❤️✨دوبامين14
بقلمي:Tasneem Elnour
انا خلاص تعبت تعبت ختت يدها من فوق لي يدو بي حركه رقيقه وبقت تهدي فيهو وهي بتقول ليهو شوف ياعبد الرحمن اي شي يحصل لي خير وخت في بالك إن الله إذا احب عبدا ابتلاه صح؟.. انا حعمل ليك ليمون بارد عشان تروق اعصابك وتحكي لي طيب؟ هزا ليها راسو يعني طيب......
حبوبه امنه جات طالعه من الغرفه بي اصواتهم سالت ميمي في شنو؟ وعبد الرحمن مالو؟، ردت ليها والله ياخالتي انا زاتي ما فاهمه شي بس باين عليهو متضايق شديد.. عملت الليمون وجات قعدت جمبو ختت راسو في رجولها وبقت تعمل ليهو في مساج، حكي ليها بي القروش الاتسوقت منو وانو كانت اخر امل ليهم وتاني ما عندو غيرها.. ظهرت الصدمه والحزن علي وش مريم أتمالكت أعصابها وابدا ما حسستو بي كدا... بعدها حست بيهو غفا شويه زحت راسو وختتو في المخده ودخلت الغرفه لي حبوبه أمنه...
في جانب غياث..
صحا الصباح كان اليوم أخر امتحان ليهو في أمتحانات السمستر خلاص باقي ليهو سمستر واحد ويتخرج 💙اتدوش ولبس تيشيرت رمادي ساده وبنطلون كحلي حق جينز شرب شاييهو وودع ابوهو الكان بجهز لي سفره، وقبل ما يمرق امو وقفتو أدتو قروش ولسته كدا فيها كمييه من المواد التموينيه أستعدادا لي رمضان.. شالها وطلع وعلي طول أتصل لي غزل.. غزاالتي صباح الخير ❤️ ما حأقول ليك صباحك انا عشان ما تشغليها لي 😹 غزل وهي بتضحك صباح النوور قال ليها غريبه اليوم المصحيك بدري شنو انا اسي قت اترازل عليك واصحيك بس باين انو لن انال، قالت ليهو فعلا صحيت بدري وامس نسيت اوريك انو حنجي نحضر الشروق ،غياث رد ايااامك والله استمتعي، انا اليوم اخر امتحان لي ادعي لي بالتوفيق+ شنو انتي يا استاذه لقيتي اولاد خالتك ورمتلتي ما مشتاقه لينا يعني عايزه تجي متين؟ قالت ليهو بكره الصباح حتحرك مع خالو عبد الله والظهر كدا بصل وحتلقاني في وشك مرضي؟ قال ليها اممم أفكر قالت ليهو يزول امشي شوف امتحانك بي وين يلا مع السلامه وربنا يوفقك ما تتسرع وركز ❤️ قفل منها وهو مبسوط جدا ودخل امتحانو وحل بي نفس مفتوحه بعدها رجع غشا السوق اشتري الحاجات الكتبتا ليهو امو وجاء راجع.
اما غزل فقضت يومها كلو ضحك ومشاغلات ومكاوه مع احمد ووعديه رجعو البيت وهم هلكانين دخلت اخدت دش دافي وبدت تلملم في حاجاتها وشنطها ووعد واحمد ما فضل ليهم الا يبكو مضت الليله بي سرعه وجاء يوم السفر وعد مضايقه جدا لي درجه ما نزلت وودعت غزل وعملت روحها نايمه جاء عبد الله ساقها ومشو
واخيراااا الخرطووووم 😪💙 دخلت هي وخالها سلمت علي ناس بيتهم سلام حنييين بتاع زول مشتاق خالهم قيل معاهم والعصريه كدا اتوكل طلع كل دا وغزل ما شافت غياث وتتململ سااي 😹 اتذكرت الظرف الأداهو ليها جدها طوالي قامت فتحت شنطتها وجات شايله الظرف ومدتو لي امها وقالت ليها دا رسلو ليك جدو معاي.. امها مسكت الظرف وبقت تحمد في الله، غزل استغربت وما كانت متوقعه رده الفعل دي من امها! كيف تشيل القروش بالبساطه دي قالت ليها أمي انتي الحاصل شنو أكيد في شي انا ماعارفاهو صح؟ امها ماكانت حابه تنكد عليها فحورت الموضوع طوالي وقالت ليها شيلي البستله امشي جيبي اللبن انس السجمان دا ما بعرفو غتس وين وما تمشي براك شوفي غياث..
شالت البستله وطلعت علي بيت ناس خالتو سعديه السلمت عليها بي حراره وسلمت علي التوم وسالت من غياث، سعديه قالت ليها لوكان بدرتي حبه كان لقيتيهو طلع قبل ربع ساعه كدا يجيب اللبن، غزل قالت ليها انا زاتي جيتو عشان نمشي سوا بس يلا ما مشكله ماشه والشارع كلو تطنطن لمن وصلت نص المسافه لاقت غياث جاي راجع مشت عليهو بي لهفه وقالت ليهو غيث 💙 قال ليها غزااله العولاق الما بتسأل مني مشتاق ليك انا ياخ ارتبكت وخجلت ضحك فيها وطوالي غير الموضوع قال ليها ماشه اللبن قالت ليهو ايوه.. قال ليها طيب يلا حرجع معاك وانا اصلا عايز اقول ليك حاجه هي ما حاجه هم حاجتين😅 ما كان ينفع اقولا ليك بالتلفون قال ليها كدا وهم بشيلو في اللبن وخلاص طالعين من المزرعه قالت ليهو اها احكي..
قال ليها انتي عارفه انو دي اخر سنه لي وباقي ثلاثه شهور انا قدمت لي منحه في نيويوك وشالوني حامشي احضر الدكتوراه هناك وناوي اتخصص جراحه اما بالنسبه للحاجه التانيه.. لمن ما لقي منها رده فعل اتلفت عليها لقا دموعها سايله مسح ليها دموعا وقال ليها اسي انتي مالك بتبكي؟قالت ليهو وهي بتشهق يعني ما حأشوفك تاني 😢💔 قال ليها هي كلها كم سنه احضر وارجع وبعدين ما عايزه تعرفي الموضوع التاني شنو؟ ضحك وواصل وهو بقول ليها بقيتي بكايه ،قالت ليهو انت بتقول مسافر ومايوم ولا يومين متوقع مني شنو مثلا 😔💔 + اها اصدمني ووريني بالموضوع التاني..
مسكها من يدها وقبلها عليهو عاين ليها جوه عيونها بقوه وقال ليها غزل انا بحبك....
يتبع..
أنت تقرأ
دوبامين ❤️✨
Short Storyالقصه بتحكي عن بنت من عائله غنيه بس فجاه الوضع بتفلب وتلقي روحها بقت مع الطبقه العاديه وكمان بتقع في حب واحد من الطبقه العاديه! أكتملت.. 💛 دمعمكم لي وتصويتكم بفرق 💕
