تحتَ_اجنحة_البرزخ
#البارت_العشرون
#بقلمي رقـــة
وتضل الـ (ليـش) بيه تعيل
واتمناني دون احساس
وجدان النقيب🍁
جمانة:والله يا عيني هاي بقت يمج هاج هذا التلفون جميل دزة الج اخفيه عن اهلج هو يتصل عليج لان عندة حجي وياج
وهسة تطلعين مثل الخوش بنيه وتكولين موافقة لو يصير شي مايعجبج
سمر: بعصبيه الزمي التلفون اني مااريد احجي وياه وفهميه لأخوج اني مراح اقبل بيه لو شيسوي
جمانة:بتهديد هااا هيج تحجين مو يصير شي مايعجبج
سمر:بعصبيه شيصير با الله شوفيني شراح اسوين ايدج ومامدت مخايفة لا منج ولارمن غيرج
جمانة: بأستهزاء ماشي تدللي بعيوني ست سمر
طلعت جمانة وطلعت وراهة كعدت يم امي وباوعتلي مااهتميت الهة وقويت نفسي من الخارج بينما اني من داخلي كلش خايفة وارتجف
جمانة: بتعجرف ونفاذ صبرها سمر شكلتي توافقين لا
اباوع لأمي تباوع بريبه ماتعرف شكو بس شكلهة شاكة اكو شي مو زين
باوعت على جمانة وكالت
ام كنان: ليش هيج تحاجيهة يمة شو ضايجة هاي بعدهة ماصارت جنتكم وهيج تعامليهة لعد باجر عكب شلون تحجين وياهة
جمانة: بتعجرف لان هي ماخلتني اعاملهة زين هيَ جبرتني على هاي المعاملة
ام كنان: بأستغراب هي جيرتج ليش شسوت هي حتى تجبرج
شو كلامج مو منطقي
ام جميل:كافي جمانة كومي حتى نروح
جمانة:لا والله يمة مااروح الة اخذ الرد لجميل
ها سمر شكلتي فضينه عاد
اباوع على امي وجمانة شلون يحجن ويباوعلي
احس لساني نعكد مااكدر احجي اي شي الخوف راح يقضي عليه
مااريد انجبر اوافق على جميل من ورة شي مو ذنبي
ومااريد اخضع لجمانة وحقارتهة
جمانة:مو دحجي وياج ماتحجين شبيج
موافقة موو هم يكولون السكوت علامة الرضا
ام كنان:بعصبيه ليش تحاجيهة هيج لا عيني مموافقين من هسة تردين تفرضين نفسج عليهة
يلا عيني بيتي يتعذركم
جمانة:انهجم بيتج خالة علساس هسة فايتين مدري وين هو بيت فكر
حجت هيج جمانة وامي ماسكتت وردتهة
اشتد الحجي بين امي وجمانة رجعت امي كالت الهم ماعدنة بنيه للزواج ويلا اطلعو منا لا تخلوني اتعامل وياكم بطريقة ماتليق بيكم
انفعلت جمانة وكامت تصيح
جمانة: ديلا عيني علساس احنة ميتين على بنتج هي لو بيهة حض جان صانت نفسهة
