دوبامين ❤️✨

13

❤️✨دوبامين13

بقلمي:Tasneem Elnour

وطلعو علي حي ال......وصلو بعد نص ساعه تقريبا وجدو علي ساق غزل ودخل بيها جوه مد ليها ظرف وقال ليها..........

غزل يابتب الظرف دا امانه وصليهو لي امك، اتحسست الظرف بي يدها قبل ما تعدل قعدتها وقالت ليهو بس يا جدو علي امي ما حتقبل تشيل قروش وانت عارف الكلام دا، هي لما نحنا كنا في عز ضائقتنا ديك هي ما شالت ،قاطعها جدها وقال ليها بس انا ما اي زول انا أبوها وهي اسي أكيد محتاجه المصاريف دي رمضان قرب والعيد كمان علي الابواب، انا حأتصل اتكلم معاها، قالت ليهو حاضر وباست راسو وطلعت مشت لي خالها عبد الله عشان تعرف مواعيد السفر، أكد ليها انو حيسافرو بعد بكره قعدت معاهم حبه وودعت حبوبتها وجدها وطلعت وعديه قالت ليها جدو مالو يا غزل؟ غزل حكت ليها وعديه قالت ليها بس ميمي خالتي عنيده شديد واصلت غزل وقالت ليها جدو اقنعها.. وصلو البيت وغيرو ملابسهم الواطه كانت عصرياات كدا وعد عملت شاي احمر بي نعناع ظرييف معاهو مكسرات وقعدو كلهم في حديقه البيت اتونسو حتي احمد ومني " أمهم"  المنظر كان كالتالي أحمد شايل جيتارو بغزف وأغني اغاني عمر الأمين وغزل تشيل وتكاوي فيهو وتقول ليهو صوتك شين وعد ومني اشربو في الشاي وبضحكو عليهم أحمد وقف عزف واتلفت علي غزل قال ليها اها يا هطله بكره اخر يوم ليك في البلد دي عايزين نعمل برنامج، عاينت ليهو كدا 😒 قالت ليهو هطله في عينك ضحك وقال ليها اها طيب فةرو لينا في شي نعملو أصلا بكرا يوم الأوف بتاعي 💛 قالت ليهو امممم طيب انا عندي فكره عاينو ليها كلهم بي إنتباه.. واصلت كلامها وقالت رايكم شنو نحضر الشروق نمشي بدري البحر بتاع شارع النيل داك، وعد نطت ااي والله يا أحمد فكره زابطه مني قالت ليهم والله انتو مجانين ساي انا ما معاكم وعد قالت ليهم خلاص انا بكلم حور وانت يا احمد لو عايز تجيب اصحابك ونعملها لمه ظرييفه رايكم شنو؟ أحمد قال ليها مووونتهي غمز لي غزل وقال عندنا كم غزل انحنا لكين خليكم عارفين حتصحو بدري 😹 يعني نصلي الصبح ونطلع عشان نشوف الشروق، كدي انا اسي ماشي اشوف أصحابي الحيمشي منو والقاعد منو وعديه قالت ليهو انا برضو بس دقيقه اقعد عشان نشوف حنشيل شنو قال ليها انا كائن صحراوي باكل اي شي انتي عارفاني + ما تتسرعو في موضوع الاكل دا لمن نشوف الماشي منو ونحنا كم وعديه شالت تلفونها واتصلت لي حور اللي هي بت جيرانهم ومتربيين سوا تقريبا ردت ليها بعد جرسين الوو...
وين انتي ياسجمانه يومين بجي انتي هامله بره بيتكم 😒 قالت ليها يخ انتي ما عارفه غزل جات يعني كدي ما تتعولقي فيني واسمعيني ، حور: أها إنشرحي سامعاك
وعد: بكره إن شاء الله أخر يوم لي غزل في مدني وعاملين ليها لمه ماشين نحضر الشروق في شارع النيل نبرمج ومنها لمه قبل رمضان قت اوريك تمشي معانا ووري يُمن عليك الله قالت ليها زااابط اصلاا ماف موضوع بوري امي وبشوف يُمن وبدخل ليك بي مكالمه زابط...
وعد :زاابط يلا اقطعي وشك
قفلت منها وقبلت علي غزل البتلعب بي جيتار احمد قالت ليها جايين حُور ويُمن غاليا وأحمد ما أظن يجيب ناس كتار يلا نشوفو قامو ومشو علي احمد لقوهو بتكلم بالتلفون... ااي يامان ااي بعد الصلاه لالا مازن بجي معاي بي عربيتي.. زابط يلا سلام، نزل تلفونو وقال ليها بعد دا ممكن نشوف الأكل حيجو مهاي مازن وخالد قالت ليهو زابط، شويه كدا حور دخلت عليها بي مكالمه ورتها انو خلاص حيمشو قفلت منها ودخلت عملت قروب واتساب ضافت فيهو حور ويمن واحمد ضاف خالد ومازن وبقو اتناقشو في موضوع الاكل 🐸💔 "أنا زاتي جعت معاكم" بعد نقاش طوييل اتفقو علي انو يشربو الشاي ويفطرو هناك ويجو راجعين، العشاء اذن صلو العشاء وعلي طول نامو عشان ما يتجرسو من صحيه بدري 😹 صحو بي صوت احمد الساعه اتنين الصبح عشان اجهزو الاكل غزل عملت ليهم بيتزا ووعد حمرت بطاطس شويه كدا ودخلو استحمو صلو الصبح وبدو يلبسو... غزل لبست اوفرول قطني اسود ماسك من الخصر بي اكمام طويله فيهو تشكيله بالابيض والوردي واسبورت اسود وطرحه بدره رمادي ،ما عملت ميكب اكتفت بي شويه  كحل وغلوس لامع اصلا هي ما محتاجه 💜 وعديه لبست بنطلون جينز كحلي غاامق مع تيشيرت ابيض طويل شويه فيهو بالكحلي، طرحه كحليه واسبورت ابيض  وميكب خفييف ، نزلو لقو احمد لابس قميص بيجي مسطر بي اسود ومكفكف يدينو كالعاده ساعه سوداء بنطلون جينز اسود وجزمه ناايك بيجيه، شايل جيتارو في يدو 💙 البنات مشو جابو الاكل وركبو العربيه لاقو حور في الشارع لاقوها مبهدله بهدله بي سرامس الشاي باللبن والقهوه 😹 وغشو يمن اللي كانت عامله مكرونه بالبشمل وخالد كان عليهو البسبوسه 🐸 واتوجهو علي شارع النيل لاقو مازن هناك وصل قبلهو وفرش الفرشه وجهز صباره العصير والمويه لقوهو عامل كدا 😒 قال ليهم عليكم الله ماكان تجو قعدو يضحكو وقعدو كلهم في الفرشه كبو الشاي بالبسبوسه ومستنيين الشمس تشرق "عاد فارغين فراغ" شويه كدا والشمس بدت تطلع ما خلو صوره لافه ما اتصوروها ومازن شغال ليهم انا بعمل فيها ماشايف وانتو صوروني كلهم ضحكو عليهو شويه كدا ونزلو المويه وبقو يتراششو بالمويه والرمله كأنهم شفع......

كدي نخلي الجماعه ديل شويه ونشوف الخرتوووم محل الرئيس بنوووم 🐸💔

سعديه قاعده بتشرب في الشاي أنس ودان نايمين وعبد  الرحمن طلع من الصباح وشايل باقي القروش الفضلت من بيع الدهب عشان اجيب ليهو خضار ومواد تموينيه لي رمضان للبيت لان مالقي طريقه يمشي السوق من يوم باع الدهب 😪 اتوكل علي ربو وطلع مشي ركب المواصلات ونزل السوق زحححمه ما طبيعيه مشا وقف جمب بقاله وجاء عشان يطلع القروش لقاها ماف 💔💔 وشو جاب الوان ورجع البيت وهو مكسور وحزن الدنيا دا كلو فيهو......
سعديه فتحت ليهو الباب وعرفت انو في شي غلط جات عليهو علي طول اتسللت دمعه من عينو ونزلت رغم محاولاتو انو يمسكها  " قهر الرجال حار حار يخونا💔" ا

دخلتو سريع وهي بتقول ليهو عبد الرحمن استهدي بالله في شنو؟ بي صوت اقرب للبكاء قال ليها انا عملت شنو غلط في الدنيا دي عشان احصل معاي كدا 😔💔 انا خلاص تعبت تعبت ختت يدها من فوق لي يدو بي حركه رقيقه وبقت تهدي فيهو وهي بتقول ليهو شوف ياعبد الرحمن اي شي يحصل لي خير وخت في بالك إن الله إذا احب عبدا ابتلاه صح؟.. انا حعمل ليك ليمون بارد عشان تروق اعصابك وتحكي لي طيب؟ هزا ليها راسو يعني طيب......

يتبع..