تحتَ_اجنحة_البرزخ
#البارت_السابع
#بقلمي رقـــة
صابرين الكعبي تكول❤️
كل الـ وجوه تغيرت !
حته النوارس مو عرف ...
من كد ما التمو علينة اريد النفس صار ماكو عركت كلش
بس ماعفتهم حتى يصير الهم درس بعد ما يندكون بيه
ماحسيت الة ابويه لازمني وصاح بوجهي صكر شدسوي انت مخبل
منو سمحلك تمد اديك وتضرب ولد اخوتي
صكر بعصبيه وصوت عالي ولد اخوك ؟؟
واني شنو لعد ؟
اني منين جايك من فطر الحايط!
اني ابنك شبيك ياب ؟
نعمان:بعصبية وحديه
انجب لك لا اطيح حضك
ابويه جوة دينازع وانت هنا تتعارك
منو كلك تجي ومنو دزعليك
ماعندك احترام لكل احد
شوكت تصير رجال
صكر: اني رجال وغصب عن اليرضى والمايرضى
مو مثل ولد اخوتك المخانيث
اتوجه الي والغضب يطاير من عيونة وضربني راشدي
درت وجهي بغير صفحة
وحجيت
صكر: ابويه وتاج راسي تمون!
نعمان: بصياح لا تخليني اهينك صكر
دير بالك تستفزني
ترة تندم
اباوع عليه شبيه ابويه
معقولة لهاي الدرجة يكرهني
معقولة يفضل ولد اخوته عليه
ليش هيج ديسوي وياي
شمسوي اني واستاهل هيج معاملة
اباوع لذولة الحقراء يتمضحكون
وكل واحد ابوه يمة ويطالب بحقة
لعد اني شبيه ابويه هيج وياي
احس روحي صرت بنص ملابسي من الفشلة
تمنيت روحي لا جاي ولا واصل هنا لو ضال نايم احسن الي
تمنيت اهل غير اهلي
وتمنيت هسة عندي افلوس واسافر
كون مااشوف اي احد بعد
اصعب شي على الرجال من تنهان كرامته لأجل شي مايسوى
جاوبته بنفاذ صبر واحاول اعدل ملابسي
شبيك ياب همة الي تعدو حتى كرم يعرف بيهم تعدو
انت على شنو هيج حمى حمامك
على شنو ادافع الهم
منو من عمامي دافعلي؟
شو كلهم واكفين ويه ولدهم
لو بس حضي؟؟
كرم:صح عمي همة الي تعدو وبعدين مو وكت هاي السوالف هذول مزعطة وجوي يردون يثبتون نفسهم وتحرشو بصكر واخذو جزاتهم
مالة داعي انكبر الموضوع اكبر
باوعلي كرم وكمل كلامة صكر حبيبي الزم اعصابك
عيب الناس كلهة دتباوع عليكم
اباوع لابوي مااهتم لكلام كرم
اجة عليه ولزمني من زندي ومشى بيه
صكر: شبيك ياب فهمني شمسويلك وهيج تفشلني كدامهم
شمسويلك وتضربني كدام ذول الزعاطيط
نعمان: امشي وانت ساكت وهسة تركب سيارة وتروح منا لا اطيح حضك محد زعطوط غيرك
امشي منا بسرعة امشي
