6بنات علي طول مع بعض من زمان واحدة منهم لقت حب حياتها وهي ١٦سنه والتانية عشقت واحد وهو عشقها بس قضوها تلميحات لحد ما كبروا والتالتة فضلت تتشاكل مع زميلها ف الدراسة لحد ماقلبت حب ده غير البنتين المرحين اللي علي طول بيضحكوا ومجربوش يحبوا بس بيعشقوا اب...
كريم :تتجوزيني ! ليان : بس احنا لسه منعرفش بعض كريم : هنتعرف في فترة الخطوبة وبعدين انتي بتبادليني نفس المشاعر فين المشكلة ليان بخجل :طب ممكن تديني وقت كريم بمرح:عارف انك هتوافقي بس شكلك بتتقلي بس اوك هديكي لغاية بكرة. ليان :طب هنقولهم ايه دلوقتي كريم :هنقول ايه يعني هنقولهم انك هتصلي استخارة وتردي بس في قبول. ليان :طيب . دخل والد ليان ومعه اسرة كريم واتفقوا علي الرد غدا . .................................. في المانيا. كان كل من ندي وعبد الرحمن يقضون اسعد ايام حياتهم . (ناس يتعملها شهر عسل وناس عندها امتحان فيزيا بكره🤦😂) عبد الرحمن :مبسوطة يا ندي ندي:طالما جمبك اكيد مبسوطة عبد الرحمن :انا مش عايز الاجازة تخلص والله عشان افضل جمبك واسمع كلامك الحلو ده. ندي :هههه مش هبطل اقولك كلام حلو
عبد الرحمن:البسي يلا عشان هنتغدا بره. ندي :تمام خمس دقايق واكون جاهزة . عبد الرحمن بمكر :طب استني هاجي اساعدك ندي بدلع :بس يا عبده (هتولعوا ف نار جهنم بإذن الله 😂) ........................................................... خرجت عشق بسرعة من المشفي وتوجهت لمكان عمل هنا كانت خائفة جدا ودقات قلبها تتسارع بشدة دخلت مكتبها دون الدق علي الباب. عشق :الحقيني يا هنا هنا بقلق :مالك يا عشق في ايه عشق :يزيد هنا :ماله حكت لها عشق ما حدث في الصباح وانها تعاند معه لكنها تريده. هنا بضحك :لما انتي عايزاه بتعملي كده ليه وتعاندي معاه ليه اصلا. عشق :عشان هو مستفز جاي يقولي بحبك وتتجوزيني وانا مش عارفة ارد عليه هنا :فينك يا شغف كان زمانها ادتك درس ف الرد الرومانسي. عشق :انا مش هروح المستشفي تاني . هنا :هو قال هيجي يتقدم يعني مفيش مفر عشق :مش عارفة اعمل ايه .بفكر اهرب انفجرت هنا من الضحك علي اسلوب عشق وتفكيرها . هنا : بس انتي غلطتي يا عشق مكنش ينفع تعندي معاه وانتي عارفة انه اعند منك مليون مره عشق :الي حصل بقا .وهفضل اعند معاه برضو هنا :مفيش فايدة فيكي ابدا عشق :طب قوليلي قابلتي مؤمن تاني تنهدت هنا بقوة وحكت لها مقابلتها له بالأمس عشق :هتقدري تنسيه يا هنا ؟ هنا :انسي؟ انسي ايه ؟ انسي الانسان الوحيد اللي حبيته انسي اللي حسسني اني ليا اهل وعيلة بعد ما اخواتي اتجوزوا انسي الشخص اللي كان دايما يقولي انا ضهرك وسندك اللي كان ليا كل حاجة . انسي ايه يا عشق ؟ يارتني سمعت كلامك لما قلتيلي اتوقعي دايما الوحش ف اي حاحة تعمليها عشان متتوجعيش اوي لما تفشلي . كانت تتحدث ودموعها منهمرة بغزارة وأكملت :تعرفي يا عشق انا قلبي مسامحه بس انا مش قادرة . عشق :اهدي يا هنا لو لسه بيحبك هيفضل وراكي عشان تسامحيه ومتتعبيش نفسك في التفكير لانك متأكده مليون في الميه انك لسه بتحبيه ويمكن اكتر من الاول .ربنا يريح قلبك يا هنا ويهنيكي ف حياتك. هنا :انا وانتي يا رب. عشق :ايه جو الدراما ده .قومي نروح نشوف الشلة هنا :يلا انا اصلا معنديش شغل انهاردة . قامت الفتيات وتوجهوا لمنزل شغف في الاول. فتحت لهم شقيقتها الكبري ورحبت بهم بشدة. اسراء شقيقة شغف :اتفضلوا البيت بيتكوا عشق :من غير ما تقولي اصلا اسراء :هههه النسخة التانية منك نايمة ادخلوا صحوها انتوا انا مش مستغنية عن عمري عندي عيال عايزة اربيهم. دلفت الفتيات لتيقظ شغف فأمسكت هنا زجاجة الماء وسكبتها عليها . شغف بشهقة :الحقوني بغرق هموت ضحكت الفتاتان عليها بشدة لكن قطع ضحكهم امساك شغف للفازة والقائها في وجه عشق لكنها تفادتها. عشق :وانا مالي يا لمبي هنا هي اللي صحتك والله هنا :اه يا واطية بتبعيني لشغب الكلب . شغف :عايزين ايه بتصحوني ليه هنا :فاضيين قلنا نتجمع شغف :بس انا مش فاضية يا ختي منك ليها. عشق بمكر :هو معاد المقابلة دلوقتي هنا بعدم فهم :مقابلة ايه عشق وهي تقرأ الكارت :انس محمود الشافعي . اكملت موجهه حديثها لشغف :طب كنتي قولي كنا هنفرحلك. شغف :ياريت ياختي ده شغل يا حسرة هنا :شغل ايه مش فاهمة (هنا بدأت تتغابي وشكلي هسلط مؤمن عليها😂 )
شغف :بصي يا ستي فاكرة المز اللي خبط فيه ف الكافيه جه امبارح الصيدلية عند سهيلة يشتري علاج وانا كنت واقفة مكانها عشان كانت شايلة يزن . المهم اديته العلاج وسأل علي دكتورة علاج طبيعي فسهيلة قالتله عني المهم طلب مني ارعي والدته وكده زعقتله وقلتله انا مش ممرضة قالي انه كان عايز دكتورة فعلا مش ممرضة عشان والدته في بداية عجزها وهو عنده شركة ومسؤولية وصعب يفضل جمبها. فوافقت وسابلي كارته عشان اشوف هروح امتي. هنا :يا حلاوة هتروحيله بيته يا شغب.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عشق :يا فضيحتك ياا شغب يا بنت عم عبد الله شغف :بس يا نيلة منك ليها .هو انا هبات هناك هنا :كمان عايزة تباتي شغف :مش اصدي بس لقتها فرصة كويسة انه انا مش لاقية شغل لحد دلوقتي وكمان لما كلمته في الفون عشان اشوف هروح امتي قالي هيديني مرتب كويس وبعدها هيشغلني في مستشفي تبع حد يعرفه. عشق :هو عرض ممتاز بس مامتك وباباكي وافقوا شغف :اه وافقوا لان مامته عايشه لوحدها وهو طول الوقت ف الشركة يعني امان هنا :طب علي خيرة الله . عشق :انا بتصل علي خديجة مبتردش غريبة دي. شغف :ممكن تكون في الشركة . عشق :اتصلت علي هناك قالوا مجتش اصلا . هنا:طب تعالي نروحلها بما ان احنا الفاضيين. توجهت شغف لمنزل انس الشافعي بينما هنا وعشق ذهبوا لليان أخذوها في طريقهم لخديجة وعلموا امر زواجها وفرحوا لها . فتحت لهم والدة خديجة ودخلوا لها غرفتها وجدوها تلملم اشيائها وهي تبكي هنا :مالك يا خديجة انتي رايحة فين خديجة :هرجع لندن ليان :ده بمزاجك كده معرفتيناش ليه وبعدين بتعيطي ليه عشق :اهدي طيب واقعدي نتكلم. خديجة بصراخ :مش ههدي يا عشق انا مفضلتش ٤سنين احبه وااتعامل معاه علي اننا صحاب بس عشان تيجي غيري تاخده .انا حبيته قبلها انا أحق بيه منها. هنا :متبقيش انانية في حبك يا خديجة هو قلبه اختار غيرك وقدرش يتحكم فيه .زي منتي قلبك حبه .قوليلها حاجة يا عشق عشق :هو لو ليكي مفيش غيرك هتبقي معاه للاخر حتي لو بقا عنده سبعين سنه . ليان :بصي يا خديجة انتي خدتي قرار البعد منك لنفسك وده صح علي فكرة ابعدي فترة لحد ماتحسي انك نسيتيه وبعديها ارجعي. خديجة :نسيان الحب لو بالبعد كانت هنا نسيت مؤمن من زمان . وكانت عشق نسيت يزيد . احنا قلوبنا اتحكم عليها تتوجع بسبب قرار مش بإيدينا . عشق :نسيتي تقولي ان الامل اللي في قلب ندي وثقتها في ربنا هو اللي خلاها مع عبد الرحمن دلوقتي. بصي يا خديجة لو عايزة تسافري سافري غيري جو بس خلي عندك امل ان احمد هيكون ليكي انتي لو هو مكتوبلك. هنا :عشق معاها حق هنسيبك تقرري وكلمينا قوليلنا قرارك.يلا يا ينات. تركها الفتيات وذهبن للتسوق وهم يفكروا في خديجة . اصطدمت عشق بشخص وهي في احدي المحلات وكانت صدمة بالنسبة لها . .... ........ ..... يا تري مين الشخص ده ؟ وايه اللي هيحصل مع شغف في اول مقابلة مع والدة انس ؟ وايه هيكون رد هنا لو مؤمن اتعدي حدوده معاها؟
ورد ليان هيكون ايه علي طلب كريم للزواج؟ مستنية رأيكوا في الكومنتات ومتنسوش تعملوا ڤوت وشير للرواية❤️ #حينما نعشق#
