دوبامين ❤️✨

9

❤️✨دوبامين 9

بقلمي:Tasneem Elnour

صحيت الصباح قريب الساعه تسعه لقيت وعديه صاحيه قدامي بتشرب في الشاي وأحمد مشا الجامعه وخالتو طلعت الشغل " شغاله في بنك" قت ليها صباح الخير قالت لي صباح النور اتسوكت وصليت جيت لقيتا مجهزه لي شاي بي كيك،  صلحت قعدتها وقالت لي اها أحكي سامعاك  😉...

رفعت ليها حاجبي وقت ليها بالنسبه؟ قالت لي انتي عارفه مافي داعي تلفي وتدوري 😏 انتي ماشايفه عيونك بتلمع كيف أمس وانتي بتتكلمي معاهو هااا، أخدت لي صنه كدا واتنهدت قت ليها صدقيني يا وعد انا زاتي ما فاهمه حاجه وما عارفه روحي عايزه شنو وما بنكر حاليا غيث اقرب زول لي وبكون مبسوطه وانا معاهو بس ما عايزه اخسرو تحت مسمي الحب، + أصلا هو بعاملني عادي ومحصل يوم لمح لي بي حاجه 😪💔 وعد قالت لي غزل انتي شكلك غرقانه بي كلو وربي..، قت ليها ما عارفه يخ انا اصلا الموضوع دا مبقدر اخد فيخو خطوه يعني مثلا امشي اقول ليهو غياث انا بحبك ويلا نتزوج! حيفتكرني مراهقة بس ما اكتر من كدا وبعدين انا لسه ما متأكده، عايني اقول ليك كلام اقفلي الموضوع دا ويلا خلينا نغسل العده دي ونشوف هنعمل شنو، فعلا قمنا غسلنا عدتنا ووعد جاتها بت جيرانهم ظريفه حبيتها اتونسنا مسااافه طلعت مننا الظهر قدر ما مسكناها الفطور ابت كلو كلو، قت لي وعد اها الفطور كيف وكيف، قالت لي اسمعيني انا نفسي في اندومي وفي طعميه ونعمل معاهم سلطه اسود زابطه قت ليها طيب عملنا فطورنا واثناء ما بناكل كدا أحمد جاء داخل قت ليهو تعال حصل حماتك بتحبك 😹 ولا كضب جا طوااالي نزل معانا ضربنا تمااام وعد غسلت العده وانا عملت عصير، وانحنا بنشرب كدا احمد اتلفت علي قال لي اها الليله برنامجك شنو؟ قت لي انا عارفه 😹 انا سايبه ليكم نفسي خالص وانتو موضعو بي نطت وعد قالت ليهو نمشي سينما؟ قال ليها مرهق انا اليوم خلينا نتونس هنا في البيت ، في فيلم رعب جايبنو الساعه إتناااشر في MBC 2 كيف وكيف ؟
قت لي انا ماعندي مانع قال لينا خلاص حجيب بوشار وببسي ❤️ اتونسنا لحد قريييب العصر جات خالتو داخله اتونست معانا حبه والعصر أذن صلينا وجينا جهزنا  الغداء، تاني مالقينا حاجه نتموضع بيها وعد مشت جابت الميكب وقعدنا نتمكيج ونلعب بي شعرنا واتعولقما جنس عولاق ونشيييل ونتصور بي تلفون وعد، غايتو التلفون زاتو بكون شمانا 😹 قعدنا نتعولق كدا لحد أذان العشاء بعدها قمنا صلينا وجهزنا البوشار وبقينا مستنيين الساعه اتناااشر دي متيييين تجي 😹 حضرنا الفليلم واحمد احوص لينا في عيونو وارفع في الصوت وأوطي فيهو عشان اخوفنا وفعلا وعد الليل كلو تهضرب 😹 تاني يوم الصباح قامت لمن عيونها حمر لاقت احمد في السلم قعد اضحك علي منظرها، قالت ليهو انا تاني اصلا مبحضر معاك حاجه، شال مفاتيحو وهو بضحك عليها ومرق علي جامعتو، بعد الفطور قت لي وعد انا مفروض اضرب لي غياث انا وعدتو، قالت لي اووووبااااا 🔥😉 وتقولي لي قال ماف شي بينا، قت ليها وعديه يخ خلاص ما تبدي اللتاخه، قعدت تضحك قالت لي اووك اووك خلاص هاتي الرقم مليتها ليهو ادتني التلفون وطلعت برا نظام تديني مساحتي وكدا " زوله راقيه مش 😹" طوالي عملت اتصال جرس واتنين ماردا الا في الرابع اول ما فتح قت ليهو ما كان ترد عليك الله، قال لي اوووو غزاله مشتاق ليكي والله انا هنا براي فصلت 😹 قت ليهو انت كيفك ؟ وكيف خالتو سعديه قال لي لاحظت انك اتجاوزتيني لقيتي بت خالتك كيف ما تتجاوزيني بس يلا ما مشكله علي العموم كلو تمام، انتي كيفك كيف ناس خالتك تمام؟ قت ليهو كلهم بخير، ماوريتني امتحنت كيف؟ عايز ارد علي كدا جاتو وحده بي صوت مااايع وقالت ليهو يلا يا غيث ياخ اتأخرنا، قال لي غزاله عايني برجع ليك بعدين حلو؟ قت ليهو طيب وقفل علي كدا 🙂 مشيت لقيت وعد بتحضر في فيلم بتاع من افلام ديزني، أديتها التلفون عاينت لي قالت لي ماده قدومك مالك 😹 منغير ما اشعر بقيت احاكي في البت، وعد دي ضحكت لمن قربت تقع، وقالت لي اقبببببض في غيره حاصله 😏 قت ليها ها الهطله دي غيره شنو كمان انا بس  غاظتني شنو هو الغيث ارح ما شايفاهو بتكلم بالتلفون مثلا؟ وبعدين شنو غيث دي اسمو غيااااث غياااث، وهو كمان بس ماصدق طوالي قفل 🙂 وعد قالت لي حيلك حيلك انتي اسي ماف مبرر لي زعلك دا تحلف تقول عاقد عليك 😹 قت ليها وعد اختيني قعدنا كدا والنهار كلو انا شامه الوضع وقافله لحدي ما الواطه عصرت شدييد جانا احمد قال لينا البسو حنمشي السينيما ، قت ليهو احمد يخ ما نفسي خليهو يوم تاني قال لي يزوله الليله بس بعدين انتي اليوم مالك ما عاجباني ماده قدومك مترين 😹 قت ليهو مافي شي، قال لي ما مصدقك علي العموم محأضغط عليك  ويلا المغرب اذن، أنا ماشي الصلاه اجي القاكم لبستو عشان نطلع ماشي؟ انا ما رديت وعد قالت ليهو زابط.. قال لي غززززل قت ليهو طيب طيب، هو طلع واحنا صلينا وبدينا نلبس أنا لبست لي بنطلون جينز ازرق فاااتح معاهو تيشيرت طويل شويه لونو اسود مطبوب من الكف مرسوم فيهو بسيط واسبونج بوب وميكب خفيف وطرحه منقاويه وشبط منقاوي ،وعديه كانت لابسه بنطلون جينز برضو بس معاهو قميص كبري فيهو خطوط بااللحمي وطرحه لحمي وشبط لحمي نزلنا لقينا أحمد لابس ليهو تيشيرت كبدي فيهو طاقيه بي ورا وبنطلون جينز ازرق وطلعنا علي كدا
حضرنا فيلم السنافر تحت الحاح وعديه 😹
انبسطت كيف ونسيت ليك غياث وناس بيتنا زاتهم نسيتهم "  بياعه يا غزل 😹" رجعنا البيت ناس نوم بس كانت الساعه حداشر ونص خالتو زاتا لقيناها نامت بنغير كداا تلفون وعديه ضرب...

يتبع...