دوبامين ❤️✨

11

❤️✨ دوبامين11

بقلمي: Tasneem Elnour

جات مريم طالعه من المطبخ مالك يا دان في شنو، قالت ليها في راجل بله دال عايزك " راجل بره قال عايزك" شالت ليها توب وطلعت...
قال ليها السلام علكيكم قالت ليهو وعليكم السلام  يا اخت انا.......

أنا سيد البيت والله يا أختي ما كنت ناوي أجي اضايقكم بس انتي كمان عارفه الظروف وانا والله لو ما محتاج للقروش ما كان جيت، مريم قالت ليهو دا حقك انت ما شاحدنا بس ممكن تصبر لينا يومين ثلاثه كدا لحدما ندبر حالنا؟ قال ليها جداا واسف مره تانيه وربنا يكون في عونكم ان شاء الله، قالت ليهو تسلم.. دخلت وقفلت الباب، حبوبه أمنه نادتا ياميمي دا منو الكان في الباب مريم مشت عليها ووشها جايب الوان، قالت ليها دا سيد البيت يا خالتي قال عايز أجارو أنا القاها من وين ولا من وين يا خالتي ودموعها جرو حبوبه امنه ضمتها عليها وقالت ليها الله كريم علينا يا بتي ، مريم كملت كلامها وقالت ليها نجيب من وين بس وشغل الخبائز زاتو واقف 💔 وعبد الرحمن زيما انتي شايفه عادل مضيقها عليهو كيف، حبوبه امنه قالت ليها انا عندي خاتم جنيه حق دهب نبيعو ونتصرف بي حقو وربنا كريم، مريم قالت ليها لا يا خالتي ما بتبيعي دهبك عشانا دا حقك انتي بدل ما نزيدو ليك ننقصو؟ حبوبه ضربتها ضربه خفيفه وقالت ليها هوي يا مجنونه هو الدهب فايدتو شنو كان ما فكا لينا ضيقتنا وبعدين حأديهو لي زول غريب؟ عبدو دا ياهو وولدي الطلعت بيهو من الدنيا، بكره ربنا يفتحا عليهو وهو حيرجع لي الخاتم الانتي زعلانه عليهو دا عشره 💛 شويه كدا وعبد الرحمن جا داخل.. قال السلام عليكم ردو السلام، مريم قالت ليهو خش استحمي وانا بجهز ليك الغداء أحنا سبقناك قال ليها طيب، اخد ليهو دش سريييع كدا واتغدا، مريم جابت الشاي وجات قعدت جمبو، اخدت نفس عميييق وقالت ليهو اليوم سيد البيت جاء قال عايز ايجارو، عاين ليها بي كسره كدا وقلت حيله واصلت وهي بتربت علي كتفو الله كريم خالتي قالت هتبيع خاتمها انا قدر ما حنستها ابت، عبد الرحمن جفل وقال ليها دا كلام شنو دا ؟ جات حجه امنه داخله قالت ليهو السمعتو وما عايزه نقاش في الموضوع دا.. قال ليها بس يا امي قاطعتو وقالت ليهو قت ليك الموضوع دا خلاص انتهي عايز تجادلني يعني؟ قال ليها حاشا لله يا امي، باس يدها وقال ليها الله يخليك لينا وما يحرمنا منك ابدااا 💙 قالت ليهو ويخليك ويحفظ ليك اولادك 💜
شويه كدا الباب دقا فتح انس لقاها سعديه ام غياث قعدت اتونست معاهم مسااافه وشربت الشاي المغربيه كدا رجعت علي بيتها

حبوبه امنه بتتسونس مع مريم قالت ليها  طولنا من غزل يا مريم يابتي كدي اضربي ليها نشوفها كيفنها، مريم قالت ليخا عاد ياخالتي هي لقت وعد واحمد تاني بتتذكر زول عاد 😹 وشالت التلفون ضربت بعد جرس طويييل جاها صووت وعد بتقول ميمي المزه مشتاقه ليك وربي، مريم ضحكت وقالت ليها انا زاتي مشتاقه ليكم والله مانفسكم تجو الخرطوم؟ وعديه قالت ليها اكيد يا خالتو بس خلي أحمد يخلص ، مريم قالت ليخا هو كيف وأمك كيف طولت منهم، وعد ردت ليها كووولنا بخير يا خالتو واللمه ناقصاك بس 💜 غزل جات نابله من هناك مما سمعه كلمه خالتو دي وخطفت التلفون من وعد 😹  وعد عاينت ليها كدا 😒 ولا اشتغلت بيها وبدت تتكلم مع امها وتسالها من احوالهم وكذا بعد كلام طويل مع امها مريم ادت التلفون للحبوبه سلمت علي غزل بي لهفه كدا وبعدها اتكلمت مع ابوها وأنس وحتي دان وكل دقيقتين دان بتقول ليها ما دربتي تردعي؟ " ما قربتي ترجعي"  غزل قالت ليها اممم اشتقتي لي؟ دان : ااي يخ تفايه اردعي " كفايه ارجعي" غزل ضحكت وقالت ليها حاااضر وقفلت منهم ، وقبلت علي وعد الكانت بتسرح في شعرها وقالت ليها : ما عارفه يا وعد بس امي صوتها ما كان عاجبني كأنو في شي حاصل وهي بتحاول تدسو 😪💔 وعد قامت من التسريحه وجات قعدت قصاد غزل وقالت ليها ها الطيره دي هيكون في شنو يعوي؟ أمك كويسه ما فيها حاجه، براك قتي طولت ما نفسنت كدي   الننفسن الليله ، غزل عضت علي شفايفها بغيظ وقالت ليخا غلطانه انا البحكي ليك وضربتها بتلمخده في وشها 😹 وعديه طوالي رجعتا ليها وفضلو يتعولقو كدا بالمخدات " ما طلع ريش من المخدات يخوانا الناس تكون واقعيه😹" لحدما  تعبو ونامو في محلهم

تاني يوم الصباح صحو بدري وشربو شاييهم لقو احمد طلع الجامعه وأم وعديه طلعت وماف اي موضوع  وعد قالت لي غزل رايك شنو نمشي البيت الكبير؟ انتي ليك هنا اسبوع لو جدو عرف انك قعدتي دا كلو وما جيتيهو حيزعل، غزل قالت ليها طيب ماشي يلا نلبس، دخلو استحمو وغزل لبست فستان   كووحلي فيهو ورود صغيييره يالطوبي والبيج وطرحه بيج وجزمه فلات بيج وميكب خفيف اما وعد فا لبست تنوره  سوداء مع قميص شفون لحمي سااده فيهو حزام قماشي بنفس اللون وطرحه كبديه واسبورت كبدي وعندها شنتايه ظهر ضغييره كدا كبديه لبسو وطلعو الشارع اجرو امجاد ومشو علي حي ال... حتات ساكنين ناس جدهم نزلو وسلمو عليهم بي بشاشه حاج علي كان بريد احفادو شديييد وحنين معاهم قيلو معاهم وقضو اليوم كلو هظار وضحك ولمن جو مارقين نده علي غزل  قال ليها قبل ما تكوني مسافره بي يومين تعالي لي طيب؟ قالت ليهو حاضر وباست راسو وطلعو علي كدا.. وعد قالت لي غزل جدو مالو؟ غزل قالت ليها قال لي اجيهو قبل ما اسافر بي يومين ما عارفاهو مالو  بتكلمو كدا تلفون وعد ضرب لقتو احمد قال ليها وين انتو؟ قالت ليهو في البيت الكبير خلاص طلعنا قال ليها طيب انا قريب استنوني في الزلط نرجع سوا.. قالت ليهو زابط وبقو واقفين شويه كدا احمد وقف ليهم ركبو معاهو وعلي البيت علي طووول.. دخلو لقو أم وعد في وشهم 😹 استحمو وغيرو بي   بيجامات رااقيه كانت مشترياهم وعد اتنين ليها ولي غزل وقعدو اتونسو قدرتهم ما خلو شمار حايم ما قالوهو لحد الساعه  اتناااشر حتي اي زول مشي علي سريرو، غزل قبل تنوم اتصلت علي غياث 💜 اتونست معاهو حبه ورقدت نامت علي كدا

ياربي حاج علي يكون عايز من غزل شنو؟ واسره غزل الشهر دا دبرو الإيجار الشهور الجايه هيعملو شنو وهيتصرفو كيف؟

يتبع....