Noor | نور

Noor 14

نور 14

الحياة ما دايماً بتكون عادلة، وعمرها ما حتكون متفهمة، انت العليك الصبر بس.

لكن نور صبرت وبالنسبه ليها صبرت وانتهت.

َكانت في غرفتها وبتلمس فالجرح بتاعها، لي سوء الحظ عمتها سكينه لاقتها ومافي داعي نقول قدر شنو طعنت في شرف نور وفي سمعتها.

يمكن نور بالجد تهورت لمن مشت لي جاد، لكن بالجد كانت مقلقه عليهو.

طيب ولمن عرفتي انه دي مجرد حساسيه من القطط وجبتي ليهو الدواء ليه ما رجعتي يا نور؟.

"ليه ما رجعتي يا نور؟ ".. دكتورة نور النفسيه سألتها نفس السؤال الهي ما لاقية ليهو إجابة.

"ما عارفة كنت حابة اقعد معاهو وبس"..

صباح إبتسمت وقربت من نور "المرة دي هكلمك عن الحب"..

" انا مش جربت الحب مع يوسف بعرفه"..

دكتورة صباح هزت راسها "طيب وريني الحب هو شنو؟ "..

" إهتمام".. نور جاوبت فصباح ردت "لأنه يوسف كان بهتم بيك صاح؟، أنتِ عارفة رغم الي عرفتيهو عن يوسف لو كنتي بتحبيهو حب حقيقي كان صعب تقلعي حبه من قلبك"..

نور كانت بتسمع كلام دكتورتها بي تركيز شديد.

"لو ما كان بهتم بيك كنتي هتحبيهو ولا نظرة ليهو هتكون زي نظرتك لي مؤيد وفارس؟"..

"يمكن".. نور قالت وهي بتفكر فالموضوع بشكل جدي.

" نور الحب ما دايماً بالشكل المثالي البتشوفيهو في التلفزيون، الحب بكون من المواقف البتحصل، يمكن زي ما تقولي إهتمام او غيره او إشتياق"..

" كنتي طول الأسبوع مع جاد فالشغل وفجأة اليوم بما أنه إجازة ليك حسيتي انك لازم تشوفيهو كأنه يومك ناقص لو ما شوفتيهو"..

نور حست أنه كلام دكتورتها صح وكلامها خلا الفوضى في عقل نور توضح

"يعني ممكن نقول اني تعلقت بيهو؟"..

"ما حصل غرتي عليهو؟"..

"هو طول اليوم فالشغل بكون معاي فمافي حاجة"..

"طيب انتِ ما فكرتي هو ليه دايماً معاك؟ ليه ما نسمة ولا رزان بدالك؟"..

نور ضحكت على كلام دكتورتها "حتى جاد قايل أسمائهم كدا"..

بعد دقايق من الكلام ووقت الجلسة قرب ينتهي " نور كيف حالك مع ادويتك بالمناسبة"..

هنا نور لقت روحها في حتة ضيقه وما هتقدر تكذب قدام دكتورة نفسيه مثلاً

"حاسة نفسي كويسة الأيام دي "..

" يعني عادي ممكن تلقي روحك في مستشفى، انتِ ما عارفة ممكن يحصليك شنو، فعلى الأقل يا نور خليهم معاك واسمعي الكلام"..