Noor | نور

Noor 10

نور 10

أنا نور .. رغم وجود الشغالات انا قريب الظهر كدا انا خلاص غسلت العدة كلها وضايرت البيت وشغل وما ماشة.

المهم اصلا الدوام انتهى لأنه احنا طلاب اصلا فبننتهي من الشغل الظهر، اف ياربي حصل شنو فاليوم الأول اكيد هيكون اصعب واحلا يوم.

المهم الجرس دق فمشيت ولقيتها خالتو تسنيم وعلا فسلمت عليهم شديد وهم طوالي دخلو يساعدوني وكدا.

عمار وفارس كانو بركبو فالعدة بتاعت الشية وعلي ومعاذ الشفع ماسكين الخروف وبساعدو في عمو في التقطيع.

انا كنت بجيب فالعدة ومعاي علا البتساعدني لأول مرة وواضح ليه وعبير كانت بتصور عشان توري الدنيا اننا بنشوي.

مرات اعمامي والخالة تسنيم كانه قاعدين في الطاولات بتاعات الحديقه وبتونسو وبقطعو فالسلطات.

"نور بنعرس ليها ان شاء الله بس كدي ننتهي من عرس عبير وان شاء الله نشوف ليها عريس".. قالت حبوبتي بي صوت عالي قاصدة وانا حمرت ليها ولفيت وشي طوالي.

وفكاني من الموقف ده عمو صلاح "نور عليك الله جيبي السكين الكبيرة دي م نافعه"..

"وجيبي فحم من المخزن ده شكله قليل".. عمو حاتم قال

هزيت راسي وجريت طوالي للمطبخ لكن سمعت صوت الجرس وناس البيت في الحديقه الخلفية فما في زول هيسمع فجريت للباب ولمن فتحته رجعت كم خطوة لورا "انت الجابك شنو؟"..

قلت لي جاد بنفور فرد بهدوء ورجاء "نور انتي كل ما تشوفيني دايرة تتشكلي معاي، انا ما كنت قايل انه دكتوركم شخص متحرش ولا ولله العظيم ما كان هعمل كدا"..

نور هزت راسها وعاملة تقيلة "خلاص اصلا ما دايرة اخرب باقي اليوم، اتفضل معانا"..

"يعني رضيتي كدا؟ "..

"اي".. قالت وهي فراسها بترقص لأنه هتمشي الشغل وتلحق تعمل التقرير وتنقذ درجاتها.

هو إبتسم انها رضت سريع ودخل " انتي ماشة وين؟..

سألها لمن شافها ماشة عكس طريق باب الحديقه " ماشة اجيبلي شوال فحم من المخزن"..

"ارح هساعدك"..
هزت راسها "طوالي زاتي كنت شايلة هم الشيل "..

المهم نزلو السلالم تحت ووصلو عند المخزن ودخلو فنور جات تولع اللمبة وما اشتغلت "شكلها خربانه"..

جاد اتكل فالباب وانقفل وقاليها "بكشف من تلفوني".. وقبل ما يطلعه نور صرخت

" انت قفلت الباب؟ انت عوير ولا شنو قافله ليه"..

جاد انقهر منها وقاليها " استغفرلله يا نور شوية ثقه يعني ما معقول، وما قافله قاصد اتكلت فيهو ساي"..