رواية الحب الأعمى الجزء الثاني

{ الحب الاعمي } الجزء الثاني باقي الحلقه 13

في الفجر روحو شياب لكبار كلهم
ومعاهم هيثم وفيصل ومنذر
وقعدت انا ومعتصم ونزار وعيسي خو حياه
وقعدنا نحنا في مستشفي ومكسدين
ونرجو في اي بصيص أمل يطمنا ع حياه

روح هيثم للفيلا درس سياره متاعا
وركب من الدروج صبا عند شقة ساره
بيخش . رد في كلاما
وركب فوق للدور الثالث
فتح باب الجناح متاعا الي فيه إكرام
وخش تعبان ومرهق من قلة النوم الي من رمضان معش رقد كويس وكان يعاني من ارق

إكرام: طلعت من دار النوم . لبسا قميص نوم عند الفخذا لونا ازرق
وطالقا شعرها ودايرا مكياج،  رجعت حبيبي
هيثم: بحت في إكرام . وهو عاقد حواجبا ورقيلا
جيت اها
إكرام:تشبك ايديها في بعضهن . اني عارفه اني  امزعلتك مني  واني اسفه حبيبي
فكرت في كلامك لقيتا صاح
هيثم: مصبي يبحت في إكرام. وعاقد حواجبا .
إكرام: قربت من هيثم . وحطت يدها ع خصرا . ورفعت راسها فيه . سامحني حبيبي عشان خاطري
هيثم: حط ايديه لورا علي ايدين إكرام . وباعدها من عليه
فكيني من جو التمسكين هذا راه مانحبش ومايمشيش معايا
إكرام: انصدمت. العفو خيرك هيثم اني نتأسف منك قاعده علاش قلبك اكحل هكي انت
هيثم:إكرام انتي امبدري فاطنا شن كنتي تحكي
انتي واعيا للكنتي تحكي فيه ولا تستعبطي عليا
إكرام: زمطت ريقها.وبارتباك . اي اني غلطانه بس من غيرتي عليك والله ماقصدي
هيثم: عيط . غيرت شنو هذي مش وقت كلام هذا
إكرام: نطت من عيطت هيثم . ونفجعت.
هيثم:انتي كنك قعدتي هكي انا نحسابك رزنا وبعقلك
مكنتيش هكي في موبايل ايام مانكلم فيك
أكرام: اني ماتبدلتشعليك  بس اني بروحي مصدومه ماتوقعتش اني انولي  ويصير هكي في الحوش
يعني نعرفش نتصرف في الامور اهيا اني
هيثم: اها يعني تعرفيش لما يقعدو ناس متنكدين ع حد راقد في مستشفي بين الحياه والموت
ان تنزلي تجامليهم وتاخذي بخاطرهم وتواسيهم
مش تنزلي ع سنقة عشره اتقول فرحانه بالي صاير
إكرام: والله اني ماني فرحانه بجد زعلت بس شن في يدي قوتلك اني عروس ومن حقي نلبس ونتعطر ونتمكيج
مش من اول ايامات ننزل وجي شاحب شكلي زي زومبي
هيثم: عض ع فما. تعرفي انك طلعتي  تافها
إكرام: انصدمت في كلمة هيثم . ليا اني الكلمه اهيا
هيثم: ومن في غيرنا انا وياك
إكرام: ماتوقعتهاش منك صراحه تطلع هكِ خاب املي فيك
وعطت للهيثم بظهرها وخشت للدار متاعها  وردت الباب وهي رقيالها
هيثم؛ خش للدار . فتح الباب بالقوه بعصبيه . وحتي انا املي خاب وخاب واااجد اخره ،
ومشا هيثم للدولاب . وخذا توتا متاعا
وبحت في شناطي . حتي شناطي مازلتي مارديتيهن فيهن دبش مسخ يبي غسل
إكرام: ايه احني كيف جينا اليوم والقيامة قامت .
هيثم: سيبتك قريب خمس ساعات بروحك قبل ماتقوم القيامه ع قولتك
كنتي تقدري طلعي الدبش يبي غسل تعزقيه في سلة الغسيل وتاني اترديه في دولاب
إكرام: غدوه تو نقضيهم
هيثم: بحت في إكرام. كنا عندك برود هكي انتي
إكرام: انت خليتني نتعامل معاك هكي
هيثم: تمام حتندمي ع جو الي اديري فيه . وانا انلملك قاعد .
إكرام: استغربت . اتلمدلي في شني
هيثم: بحت في إكرام . عارف كل شي بس نستعبطلك بجوي وكل شي في وقتا حلو
إكرام: استغربت وخافت من كلام هيثم ، وزمطت ريقها