دوبامين ❤️✨

15

❤️✨دوبامين15

بقلمي:Tasneem Elnour

مسكها من يدها وقبلها عليهو عاين ليها جوه عيونها وقال ليها غزل انا بحبك....

اتلخبطت ووخدودها حمرو وعلي طول دنقرت راسها وقلبها بقي بدق شديييد هي صح كانت بتميل ليهو بس ما كانت متوقعه اجي اليوم دا بالسرعه دي..
غياث واصل كلامو وقال ليها انا من شفتك تقريبا وانا ماقادر اوقف تفكير فيك عارف اتأخرت جدا عشان اعترف ليك بالشي دا بس ماكنت ضامن وضعي يعني مستحيل ارضي اعيشك في وضع زي حقنا البسيط دا وانا عارف انتي مولوده وفي خشمك ملعقه دهب ولو ما الظروف جبرتكم ماكان سكنتو في مكان زي دا! قالت ليهو بس انا ابدا ما كنت حشكي طالما انت  معاي و...قاطعها و قال ليها افهم من كلامك انو انتي كمان بتحبيني 😉 خجلت ودنقرت، ضحك وقال ليها حتعديها خجل يعني؟.. المهم يا غزل أنا لما جاتني المنحه دي استقويت وقت اوريك قبل ما اسافر وان شاء الله انا وضعي حيتحسن وحكون قادر اجي اطلبك من ابوك بي عين قويه صح؟ قالت ليهو طيب انا ما بقدر اقعد ثلاثه سنين من غيرك 😔💔 انا اتعودت عليك حتي لما كنت في مدني اليوم الما بتكلم فيهو معاك بالنسبه لي بكون كئيب.. قال ليها غزل ياحبيبي كلو لمصلحتك في النهايه وانا اوعدك حأسعي عشان تكوني حلالي 💙 ويلا خشي البيت وصلنا 😹 ودعتو ودخلت علي طول نادت انس وادتو اخر خمسه جنيه كانت فاضله معاها وطلبت منو يحول ليها رصيد في تلفون امها انس طلع وهي ختت  اللبن تفور فيهو عدت زي عشره دقائق كدا وسمعت رساله الرصيد استنت اللبن فار ومشت شالت تلفون امها واتصلت علي وعد، وعد طوالي ردت قبل ماالجرس يتم
" شفقانه يا وعد😹 "
وطوالي استلمتها ليك وصلت كيف وناس البيت و.. و... بس غزل كانت بترد بأقتضاب وعديه انتبهت ليهها وقالت ليها غزل مالك في شنو؟ اتنهدت وحكت ليها بي موضوع غياث وعديه ما فضل ليها الا تصرخ وقالت ليها دا مش غياث الواجعه راسنا بيهو طيب مالك المشكله شنو، غزل قالت ليها ماعارفه يا وعد يخ حاسه نفسي ملخبطه شديد وعد قالت ليها غزل انتي بتحبيهو ماتتلايقي فيني فكري كويس غياث من خلال كلامك عنو زول كويس جدا وانا شايفاهو مناسب ليك ، اتونست معاها حبه وسمعت صوت احمد جمبها شاغلتو وكاوو بغض تمام وقفلت علي كدا شويه كدا والمغرب اذن ابوها جاء داخل شايل ليهو كيس صغير حق سلطه، مشت صلت وجات لقت امها بتخت في الغدا.. رصتو معاها وقعدو اتغدو.. اخوانها دخلو الغرفه يلعبو بعدما جوهم ياسمين وياسين وهي مشت المطبخ تعمل الشاي.. سامعه صوت امها وبتقول لي ابوها شفت يا عبد الرحمن ربنا فرجها ماقت ليك كلها اختبارات وتعدي ربنا هدا رسلها لينا من حيث لاندري ومدت ليهو الظرف...فتح الظرف وعاين ليها بي تساؤل قالت ليهو دي رسلها لي ابوي قال عيديه للاولاد..
"ماكانت عايزه تحسسو بالنقص"
انا قت ندبر منها حالنا ونشتري تموين رمضان ظهرت الفرحه في وشو وقال ليها الحمدلله، مريم عدلت قعدتها وقالت ليهو عبد الرحمن انت لسه مصر علي موضوع اني ما اشتغل دا، قال ليها انا اخدتك من بيت ابوك معززه مكرمه ولمن كان عندي انتي خليتي الشغل بي ارادتك اسي انا وقت بقيت عدمان ارسلك تشتغلي عشان تصرفي علي ابقي ما راجل والله، قالت ليهو نفسي افهم انت حاسبها كدا ليي؟ انا وانت مش واحد قال ليها ما قنا شي بس ما تلخبطي لي الكيمان 😒 سكتت بي استسلام اصلا دي ما اول مره اتناقشو في الموضوع دا وهي عارفه انو راسو قوي..، ومن هنا غزل فهمت انو شغل ابوها الايام دي ما ماشي كويس و.. و... وبينها وبين نفسها قررت لازم تجتهد عشان تعوضهم ولو شي بسيط شالت الشاي ودتو بعد ما ابوها نده عليها..

الايام مرت بي سرعه وغزل وغياث سمنه علي عسل ووعديه كل مره والتانيه تتصل بي غزل عشان تواكب الاحداث 😹 الليله تاني اسبوع في رمضان اللي هو نتيجه غزل كانت متوتره وداخله ومارقه ونظفت البيت سبعتاااشر مره قرييب الظهر كدا جاتهم خالتو سعديه والتوم وغياث عشان احضرو معاهم المؤتمر قعدو كلهم بي انتباه والمؤتمر شغال ويزيعو زول ورا زول لحدما خلصو المئه الأوائل والمؤتمر خلص وغزل خلاص بقت علي اخرها غياث طلب منها تديهو رقم الجلوس عشان اطلع ليها نتيجتها دخل الرقم ومرت زي عشره دقائق كدا وبعدها جاتو مسج محتواها "غزل عبد الرحمن محمد  أحمد النسبه 94  نجاح"
سعديه ومريم طوالي وقفو في نص الحوش والزغاريد ما تديك الدرب وغزل دي بس تبكي وحبوبتها ضاماها عليها وبتهدي فيها..
وفي دقائق بس الحله كلها اتكبت عندهو وغياث طولي مشا الدكان جاب ليهو بةت بارد وعلبه حلاوه..
والناس دالخله ومارقه ومبروك مبروك لحد قريب وقت الأفطار عبد الرحمن جاء خاشي وقال ليها اها يا غزل بشري قالت ليهو عملت ٩٤ يا بابا 😍❤️❤️ ضماها عليهو بي حنان وقال ليها الف مبروك يابتي الف مبروك وهمس كأنو ربنا بجبر خاطري بيك انتي الله يسعدك ويديك العافيه 💙 اليوم داك فطرو وهم مبسوطين شديد واثناء الافطار النقاش كان كلو عن الجامعه والتقديم والكلام دا، عبد الرحمن وهو بسأل في بتو اها يا غزل عايزه تقدمي شنو؟ غزل قالت ليهو بي كل ثقه عايزه طب  انا قال ليها والله يازين ما اخترتي ❤️ امها قالت ليها الطب دا جرجره يخ وكلام الامهات المعروف عن الطب 😹حبوبتها قالت لي مريم مالك علي البت طالما هي حاباها خليها تدخل مريم ضحكت وقالت ليها انا ما معترضه يا خالتي انا بس بوريها عشان بعدين ما تغني ظلموني الناس غزل قالت ليها لالا إن شاء الله ما حيحصل كدا لاني حابه المجال

مرت الايام بي خيرها وشرها وجاء يوم العيد غزل جاتها قروش كويسه شديد في نجاحها قدرت تشتري لبسه انيقه واللي عي عباره عن اسكيرت كبدي منفوش فيهو تشكيلات صغيره بالكحلي والبيجي وتيشيرت ساده كووحلي جزمه فلات بيجي وطرحه بيجي 💙 دي كانت اول ملابس تشتريها من جات الخرطوم، وانس ودانا امهم كستهم من باقي القروش حقت جدهم وما حسستهم بالنقص ابداا علا صوت تكبيرات العيد غزل لبست وشالت مصلايتها عشان تطلع الصلاه طلعت من بيتهم ولقت غياث في وشها بي الجلابيه البيضاء والعمه والشال قلبها ضرب شديييد جاء عليها وقال ليها كل سنه وانتي معاي 💛 اتلخبطت وما عرفت ترد قالت ليهو وانت طيب وهمست الله يحفظك لي بس قعد اضحك وقال ليها يلا طيب الصلاه ما تفوتنا 😹 مشو الصلاه واتلمو الاسرتين فطرو سوا، غياث في الصالون وعينو علي غزل في البرنده لحدما خلصو سعديه عملت شاي وقعدو يشربو غياث سال غزل اها التقديم متي؟ قالت ليهو بعد اسبوعين قال ليها طيب حأمشي معاك لاني خبره في الحاجات دي وغمز ليها مريم قالت ليهو تكون ما قصرت والله..

مرت الاسبوعين سريع ما كان في شي جديد لحدما جا يوم التقديم لبسه عبايه سوداء وطرحه سوداء وشبط فضي ومشت بيت ناس غياث عشان امشو سوا فعلا مشو قدمو وجو راجعين وبقو مستنين نتيجه التقديم بعد اقل من شهر النتيجه طلعت وشالوها.......

يتبع...