Noor | نور

Noor 13

.
نور 13

أنا نور .. ما عارفة كيف لكن ده أسبوع كامل مضى فالشغل، صراحة ما كنت بعمل حاجات كتيرة زي البحكو عنها باقي مجموعتي ولكن بما اني كنت براقب جاد فقدرت اكتب تقرير انا راضيه عنه تقريباً.

كنت ماشة فالجامعه ومعاي صحبتي ملاذ كانت متحمسة وهي بتحكيلي عن اسبوعها في الشغل، بالمناسبة هي بتقرا قانون متأكدة انه شغلها كان زابط شديد.

طبعا ما حيخلوها مسؤولة بشكل رسمي فالقضايا لكن ممكن تقدر تقول رأيها مع مهام جانبيه، ده حسب الفهمتو.

"غريبة ولله، الدكتور ده ليهو قريب عشرين سنه وفجأة بدون سبب يطردوهو".. وحدة من بنات الجامعه كانت بتتكلم مع صحبتها في الموضوع ده.

بصراحة ما اهتميت شديد بي كلامهم واستأذنت من ملاذ عشان اودي التقرير الأسبوعي بتاعي للدكتور، كان قلبي بدق بسرعه لأنه الدكتور ده حرفياً معقدني لكن الحاجة الوحيدة المطمناني أنه ما بقدر يتجاوز الحد معاي لأنه الجامعه ده مجتمع كبير ومليان ناس في كل مكان.

دعيت ربي أنه الموضوع يمر على خير ويكون على الأقل فطلاب جوا

لمن وصلت المكتب ودقيت الباب سمعت صوت امرأة غريب ففتحت الباب، ده مكتب خاص بدكتورنا فاتفاجئت لمن لقيت راجل تاني

"السلام عليكم، أسفه عالإزعاج بس مش ده مكتب دكتور أحمد؟"..

"اتفضلي يا بنتي جيتي تسلمي التقرير؟ أنا دكتورتكم الجديدة"..

كانت ملامح الإستغراب واضحة شديد على وشي، الدكتور ده ليهو عشرين سنه شغال كيف فجأة يحصل كدا.

وفجأة إتذكرت كلام البنتين ديلك، إنطرد؟ غريبة شديد.

" يا دكتورة ممكن أعرف السبب الخلاهم يطردو دكتور أحمد؟ "..

الدكتورة وهي بتقرا في تقريري "تقريباً فصلوهو بسبب احد بلغ عليه في قضيه تحرش وهو ممكن اسي يدخل السجن عديل"..

"لكن انا قبل كدا بلغت عنه ومافي اي اجراءات حصلت من الإدارة".. الفضول هيموتني.

فجأة الدكتورة عاينت فيني بغرابة وحسيت علامات التردد ملت وشها "إسمك نور؟"..

"اي يا دكتورة".. قلت فهي طوالي وشها انقلب مئة وتمانين درجة.

" اقعدي اقعدي واقفه ليه؟ ".. وفجأة طلعت القلم وقبل تكمل قراءة ادتني الدرجة الكاملة فأنا عاينت بإستغراب.

"دكتورة؟ ما خلصتِ قراية"..

"ما شاء الله اكيد هيكون حلو، مش بتشتغلي تحت يد زول زي جاد، ما بتوقع اي غلطة اكيد"..

"كيف يعني، يعني لو في ناس بشتغلو في شركة اقل من مستوى شركتي حتنقصوهم يعني؟"..

"لا يا بتي ما كدا، بس انتي موثوقة وكدا"..