دوبامين ❤️✨

3

دوبامين 3 ♥✨

بقلمي :تسنيم النور

ومن غير مقدمات امي نادتنا انا وانس وقالت لينا ابوكم دا دخل ليهو في مشروع وهسي خسرنا كل شي💔 هي كانت لسه بتتكلم وتتكلم وانا سامعه صوتها طشااش طشاااش الشي الوحيد البتردد في راسي خسرنا كل شي، خسرنا كل شي! يعني عشان كدا ابوي في الفتره الاخيره كان بسافر كتير 😪 لقيت نفسي ببكي وتلقائيا دانا وانس لما شافوني ببكي هم زاتهم بقو ببكو، وامي بقت تبكي معانا، تاني يوم الصباح امي صحتنا بدري شديد شربنا الشاي والدفار جا رفع العفش  وانحنا وراهو طوالي بالبص معانا حبوبه بت خاله ابوي قالت هي بتمشي تقعد مع خالتها التانيه 💔 ركبنا البص وانحنا ماشين علي مصير مجهول وما معروف يحصل لينا شنو بعد اكتر مت ثلاثه ساعات وصلنا الخرطوم ... حررر وزحمه وعولاق جاء ابوي استقبلنا في الميناء ووشو دا لمن اسود من الزعل 💔😪 وبقي ضعيييييف، حتي مشاغلاتو لينا و ضحكتو الم بتفارق  وشو ديك اختفت لوما صوتو كان نكرت انو دا ابوي ! كان مستلف عربيه من صحبو، امي وحبوبه طول الطريق بتكلمو معاهو ويحاولو يشغلوهو ويدوهو بوزتف انرجي  بعد قرابه ساعه وحاجه زحف في الشوارع العجيبه دي وصلنا لينا حته كدا زي قريه بعيده شويه من قلب الخرطوم، سمعت ابوي بقول لي امي دا حاليا المكان الوحيد الهنقدر نسكن فيهو لانها حته بعيده شويه بالتالي الاجارات ارخص😪 انا بيني وبين نفسي حسيت بي انكسار كدا كيف هنسكن في حته زي دي! كنا وييين وبقينا وين، صحي الدنيا دواره 💔نزلنا ونزل معانا الشنط ودخلنا طبعا البيت جااايط شديد والعفش مجدع في كل حته كان عباره عن غرفه وصاله ومطبخ صغنون كدا وحمام يعني كويس الي حد ما 💜، غايتو حسيت بشويه اطمئنان لما شفتو هو صح ما زي بيتنا في عطبره بس احسن كتير من بيوت الجالوص الانا شايفاها محاوطه المكان، ايامنا الاولي في البيت كانت صعبه شديد احساس انو انت جديد في البلد وابوي ما لاقي شغل ودخل في حاله  اكتئاب ودبرسه كدا غريبه احساس كل يوم بطلع من الصباح وبجي راجع اخر اليوم ومافي شي يذكر حتي القروش البسيطه الكانت فاضله معانا  كل مره ماشه تنقص 💔 بس امي ابدا ما حسست ابوي بي كدا كانت بتعمل كل البطلع بي يدها عشان تساعدو حتي بقت تبيع الاسكريم وتوديهو الدكاكين كان بطلع ليها قروش كويسه بنمشي بيها حالنا، ومن قروش الاسكريم شويه شويه بقت تعمل خبايز وتبيعا لي ناس الحله وحبوبه بتساعدا في كدا، انا وانس الدنيا كانت نص سنه، في الحله جوه ماكان في مدرسه الا لي بره كدا بتتمشي بالمواصلات وممكن كداري بس بعيده شويه ابوي سجل انس وعلي طول انا في المدرسه الجمبو ولو انها ماكانت علي قدر كدا..  كنا كان كل يوم بودينا واجيبنا لحدي ما بقينا متعودين علي المواصلات بقينا نمشي برانا... كنا عاملين زي التوم، مع انو فرقنا قرييب أربعه سنه 😹 احيانا كنا بنرجع البيت كداري عشان ندس حق المواصلات وأشتري لي انس شبس وحلاوه "شفع مسلطين مش😹😹💔" بالرغم من الظروف السيئه المرينا بيها وطلعه ابوي كل يوم عشان افتش شغل وما يلقا بس امي وابوي عمرهم ما نقصو مننا حاجه او حسسونا بالنقص دا، كان عندنا جيران كويسين شديد ابدا ما قصرو معانا، انا وانس بي طبيعتنا ما عندنا اجتماعيات كدا يقولو عليها المهم حصرنا نفسنا علي البيت الفاتح فينا... بيت بسيط مبني جالوص عليهو اسمنت من بره فيهو شجره ليمون كبيره في نص الحوش امهم الام اسمها سعديه وابوهم محمد شغال سفريات بسافر واجي، عندهم ولدين وبنت الولد الكبير بقرا في جامعه امدرمان الاسلاميه طب، اسمراني كدا عندو سكسوكه🔥 اسمو غياث، بنادوهو غيث💛 وتاني عندهم البت ياسمين وياسين توم 💜 ديل تقريبا كانو اكبر من دانا  واصغر من انس كنت شايفاهم شفع عشان كدا كنت بحب اتونس مع غياث اكتر كان بحكي لي عن الجامعه الل كنت هموت وادخلها 😹 " مستعجله يخواني"،  في فتره بسيطه قربت من غياث شديد كان بناديني غزاله 😹 غيااظ خارب لي اسمي قاعده اشمو لما يناديني كدا بمشي معاهو المزارع نمشي نجيب اللبن وفي زي مكان كدا ورا البيوت مسمينو ترس كان  بسوق اخوانو وانس ودان امشي يفسحهم فيهو واجيب ليهم الحلاوه انا طبعا في نصهم 😹 غياث بقي لي زي الاخو الكبير، أمكن اكتر! وبقيت صاحيه غيث نايمه غيث وشبه بقا محور حياتي كلها متمركز عليهو 🙂💔 " ودي اكعب حاجه لما حياتك كلها تكون في يد زول معين او بتتمحور حولين زول معين لانك هتشوف شعاااع 😹😹"  الللمهم مره زي شهر كدا وانحنا في القريه ديك في يوم عصريات كدا أخواني بلعبو انا ماسكه كتابي بقرا، غياث جا ينادي امو ال كانت معانا وكان ماسك في ايدو شيت كدا كلو انجليزي ومجغمس كيف كيف 😹 وبقرا،" حرفيا بقينا زي العيله الوحده ودي ميزه حلوه شديد في سكن القرى💜" ناس خالتو سعديه وحبوبه امنه بشربو في شاي احمر  وامي بتغسل في العده، باب الشارع دقا مشيت فتحت لقيتو ابوي  جاء داخل البيت شايل ليهو كيس بسيط كدا حق خضار  وشكلو مبسوط...

يتبع