Unicode
ဒန့်ဒလွန်သီးကို မနိုင့်တနိုင်တွဲသွားတဲ့ ခရမ်းသီးကြီးကိုကြည့်ရင်း ရှေ့နေအုပ်စုကတဟားဟား ။
ယွီပင်းကတော့ ဒီဝိုင်းကကိုယ်နဲ့လည်းမဆိုင်တော့တာမို့ထသွားဖို့ပြင်လိုက်ပေမယ့် ကိုယ့်ဘေးကမတော်ရသေးတဲ့ ရည်းစားလောင်းလျာလေးကိုစိတ်မချတာနဲ့ ထိုင်ရမလို၊ထရမလိုဘဲ။
"ဟို ညီလေးကပြန်တော့မလို့လား၊စောပါသေးတယ် အေးဆေးပေါ့"
ကျိူးချန်ဆိုတဲ့ လူက သောက်လက်စခွက်ကိုမော့ရင်းပြောတယ် ။ ပေါက်စကိုဒီလိုအမူးသမားတွေ၊မျက်နှာရူးတွေနဲ့ထားခဲ့ရမှာ တကယ်ကိုစိတ်မချတာပါ။
"ဟုတ်ကဲ့ ကျွန်တော်ကိစ္စလေးတွေ ရှိသေးလို့ပြန်တော့မလားလို့"
"ဟို အကို၊အဲဒါဆိုရင်လေ စစ်ကျွေးကိုအိမ်ပြန်လိုက်ပို့ပေးလိုက်ပါလား"
အိုးးးဟိုးး ကြားချင်နေတာဒီစကားလေး၊ဘယ်လိုတောင် ထူးချွန်ထက်မြက်တဲ့မိန်းကလေးမျိုးပါလိမ့်။
"ဟာ မေရီကလည်း သူများကိုအားနာစရာ၊ငါပြန်လိုက်ပို့ပေးလည်းရပါတယ်"ဘေးနားက ကျိရန်ကဝင်ပြောတော့
"နင်ဘာမှမသိပါဘူး ကျိရန်ရာ ၊နင် တော်တော်လိုက်ပို့ချင်ရင်ငါ့လိုက်ပို့၊စစ်ကျွေးက ဟိုအကိုပို့မှဖြစ်မှာ"
" ဟုတ်တယ် ကျိရန်၊မင်းမသိရင်အသာနေ၊အော် မေရီတို့များ...........ဟွင်း ဟွင်း"
ဘေးနားက ကျင်းရီကမြွေမြွေချင်းခြေမြင်တယ်ဆိုတဲ့devil smileကြီးနဲ့ပြုံးရင်း မေရီ့ကိုဝင်ပြောတယ်။
မေရီက အသာနေ၊လျှာမရှည်နဲ့ ဒီမှာအခမဲ့ အကျိုးဆောင်လုပ်နေတယ်ဆိုပြီး ကျင်းရီကိုမျက်လုံးနဲ့စစ်ခင်းတယ်။
ကြားထဲက ကျိရန် လေးကတော့မေရီကိုကြည့်လိုက်၊ကျင်းလင်ကိုကြည့်လိုက်နဲ့ သူမှာဘာဝင်ပြောရမှန်းကိုမသိ။ကျိုးချန်ကတော့ သူ့လူတွေအကြောင်းသိနေတော့ရယ်သာရယ်နေတယ်။
"အကို ယွီပင်း စစ်ကျွေးကိုလိုက်ပို့ပေးလို့ဖြစ်တယ်မလား၊မေရီကလေ ကျိရန်နဲ့အပြန်ဝင်စရာနေရာရှိသေးလို့၊ဒါပေမယ့် အကိုမအားရင်လည်း........."
မေရီက အားနာသလိုလို ဘာလိုလိုမျက်နှာသေလေးနဲ့ထပြောတော့ ယွီပင်းမမူနိုင်တော့။
YOU ARE READING
How to Bend A Straight😬😉
Fanfiction(Both with Unicode and Zawgyi) Straightတစ်ယောက်ကိုဘယ်လိုကွေးအောင်လုပ်ရမလဲ သင်သိပါသလား? Let's bend together😬😂 Comedy Romanceလေးဘဲ။ Start Date:1.5.2020 (Both with Unicode and Zawgyi) Straightတစ္ေယာက္ကိုဘယ္လိုေကြးေအာင္လုပ္ရမလဲ သင္သိပါသလား? Let's bend...
