دوبامين ❤️✨

12

❤️✨ دوبامين12

بقلمي :Tasneem Elnour

اتونسو قدرتهم ما خلو شمار حايم ما قالوهو لحد الساعه  اتناااشر حتي اي زول مشي علي سريرو، غزل قبل تنوم اتصلت علي غياث 💜 اتونست معاهو حبه ورقدت نامت علي كدا

🐓💛 صباحات الله بي خيرها 

عبد الرحمن قام من الصباح صلي الصبح، استحم وشرب الشاي، شال من امو خاتم الدهب حق الجنيه ودعهم ومرق استني حبه ركب المواصلات ونزل سوق بحري واتوجه علي الصيااغ، دخل اول دكان لقاهو قدامو.... السلام عليكم دا كان صوت عبد الرحمن، سيد المحل كان منهمك وبعد ليهو في قروش قبل ما يرفع راسو وارد ليهو بي بشاشه وعليكم السلام ورحمة الله كيف ممكن اخدمك يا ولدي؟ " كان راجل كبير عندو دقن ابيض محننو وباين في وشو الصلاح" عبد الرحمن اتنهد وقال ليهو جرام الدهب بي كم يا ابوي الراجل قال ليهو بيع بي خمسميه جنيه وشراء بي اربعميه وخمسين، طوالي عبد الرحمن طلع خاتم الجنيه من جيبو وقال للراجل طيب دا بجيب لي كم؟ الراجل شالو وزنو لقاهو اربعه جرام حسب القروش واداها ليهو شكر الراجل وطلع وعلي طول ضرب لي بتاع البيت، وطلب منو انو اتلاقو في بحري بتاع البيت ما اتاخر عليهو اصلا هو كان قريب اداهو الثمنمئه أيجار الشهرين الفاتو وأربعميه تاني ايجار شهر لي قدام وقال ليهو الظروف ما معروفه، فضل معاهو زي ستمائه جنيه طبقها وختاها في جيبو وقال بجيب بيخا الخضار لما يجي راجع ومن بحري ركب واتوجه علي حتات شكلو 💜

مريم قامت من الصباح عملت الاسكريم زي كل يوم وشالت حفاظتها وودتها علي الدكان، بتاع الدكان بعد السلام قال لي مريم اها يا أختي رمضان دا باقيلو اقل من عشرين يوم تاني الاسكريم بيعو حيكون ضعيييف ما زي الفطر قالت ليهو الله كريم علينا 💛 ختت الحفاظه ومشت

بي هناك غياث صحا من النوم والليله بالنسبه ليهو كان اوف اخد ليهو دش وغير بي برموده كاروهات كووحلي بي كبدي وفيها بالابيض وتيشيرت ابيض صبح علي امو الكانت منهمكه  في وريق الخدره وابوهو كان ماسك جريده وراقد، شرب   شاييهو واتوجه علي تربيزتو وفرش المراجع قبل ما يبدا يقرا عاين للتلفون وقال اضرب لي غزل بس لقي الزمن بدري امس صحاها م عايز اصحيها الليله كمان ختا التلفون علي جمب بعدما عملو صامت وقعد اقرا.. " غياث السروور يا يمه 🐸💙"
ياسمين وياسين كانو نايمين ومحمد وسعديه بتناقشو في موضوع..
سعديه : يا محمد أنت ماناوي تمشي تقعد مع ابوك الليله خالتي عشه اتصلت وقالت لي انو ابوك عيان " عشه ام محمد"
محمد: انا بمشي بزورو لكين ما قعاد في البيت داك ما عندي قعده
سعديه: ياهو في النهايه ابوك يا محمد ما تقوي راسك
محمد : خلاص يا سعديه قفلي الموضوع دا ما عايز اتكلم فيهو وجهزو نفسكم نمشي يوم الجمعه كلنا نزورو، وكلمي  غيااث ،  عاينت ليهو بي قله حيله وقالت كويس شالت ملوخيتها

" ياربي الناس ديل مالم ومحمد لي شايل من ابوهو قدر دا وما عايز امشي اسكن معاهو مع انو هو عيان ومحمد ولدو الوحيد؟!.... جزئيه معلقه"
قامت بدت تطبخ كدا لقت الملح كملان مشت صحت ياسمين
سريع سريع ورسلتها بيت ناس مريم تجيب ليها ملح

في مدني : غزل صحت من النوم بي تثااقل عاينت لي ساعه الحائط لقتها عامله ثمانيه نزلت اتسوكت وصلت طلعت تاني عشان تصحي وعديه واشربو الشاي سوا  صحت واثناء ماهم بشربو في الشاي احمد جاء نازل لابس بنطلون جنز اسود وقميص ابيض ومكفكف يدينو ولابس ساعه فضيه واسبورت  فلير اسود وبدل النظاره الطبيه لابس نظاره رايبان شمسيه والريحه طاقه لي سابع شارع 😹 دخل وقال جوز اللوز صباح الخير ردو بصوت واحد صباح النور، غزل قالت ليهو  شنو ياا الليله علي وين قاشر كدا 😏 قال ليها ماشي الاقي مرتي 😹 ما ماشي الجامعه يعني حأمشي وين، قالت ليهو اشك في ذلك غايتو وبعدين وين الليله النظاره الطبيه؟ ما تقوم تنكفي لينا علي وشك 😹 قال ليها نننننننن ظريفه 😒 بعدين انتي قايلاني عميان؟ هو كلو شويه إ رتخاء وخلاص واصل كلامو وهو بعاين لي وعد المبتسمه وقال ليها اها انتي ما ناويه تشغليها لي زي بت خالتك عشان تتمي الناقصه ؟ ضحكت بي صوت عالي وقالت ليهو نووو كفايه غزل 🌚 ، ودعهم ركب عربيتو وعلي الجامعه

وعديه عاينت لي غزل بي ضجر وهي رافعه رجولها علي الحيطه بعدما غسلو عده الشاي،  غزل انا زهجانه يخ ومافي موضوع + رمضان قرب تجي ننزل السوق نشتري حاجات لي رمضان؟ غزل وهي بتسرح في شعرها انا زاتي زهجانه طيب يلا لبسو عباياتهم وطلعو، لفو في السوق قرييب ثلاثه ساعات اشترو البهارات وكل مستلزمات رمضان وجو راجعين هلكانيين طوالي دخلو نامو..

مره اسبوعين وغياث وغزل متواصلين وهو خلاص خلص امتحانات واجز لي رمضان باقي ليهو سمستر واتخرج 💜.... غزل بعد كدا مفروض ترجع الخرطوم عشان رمضان قرب بس اتذكرت جدها القال ليها تعالي لي قبل ما تسافري، ساقت وعد ومشت لبست ليخا تنوره سوداء وقميص كستري مع زراير ذهبيه طرحه كوووحلي وجزمه سبورت كووحلي  ووعد لبست فستان اسود فيهو ورود صغيره بالابيض والطوبي وطرحه طوبي وجزمه فلات سوداء وطلعو علي حي ال......وصلو بعد نص ساعه تقريبا وجدو علي ساق غزل ودخل بيها جوه مد ليها ظرف وقال ليها..........

يتبع..