دوبامين 7 ❤️✨
بقلمي : تسنيم النور
مسح لي دموعي وقال لي هششش خلاص كفي ما تبكي، كلو لي خير ان شاء الله انتي تعبتي وربنا ما بنساك 💜 وكلام كدا زاتو عميق نصو فهمتو ونصو لا عاينت ليهو لقيتو متأثر شديد،
فكيت الضحكه و......
بقيت بجري، عارفاهو كان قبضني ما بخليني 😹 عاين لي كدا 😒 وقال لي قطعتي قلبي يا شيخه وانا المن قبيل بفكر ارضيك واصلح ليك نفسياتك كيف 😒 وعمل زعلان 😪💔 مشيت عليهو قت ليهو غياث والله بهظر معاك ما قصدي يخ ما تقعد تتعولق لي يخ اسفه🙂 قال لي طيب ما مشكله يلا.. قت ليهو ما زعلان صح قال لي لا، قت ليهو طيب عازماك اندومي غشيت الدكان شلت اندومي ودفع هو، قت لي يا استاذ انا العازماك قال لي انا هسي قت غير كدا؟ قت ليهو دافع لي؟ قال لي كدا بس ارح يلا اتحركي الواطه مغربت ، قت ليهو خلاص هأعملا وارسلا ليك مع انس قال لي طيب 💜 دخلت البيت امي قالت لي اتأخرتي مالك قت ليها لقيت لسه ما حلبو البقر 😹 شلته الاندومه عملتها واديتها لي انس اوديها، قت ليهو اوعا تحشر اصبعك دا فيها 😒 قال لي ماشي ماشي جيبيها قبل اغير رايي اديتا ليهو شالا ومشا...
اجازتي بدت وحاسه بي ملل وحياه روتينيه وماف اي موضوع حتي غياث الكنت بتموضع بيهو نزل فاينال واساسا الفتره دي ما فاضي لي.
بقيت افكر في الاجازه وكيف هأبرمج واستعد عشان الجامعه 🔥،....
في يوم كدا قريب المغرب امي وحبوبه كانو قاعدين بشربو في شاي معاهم ابوي مشيت لي ابوي قت ليهو بابا يخ انا م عندي موضوع عايزه اسافر مدني لي ناس خالتو اقعد معاهم شويه وارجع عشان اغير جو واكون مستعده للجامعه، قال لي ما عندي مانع طلما هتكوني مبسوطه اذا مشيتي 💜 عيوني دي لمو عملت قلوب قلوب 😹 امي قاطعتو وقالت ليهو يا عبد الرحمن عان ظروفنا كيف! قبلت لي وكملت كلامها قالت لي انتي شايفه دا زمن مناسب عشان تسافري فيهو؟
نحنا يدووب بنحاول نقيف علي رجولنا.. يابتي ماتقولي انو انا كعبه وبحميك ابداا والله بس انتي شايفه الظروف صح💔 حسيت بكلام امي منطقي قت ليها كلامك صح طالما ظروفنا ما بتسمح ما ما همشي ابداا ببرمج بي اي شي عادي وقمت .. حبوبه قالت لي دقيقه يا غزل.. واتلفتت علي امي قالت ليها يا ميمي مقفلاها علي البت مالك خليها تمشي انا عندي قريشات كدا خاتاهم بالجمبه بديها تمشي بيهم، ابوي قال ليها انا كمان يا امي عندي شويه قروش كدا حاليا ما محتاج ليهم انتي خلي قروشك عندك انا بسفرها امي قالت ليهم خلاص عايزين تطلعوني انا الكعبه 😒 وحتي لو قلنا تمشي هتمشي مع منو ؟ حبوبه سكتت شويه كأنها بتفكر وبعدها قالت ليها انتي مش قتي عبد الله اخوك ماشي بس يلا تمشي معاهو، امي قالت ليها والله ياخالتي انتي وعبد الرحمن خربتو البت دي بالدلع دا 😏 ابوي قال ليها مالك ياميمي كمان بكري واول فرحتي وقعدو يضحكو.. امي قالت ليهو ااي ااي املا ليها راسا سمح 😏فعلا امي أتصلت لي خالو عبد الله وقال ليها انو مسافر بعد يومين اللي هو هيكون واقع يوم ثلاثاء، انبسطت جداا.. و بديت الملم في ملابسي.. قبل ما اسافر بي يوم مشيت ناس خالتو سعديه سلمت عليها وشايفه غياث قاعد اقرا مشيت عليهو سالتو من الامتحانات وكذا قال اشتغل كويس.. قت ليهو انا مسافره بكره عاين لي بي خلعه كدا قال لي علي ويين ؟ قت ليهو ماشه مدني عند ناس خالتو قال لي اهااا طيب تصلي بالسلامه، قت لي الله يسلمك + اها امتحانات الشهاده متي؟ قال لي اقل من شهر قت ليهو بالتوفيق 💙 قال لي حتقعدي كتير؟ قت لي والله ما عارفه بس مدني ما بتتفات والله 😹 قال لي ايوااا بتبيعينا قت ليهو شبه كدا، قال لي اصبري لي بس اسي مافاضي بعد اخلص من الامتحانات بوريك ليهو، قت ليهو هوي زاتو ماشه ما قاعده ليك، قعد اضحك قال لي خلي بالك من نفسك، قت ليهو وانت شد حيلك، عشان تبقا لينا جراح قدر الدنيا 🔥 قال لي حصل ❤️،
ورجعت البيت.. نمت مبسوووطه ومرتاحه اليوم داك وبيني وبين نفسي بقول يا الله بكره هشوف وعد اشتقت ليها يخ المجنونه دي " وعد دي بت خالتي والبست بتاعتي اتكلمت عنها بدايه القصه"
تاني يوم صحيت بدري شربت شاييني وصليت وقاعده مستنيه خالو عبد الله جاني زي الساعه تسعه كدا مشينا علي الميناء قبل نركب مشي البقاله جاب شكلاتات وبسكويت وماذا المهم ركبنا البص و مدني جاك زووول 😍❤️✨
" ياربي الهيحصل لي غزل وغياث شنو؟ وهل اسره غزل كداخلاص حياتهم استقرت ولا القدر مخبي ليهم شي تااني؟"
يتبع
أنت تقرأ
دوبامين ❤️✨
Short Storyالقصه بتحكي عن بنت من عائله غنيه بس فجاه الوضع بتفلب وتلقي روحها بقت مع الطبقه العاديه وكمان بتقع في حب واحد من الطبقه العاديه! أكتملت.. 💛 دمعمكم لي وتصويتكم بفرق 💕
