عشق القمر

الفصل الرابع عشر

فصل هدية😂❤
الفصل الرابع عشر من رواية:عشق القمر
بقلم/رولا هاني

ردت بلهفه شديدة و فرح اكبر قائلة:ايوة يا "فهد..

اتاها صوته الجاد و هو يقول:اطلعي برة الشباك انا تحت..

اغلقت الخط سريعًا لتتجه للنافذة دون الأنتباه لشعرها المبعثر و ملابسها الغير مهندمة اثرًا لنومها لتفتحها بحماس شديد لتجده امامها يحاول منع ضحكاته العالية لتهتف هي بدهشة:اية بتضحك لية!؟

تنهد بصعوبة بعدما سيطر علي ضحكاته ليتأملها قليلًا ثم قال بأبتسامته الساحرة:حتي و انتي مبهدلة كدة يا "نسمة" زي القمر..

نظرت ارضًا من شدة الخجل لتهرب من شفتيها ابتسامة لم تستطع السيطرة عليها ليشعر هو براحة شديدة من أن رأى ابتسامتها التي دلت علي تقلبها لما قاله بالأضافة الي خجلها و حمرة وجنتيها اللتان خطفا قلبه.

تذكرت هي أمر شقيقتها "هاله" فقالت بلهفه:ها يا "فهد" عرفت فين "هاله"

اختفت ابتسامته ليجيبها ببعض من التردد:ا..اة هي...فع..فعلًا عند اللي اسمه "عصام" دة بس.ا.ا..اصل..

عقدت "نسمة" حاجبيها لتجيبه بذعر:بس اية اوعي يكون حصلها حاجة!؟

هز رأسه نافيًا ليقول و هو يراقب تعابير وجهها التي تحولت للذهول اثرًا لما قاله:روحت علي عنوانه بعد ما عرفته و  خدت شوية معلومات من البواب و اهمها انهم اتجوزوا..

هزت "نسمة" رأسها بهستيرية و صاحت بأنهيار:لا انت كداب دي اكيد مش اختي دة اكيد حد تاني لا..

هز رأسه بأسف و هو يهمس:للأسف هي و انا متأكد من دة..

التمعت عيناها بالدموع و همست برفض لتلك الفكرة:يعني اية اتجوزت يعني اية!؟

ما أن لمح دموعها قفز بمهارة كعادته ليصبح قبالتها و هو يرفع وجهها من ذقنها لتنظر له بعيناها التي تهبط منهما الدموع بحرقة ليهمس هو برقة و هو يمسح دموعها بإبهامة:مافيش حاجة تستاهل دموعك يا "نسمة" متعيطيش

ابعدت يده عن وجهها لتبتعد قليلًا ليحمحم هو بحرج و هو يقول في محاولة منه لترتسم ابتسامة صغيرة علي وجهها الرقيق و أن كان لدقائق:طب..طب بُصي..انا هخليكي تشوفيها و تقعدي معاها كمان بس..بس اديني يوم بس اعرف اللي اسمه جوزها دة بيخرج امتي من البيت و بيرجع امتي و انا ياستي هخليكي تقابليها..

ثم تابع و هو يري تعابير الأمل ترتسم علي وجهها ليقول هو بسعادة لا توصف:يلا ياستي اضحكي بقي متزعليش..

ابتسمت ببساطة لتقول بتوتر:طب..طب يلا اخرج و متتعودش تدخل الأوضة تاني بالطريقة دي ميصحش..اوعدني انك مش هتخش تاني بالطريقة دي..

ابتسم هو بمرح ليومئ لها قائلًا:وعد يا ست البنات..

ثم استدار لكي يخرج من النافذة كما دخل لتضع هي يدها بدهشة علي موضع قلبها الذي ازدادت نبضاته من دون سبب!
___________________________________________
صباح يوم جديد..