دوبامين ❤️✨

الجزء الأول

دوبامين♥✨
بقلمي :تسنيم النور

الواطه ظهر واصوات الناس داخله ومارقه وحركه العربات والجوطه.. قاعده هي بي اناقتها المعهوده وبشرتها البرونزيه💜 ،نظاراتها الطبيه وعيونها الماخده سواد الليل والحجاب البتعدل فيهو كل دقيقتين 😹 في واحده من مستشفيات الخرطوم متوتره جدا ودمعتها في عينها وبترجف كلها 💔 وفي نفس الوقت زعلانه ومتضايقه شديد من تأخر دكتور غياث المفروض انو مواعدهم وبينا وبين نفسها ماناويه علي خير! كيف هو يتاخر كدا؟ يعني فاكر الناس دي لو ما محتاجه بتستناهو وفي قعدتها دي اخدت ليها سرحه............. كانت قاعده بتقرا عشان بكره عندهم امتحان فاينال ولازم تستعد ليهو 😩 مساهره لحد الساعه ١٢ص مرهقه كلياً فجأه تسمع اصوات شخير عاليه😳 تتجه لي مصدر الصوت جسمها كلو برجف ورجولا ماشايلاها لحدما وصلت مصدر الصوت ورفعت بطانيه امها وهنا الدم اتجمد في عروقا وحست حيلها ما شايلها وقفت مذهوله وهي شايفه الدم بطلع من خشم امها وهناا القرتو عن الطب في لحظه كلو اتبخر بقت ماعارفه تعمل شنو! 💔 بتهز في امها ومافي اي استجابه ابوها صحا بي صوت صراخها وهو زاتو اتوتر وم عرف اعمل شنو عليهم... قطع السرحان بتاعها طفل صغير شحاد منظرو كسر قلبها بينها وبين نفسها " زي دا مفروض اكون في المدرسه ابداا ما محلو هنا" زعلت عليهو شدييد وعصرت ليهو الفيها النصيب اتماسكت وقشت دموعها البدت تنزل وهي بتعاين لامها الشكلها تعبان ومرهق والسنين هدت حيلها💔 ورجعت سرحت تاني... كانت ليله كئيبه وتقيله شديد عليهم اخوها الاصغر منها بقا زي المجنون جاري في حيهم الهادئ وبكورك امي مااتت امي ماتت 😪 ودا كان سبب كافي يخلي جيرانهم القراب كلهم يطلعو عشان اشوفو الحاصل شنو 😔 وفي لحظات بس البيت دا بقا ملان ناس.. امها صحت وكانت شبه فاقده للذاكره حتي ما عرفت هم منو! بعد مسااافه وشويه شويه بقت تتذكر فكرو انو دي عين وجابو ليها شيخ عشان اقرا ليها وبي كدا فكرو انو خلاص بس القدر كان عندو كلمه تانيه🙂...... ريحه عطرو سبقتو وجا داخل علي العياده طويل اسمراني بعيون عسليه ونظاراتو الطبيه الما بتفارقو، انفو الحاد ولحيتو المبعثره الزايده من رجولتو وعامله ليهو هيبه كداا لابس ليهو قميص كاروهات مع العضلات حاجه في منتهي الرهابه شايل لابكوتو وسماعتو بتكلم بالتلفون بي صوتو المبحوح وباين عليهو الاستعجال اول ما دخل كل الانظار اتوجهت عليهو 💜 وهي نست زعلها وغضبا داك كلو وفضلت متنحه فيهو حتي نست هي جات لي شنو شوفتو ساي كانت كافيه انو تقلب كيانها 😔💛

انا غزل عمري ٢٠ سنه بقرا طب في المستوي الثالث جامعه الخرطوم عندي اخو واحد اسمو انس بقرا في اولي جامعه واختي اصغر مني اسمها دانا ممتحنه شهاده😹🚶🏻‍♀ وامي اسمها مريم الحوووب بنقول ليها ميمي😹😹 خريجه اداره اعمال بس فضلت تقعد في البيت عشان تربينا 💜 وابوي عبد الرحمن♥ زول كدا ظريف وبتاع نكته مهندس🔥
هييي نسيت ما عرفتكم علي حبوبه اسمها امنه 💛م عندي اصاب كتار صراحه وبي طبيعتي ما بحب ادخل في الناس ومعندي شغله بي زول كتير😹 البست بتاعتي عباره عن بت خالتي اسمها وعد 💛 وعندي شلتي كدا في الجامعه مكونه من اربعه بنات وولدين هبه، سمراء السمار الندياان داك فارعه كدا وجنها شمارات 😹، نعم دي زوله الدين والحلال والحرام قصيرونه سمراء برضو عيونها واااسعه وريم دي المرطبه فينا وهي الوحيده السايقه 🔥 أنيقه لمن ماف طريقه واخيرا آيه قصيرونه صفراء وجناتها تلللخم 😹 دي ما عندها مشكله نخوض مع الخائضين😹 الاولاد مصطفي وأحمد " كل الشخصيات الفوق دي هتعرفوها لي قدام" حيااتي كانت عاديه وهادئه نوعاا ما بس فجأه اتقلبت الموازين!

يتبع..