دوبامين ❤️✨

22

❤️✨ 22دوبامين

بقلمي:تسنيم النور

غياث الله يخليك تعال البيت بي سرعه، قام سريع سريع شال مفاتيحو وطلع أول ما  دق الباب غزل فتحت ليهو وحالتها زي الميت ليها زول ضماها عليهو وبقي يهدي فيها وهي بتقول في جمله واحده بس أمي بتموت يا غياث، مسكها من يدها ومشو غرفه أمها كانت فاقت وقاعد جمبها أنس بقرا ليها في قرأن وحبوبه أمنه بتسأل فيها أنو ديل منو وبرضو المره دي كانت فاقده الذاكره لي دقائق رقدوها وشويه كدا بدت تزكرهم، في اللحظه دي عبد الرحمن جاء داخل من المسجد شايل سبحتو اتخلع من منظر أولادو واستنتج أنو مريم تعبت تاني مشي قعد جمبها وقال ليها مريم أنتي كويسه؟ جزت ليهو راسها بمعني ااي كان ملهوف عليها شديد ختا راسها في رجولو وبقي يقرا ليها لمن نامت، غزل ساقت غياث البلكونه وقالت ليهو أمي عندها صرعه صح 😔💔 قال ليها كدي استهدي بالله ماحنقدر نحدد الا نعمل رنين مغنطيسي ورسم للمخ وللإحتياط نقيس الدم، قالت ليهو غياث أنا عارفه ومعظم الأعراض دي حقت صرعه ما تدس علي 💔 قال ليها أتفائلي وأن شاء الله خير والفي بالك أطلع غلط، سكتت شويه وقالت ليهو شكرا، قال ليها علي شنو بالزبط؟ قالت ليهو انو جبتك في وقت زي دا و.. قاطعها قال ليها علي فكره أمك دي زي امي واحد ويلا عن أذنك أنا لازم أرجع بعد دا عشان شغال جيبي لي خالتي في مجمع ال... الساعه اتناشر عشان نعرضها علي مستر أبوبكر حسين أخصائي المخ والأعصاب تمام؟ قالت ليهو طيب، قال ليها حاجه تانيه أمسحي دموعك دي عشان أنا ما بحب أشوفك بتبكي علي الاقل لو ما عشاني خليك متماسكه عشان أمك واخوانك وما تنسي لسه عندك كوومه أمتحانات قدامك وطلع خلاها، مشت صلت الصبح شويه الواطه كشفت أتصلت علي شلتها مكالمه جماعيه وورتهم أنها ما حتقدر تجي اليوم عشان امها تعبت تاني وكدا، قالو بخلصو محاضراتهم وبجو عليها ، طلعت لقت وأنس رافض أمشي المدرسه بس هي وابوهو اجبروهو وقالو انهم حيقعدو مع مريم، غزل قالت لي أبوها أنت زاتك أمشي يا أبوي انا وحبوبه قاعدين ولو حصل شي بتصل عليك وغياث معانا ، قال ما ماشي أتناقشت معاهو مساافه لحدما اقنعتو ، الواطه كشفت شويه وتلفون مريم دور سعديه، ومني أختها وعبدالله وأبوها وأمها، زي الساعه عشره ونص كدا غزل لبست ومشت لبست أمها عشان يطلعو، حبوبه أمنه جات تمشي معاهم بس غزل قالت أنو أمكن يتأخرو ويجي زول البيت يلقاهم ماف وكدا، ركبو أمجاد ومشو علي شارع الحوادث مجمع ال.....وأقرب كرسي مريم قعدت فيهو كان ظاهر عليها التعب
"الواطه ظهر واصوات الناس داخله ومارقه وحركه العربات والجوطه.. قاعده هي بي اناقتها المعهوده وبشرتها  البرونزيه💜 ،نظاراتها الطبيه   وعيونها الماخده سواد الليل والحجاب البتعدل فيهو كل دقيقتين 😹 في واحده من مستشفيات الخرطوم متوتره جدا ودمعتها في عينها وبترجف كلها 💔 وفي نفس الوقت زعلانه ومتضايقه شديد من تأخر دكتور غياث المفروض انو مواعدهم وبينا وبين نفسها ماناويه علي خير! كيف هو يتاخر كدا؟ يعني فاكر الناس دي لو ما محتاجه بتستناهو😒 بتتصل عليهو تلفونو مغلق والساعه بقت 12:30 زهجت شديد وقامت ماشه علي اتجاه الباب..
" ريحه عطرو سبقتو وجا داخل علي العياده طويل اسمراني بعيون عسليه ونظاراتو الطبيه الما بتفارقو، انفو الحاد  ولحيتو المبعثره الزايده من رجولتو وعامله ليهو هيبه كداا حلاقه فلات،  قميص كاروهات مع العضلات حاجه في منتهي الرهابه شايل لابكوتو وسماعتو بتكلم بالتلفون بي صوتو المبحوح وباين عليهو الاستعجال اول ما دخل كل الانظار اتوجهت عليهو 💜 وهي نست زعلها وغضبها داك كلو وفضلت متنحه فيهو حتي نست هي جات لي شنو شوفتو ساي كانت كافيه انو تقلب كيانها 😔💛 أول مره تركز فيهو كدا من أخر مره شافتو قبل ثلاثه سنه أتغير شديد!.. جاء بي أتجاههم وبي كل أدب أعتذر من مريم علي انو اتأخر وكان غصب عنو لأنو أحتاجوهو في عمليه، وساقهم دخل بيهم للدكتور، دكتور بابكر كان النوع البشووش داك البسمع شكوه المريض لحد أخر حاجه مستعد أقعد أسمعك بتشكي لي الصباح غزل أرتاحت ليهو جدا، طلب منهم اقعدو، وقبل علي غزل وقال ليها د. غياث اداني خلفيه عن الحصل أمس بس عايز اسمك منك إذا ممكن، بدت تحكي ليهو بالتفصيل وأنو دي ما أول مره وكدا، اتلفت علي مريم وسألها كم سؤال كدا وطلب من غزل يعملو ليها نفس الفحوصات القالها غياث أمس، طلعو وطوالي مشو عشان اعملو الرنين، ورسم المخ دخلوها الغرفه وغزل وغياث مستنين بره، أتكل علي الحيطه وقال ليها لي ما وريتيني أنو دي ما أول مره ولي ما أتصلتي علي من أول مره للدرجه دي يا غزل بقيت غريب!  قالت ليهو المره الأولي الأعراض كانت اخف وما اخدت زمن كتير عكس امس، سكتت أصلا ما عندها كلام تقولو، قال ليها وانتو كيف سكتو دا كلو وما حاولتو تودوها لي دكتور! فضلو يتناقشو قريب نص ساعه بعدها مريم طلعت وقالو ليهم أنو الصوره حيستلموها بكره، غشو المعمل عملو فحص الدم ورجعو علي كدا، العصر كدا جوها البلابل في البيت كفرو ليها وادوها شيت المحاضره ومشو تاني يوم الصباح صحت بي صوت تلفونها عاينت لقتو رقم غريب عرفتو دا غياث، قال ليها أنزلي أنا مستنيك تحت عشان نمشي نجيب الفحوصات قالت ليهو طيب اطلع أنا لسه يدوب صحيت من النوم، قال ليها ما بحتاج بس انتي اسرعي  قامت ادوشت سريع سريع صبحت علي أمها وحبوبتها لبست ليها عبايه وطلعت ،ركبت معاهو وطول السكه سكتين جابو صوره الرنين  ونتيجه رسم المخ وفحوصات الدم أدوها ليهم مغلفه في ظرف شالوها ومشو، قعدو مسافه في الأنتظار وبعدها دخلو لي مستر بابكر طلع فحوصات الدم وصوره الرنين وعاين فيها مساافه وطلع نظارتو هنا غزل خلاص اتوترت لمن بقت بتفرك في يدينها غياث ضغط علي أيدها واشر ليها بي راسو عشان تهدا شويه دكتور بابكر بدا كلامو وقال ليها عايني شايفه الالفراغات الفي الصوره دي، دا دلاله علي انو في خلل في الدم الواصل للمخ، وفحوصات الدم بتقول انو دمها ضغيف حاولو أكلوها حاجات تزيد الدم شوفو ليها قُضيم مثلا +   الباقي كلو تمام ومافي شي  خطير اطمني يا بتي 💜كتب ليهم علي حبوب  وادويه وطلب أنو مريم تقابلو بعد شهرين  غياث شال الرشته صرفها ووصل غزل ومشي علي شغلو، العصريه كدا جوهم سعديه والتوم وشويه جاء فضل بي أولادو والبيت بقا عمران اخدو قعدتهم ومرقو ريم اتصلت لي غزل اطمنت عليها وورتها تجهز لي امتحان بعد بكره، مرت ايام الأمتحانت وال Reading weak الشله عملت معسكرات عديل عشان أعوضو العواسه العاسوها في المدتيرم 😹"الحمد لله ما انا براي البعوس" ومريم ماشه في تحسن، عبد الرحمن طلب منها تخلي الشغل بس رفضت وقالت انها محتاجه حاجه تشغلها، التواصل بين غزل وغياث شبه مقطوع بس بتسمع بيهو سمع من سعديه لمن تجيهم، أخر يوم في الفاينل بعد ما تمت حوامتها مع الشله وما خلو مكان ما مشو ليهو لا خلو شارع نيل لا محل أسكريم ولا مطعم 😹"بارك الله في حديده ريم" غزل جات داخله البيت تتفاجأ ليك بي سعديه وراجلها التيمان وحتي غياث وكم راجل كدا ما عرفتهم وعبد الله خالها سلمت عليهم ودخلت غرفتها، وبقت تفكر ديل الجابهم شنو؟ والرجال ديل منو كمان؟ شويه كدا وباب غرفتها خبط قالت أتفضل دخلت سعديه،وقالت لي غزل ممكن اتكلم معاك؟ غزل صلحت قعدتها وعاينت ليها بي اهتمام وقالت ليها اتفضلي يا خالتو، سعديه قالت ليها من غير اي مقدمات كدا انا ومحمد جينا عشان نطلب يدك لي غياث ولدي رايك شنو؟ غزل لمن نططت عيونها بست رجعت اتمالكت أعصابها وبقت تفكر بينها وبين نفسها رسل لي خالتو سعديه عشان عارفني ما حا اقدر ارد ليها طلبها  حااوافق عشان ما أزعلها  وبعد فتره تفسخ الخطوبه وتقول انو ما اتفقنا "أنتي يابتي بتحبيهو نان بتتلايقي كدا مالك 🐸💔" قطع تفكيرها صوت سعديه وهي بتقول ليها أها يا بتي الناس منتظرين قالت ليها موافقه يا خالتو زغرتت زغروته عااليه وضمتها عليها طلعت وقفلت وراها الباب غزل شالت تلفونها واتصلت لي وعد وبقت تحكي ليها، بي هناك غياث اصر إلا يعقد طوالي عبد الرحمن واقف صلو المغرب وعقدو، أبوها جاها في غرفتها خبط الباب لقاها يدوب قفلت من وعد وختت التلفون باسها في راسها وقال ليها الف مبروك العقد بقيتي رسمي مدام غياث محمد 💜

💙أقتباس
المشاعر الحقيقيه تُرغِمنا علي الإستمرار، تجعلُنا نتمسك بصدق، ولا نستسهل التخلى، نختار أي الممكنات عدا البُبعد💜تجعلنا أن نختار أن نكون معاً علي أن نكون بخير 🙂💛