❤ ညီငယ် ❤
- ၄ -
💘 ကျွန်တော် တောင်းပန်တိုလျှိးသည့်လေသံဖြင့် ညီငယ့်ကိုပြောလိုက်သောအခါ ညီငယ် က ခပ်မဲ့မဲ့ပြုံးပြီး
" နောက်ကျသွားပြီ ဦးတရဲ့ … အရာအားလုံးနောက်ကျကုန်ပြီ "
ဟု ပြောသည် 💘
၁ ။
ခေါင်းကမခံမရပ်နိုင်လောက်အောင် တဒိန်းဒိန်းကိုက်နေသဖြင့် ကျွန်တော် အိပ်ပျော်နေရာမှ နိုးလာခဲ့သည် ။ ကုတင်ပေါ်တွင် ငုတ်တုတ်ထထိုင်ကာ ဘေးဘီဝဲယာသို့ ကြည့်လိုက်သောအခါ ဟိုတယ်အပြင်အဆင်များကို တွေ့လိုက်ရသဖြင့် ကျွန်တော် ဟိုတယ်သို့ရောက်နေမှန်း သိလိုက်ရသည် ။ ညက ညီငယ်နှင့်တွေ့ခဲ့သည်ကို ရုတ်တရက်သတိရသွားသဖြင့် ညီငယ့်ကိုရှာရန် ကုတင်ပေါ်မှ ဆင်းလိုက်သည် ။ ထိုစဉ်
" room service "
ဟူသောအသံနှင့်အတူ တံခါးခေါက်သံက ထွက်လာသည် ။ ကျွန်တော် အခန်းတံခါးကိုဖွင့်ပေးလိုက်သောအခါ ဝန်ထမ်းကောင်လေးက ကျွန်တော့်ကိုပြုံးပြပြီး
" မင်္ဂလာမနက်ခင်းပါ အစ်ကို "
ဟု နှုတ်ဆက်သည် ။ ထို့ကြောင့် ကျွန်တော် ပြန်ပြုံးပြလိုက်ပြီး
" မင်္ဂလာမနက်ခင်းပါ … ဒါနဲ့ မနေ့ညကကျွန်တော်ဒီကိုဘယ်လိုရောက်လာလဲသိလားဗျ "
ဟု မေးလိုက်သည် ။ ကျွန်တော့်မေးခွန်းအဆုံးတွင် ဝန်ထမ်းကောင်လေးက ခေါင်းညိတ်ပြပြီး
" တက္ကစီနဲ့ရောက်လာတာပါ "
ဟု ပြန်ဖြေသည် ။
" ကျွန်တော်နဲ့အတူတူလူတစ်ယောက်ပါလာသေးလား "
ကျွန်တော် သိချင်စိတ်ပြင်းပြစွာဖြင့်မေးလိုက်သောအခါ ဝန်ထမ်းကောင်လေးက ခေါင်းခါ၍
" အစ်ကိုတစ်ယောက်ထဲရောက်လာတာပါ "
ဟု ပြန်ဖြေသည် ။ ထိုစကားကိုကြားလိုက်ရသောအခါ ကျွန်တော် စိတ်ပျက်စွာဖြင့် ကုတင်ပေါ်တွင် ထိုင်ချလိုက်မိသည် ။
၂ ။
" ဆရာ … ပြင်ဦးလွင်စံအိမ်ကဖုန်းဆက်တယ် … ဘယ်တော့လောက်ပြန်လာမလဲတဲ့ "
ВЫ ЧИТАЕТЕ
ညီငယ္ / ညီငယ် (15)
Любовные романыဒုတိယေျမာက္ေရးထားတဲ့ဇာတ္လမ္းပါ ဒုတိယမြောက်ရေးထားတဲ့ဇာတ်လမ်းပါ
