلك الجنة
تقدم عليه واخذني لحضنه ويطبطب على كتفي كلش مستغرب هلتصرف بس بنفس الوقت حبيت هلشعور
حبيت ان اكون تحت جنحان ابويه
احس روحي فاقد حنان كلش چبير
واكو فراغ بداخلي يريد يمتلئ حنان
وخرني من حضنه وباوع بوجهي واخذ وجهي بأديه يتلمسه وكال
نعمان:ليش اسوي هيج ابني صح جنت معصب بس مو مال تتركنا وتروح اسبوعين تخلينه قلقين عليك
ردت اتصل عليك بس ماردت اضوجك كلت هسة اعصابه مشدودة وماخذ موقف مني
بس على طول اسئل امك واسئل اخوتك عليك
صكر:رديتله بگلبي اي واضح امي واخوتي يعرفون بيه زين او لا
لا يابه ماكو شي هيج احسن الي
من رخصتك يابه اريد اروح
باوع على الجنطة وكال وين تريد تروح ابني
ماكو طلعة منا والله
اخذ الجنطة وذبهة بلكاع
صكر:لا يابة اترجاك اريد اروح هيج احسن النه من المشاكل
نعمان:كتلك والله ماتطلع مشتاكيلك
حاوط كتفي بأيديه ومشاني وياه
كعدني على القنفة وكعد بصفي
فرحان كلش يا ربي واخيراً يتغير ابويه ويصير زين وياي
يمكن غيابي حسسة بغلاتي او حبة الي
صاح لامي تسويلنة اكل
اجتي ملاك وشافتني ماصدكت ركضت عليه وتحضن بيه وفرحانة
بوجودي
ايسر ايضاً اجة وهم فرح برجعتي
رجعت اخذت الجنطة حتى اروح لفندق لكن ابويه حلف عليه يمين مااطلع من البيت كلش فرحت احس روحي جنت بس اريد اسمع هذا الكلام منه
صعدت لغرفتي اوووف شكد مشتاقلهة
مرتبه على اخر حبة
اخذت شاور ومددت
خابرت روعة وسولفتلهة كلشي
روعة:يلا الحمد لله فضت احتمال ابوك جان معصب وهيج حجة بوقتهة
صكر: والله ماادري بس سئلت امي على ابويه اذا كلن هو فعلاً ابوي او لا
واكدتدي انو هو ابويه
