رواية الحب الأعمى الجزء الثاني

باقي الحلقه 8️⃣

معتصم: خش الحوش مالقش حد في صاله
ركب فوق مشا شور الجناح متاعا
فتح باب . وقبلتا رحاب متمدد ع سرير

ولبسا الشدادا في رقبتها ولفا يدها . ورقده
ابتسم . وقعد يسكر في باب بشويش
وخش يسلس بشويه
عشان ماينوضش رحاب. حط لشكاره الي امعاه ع كنبه
وسلح كندرة متاعا وشخشيرا
وحول سير متاع السروال. وسلح الماليا متاعا
وخش للحمام . وقعد يدوش

كمل الدش متاعا وطلع طرح الصلايا متاعا . وبحت في موبايل لقاها ساعه3 في ليل .
قعد بيصلي لعشاء بسرعه لان نسا يصليه

كبر معتصم وقعد يصلي . وبعد كم دقيقه
كمل صلاتا وسلم
ورفع صلايا

ومشا شور رحاب . قعمز ع حاشية السرير
بعد خصلا من شعرها ع وجها بهدوء وقعد يبحت فيها وهي راقده . ومبتسم
حط يدا ع خدا وبصبعا الكبير قعد يمشي ع خدها بحركه خفيفه. بطتي نوضي يافرخا كنك راقده
رحاب: فتحت عيونها. وابتسمت.
معتصم: نجيلي لعيون لسامح هذينا . كنك راقده
رحاب: صبت قعمزت و خرت ونسدت ع سرير. شي كسدت قلت خليني نرقد
معتصم: وكنك ماقعدتيش عند هلك
رحاب: تنهدت. ياما صار مش عارف انت
معتصم: باستغراب. شن الي صار
رحاب: بعد عدو العرب وتقريباً حاجه نص ساعه هكي
مانندروش الا الباب يخبط بالقووه . طلع خوك يوسف
معتصم: باهي كنا
رحاب: جا يعيط للاميره مش عارف شن حكيا للحياه خلتها تلم دبشها وتطلع من فيلا . حتي بدون ماتقول ليوسف ومسيبتلا رساله
معتصم: تحكي من جدك
رحاب: والله
معتصم: هالبنت المسخا هذي. انا من لما قعدت هنا مش متريحلها ازح عرفتها تخطط للحاجه اقسم بالله
رحاب: وجعتني حيوتا مشكله نرن عليها رقمها مقفل معش عرفت كيف نوصللها
معتصم: باهي شن صار . يوسف مادرلها شي
رحاب: حي ياما صار حتي جدي كاين حظرها
معتصم: اوو الحاج علي حظرها معناها سخنت بكل
رحاب: بكل . ويا انت يوسف ضرب اميره . وقعدت رحاب تضحك
معتصم: خههههه لا هذي اقوي حاجه . العيل هذا مكلوب اقسم بربي . ننقنا مسح كبدي
رحاب: عليك قصة درتها وقعدت تبكي ودير في طروح .
معتصم: باهي زبدة موضوع شن صار يابطتي
رحاب: يوسف طلع رقيلا وجدي لز اميره وعمتي حليمه زعلت .وروحت وخلاص هذا الي صار
معتصم: تو نرن ع يوسف نشوفا . وصبا معتصم خذا موبايل متاع ورن ع يوسف . ماردش عليه
رحاب: شن مايردش
معتصم: اها
رحاب: ربعت ايديها. وبزعل . اووف . عليك قصه
معتصم: بحت في رحاب كيف زعلانه وشكلها حلو وشعرها نازل عليها . ابتسم
رحاب: بتجعوين. كنك تبحت فيا هكي انت
معتصم: يانا عليا حتي وانتي زعلانه اتهبلي
رحاب: ابتسمت. ياسامط تو شن فيها من سماحا وانا قاعده مخنوقا من رقبتي
معتصم: معقوله بطتي تنخنق وعصومي عايش وتنفس
رحاب: انلالا انت خطاني ساد غير بشكليطا الا جبتها ليا . خلتني هكي
معتصم: ماهو حتي الواحد بعد يقعد يسوق بغباء مشكله هذي
رحاب يعني انا غبيه
معتصم: قرب شور رحاب وقعمز ع حاشية السرير وثنا كراعا اليمين تحتا .
وحط ايديه الاثنين ع وجه رحاب. وهو يبتسم واحلا غبيه اخره
رحاب: وهي تبحت في معتصم. لما تبتسم عيونك يصغرن وتقعد هكي مش عارفا نوصف شكلك
معتصم: المهم سمح ولا لا
رحاب: اممم. اشويه مش واجد يعني . بس بنات هكي ماينعجبنش بيك
معتصم: ضحك. وراس امي هبلا باهي
رحاب: وعليش هبلا لاني قتلك هكي يعني
معتصم: لانك تغاري بعباطه
رحاب: وشن تبينيش نغار يعني
معتصم: لا غاري . وانا نحبك بكل حالاتك
رحاب: حتي انا
معتصم: انتاع من انتي
رحاب: بصوت همس انتاعك
معتصم: قرب من رحاب وحط خشما ع خشمها. بالميم
رحاب: بالنون
معتصم: قرب باس رحاب. بالحاء
رحاب: بصوت دوبا يطلع. بالباء
معتصم: بالكاف
رحاب: شن تقعد
معتصم: تقعد . خبر كانا
رحاب: شن خبر كانا ياسامط
معتصم: حط يدا ورأ ظهر رحاب . وقربها شورا بالقووه . تعالي تو نوريه لكي
رحاب: يا انت رقبتي
معتصم: ارخي روحك بس
ونزل معتصم ع رحاب و .......