رواية الحب الأعمى الجزء الثاني

{ الحب الأعمي } الجزء الثاني الحلقه 1️⃣1️⃣

انفجعت وعرفتا في شي
رنيت ع يوسف مابش يرد قعدت سكنتلا
عند رد عليا . وصوتا مخنوق

انا: فنصت عيوني  وحطيت يدي ع قلبي ، شنوووو مات
يوسف: لالا بس يستر الله هذي ثاني مره
وخايف مايتحملش
انا: لا بعيد السو عليه ان شاء الله . يقعد كويس
طمني انت بس
يوسف: باهي اوكي
وسكر يوسف مني
ومشا شور المستشفي نزل من سياره
وخش يجري بسرعه ولقاه قداما نزار وعصومي ومنذر وسفيان وفيصل وباتا وسيدا

معتصم: قابل يوسف. اهدأ مافي شي
يوسف: يعني كويس
معتصم: ان شاء الله ضغط رقا فجأه وطاح عليهم
يوسف: تنهد . براحه . باهي المهم كويس
فيصل: هيا تعالو نخشو عليه

وخشو شباب كلهم ع جدي علي
وحمدولا ع سلامتا وكان يحكي بشويش وباين عليه
ان تعبان

معتصم : خذا فيصل وتباعد من عليهم . قتلك جدي مش عجبني متأكد وضعا تمام
فيصل: ان شاء الله ضغط راقي بس و وضعا تمام
معتصم: وجه بكل زعمك مانطلعهوش برا ليبيا
معتصم: لا مش لدرجة مش محتاج بس ارهاق راه رمضان يأثر ع لكبار
شوف صيام وهو اساساً عندا سكر وضغط
معتصم: وزيد عليها قصة هيثم  مزعلتا
فيصل: ايوا
معتصم : ان شاء الله خير
فيصل: ان شاء الله . تعال هيا

وعدو معتصم وفيصل. كسدو جنب جدهم

ورنو ع حوش وطمنو صبايا لان نفجعن عليه
ورن يوسف عليا وطمني
وعشان يطمنو اكثر خلوه يبات في مستشفي

وقعدو شباب يتناوبو ع جدي
وروحو لكبار للحوش وقعدو معتصم ونزار وسفيان ويوسف
يكسدو معاه ويغيرولا في جوا

~~~~~~~~~~~~~~~~~~~~~~~~

ساره: هاكي يا اروجي بجامتك نعزقها في سلة الدبش
اريج: خوذيها ياسرو
ساره: لا والله . عندي . انا لولا ان معتز جا امس تعبان راه مشيت جبت دبش في ليل لان نحبش ناخذ ولا نلبس دبش حد
اريج: وانا حد يعني
ساره: لا انتي خيتي
اريج: باهي عدا بيش تعوديها وتجي تباتي مش ديما نحنا الي نجو ونباتو عندك
ساره: ان شاء الله
ورده: شن ياسرونا وتيتي روحك
ساره: اها خلاص بس ساعديني وطلعي شكاير هذينا معايا
اريج: احسن حاجه ان دبش العيد متاعك شريتيه امس تخايلي ماشريتش وماروحتيش للحوش راه اليوم قعدتي بلا دبش
ساره: لا ياحنه كان دبشي ماشريتش راه بعد جا معتز خليناه يشيلنا لحوش وجبت دبش
ورده: ههههه مافيش كيف الصراحه
ساره: ههه عليش بنكذب

وطلعت ساره هي والبنات وحطت شكاير في سياره
وركبت سياره بعد ماسلمت ع عيت عمها
وركبت صالحه لقدام جنب معتز وساره لورا
وروح بيهم معتز للحوش

صالحه: هيا انزل
معتز: لا والله ياعمتي صالحه بنروح بنرقد من امس عالق ومش راقد بكل
ساره: صدقت حتي انا بنرقد
معتز: هذي سامطه في العيد يقعد الجو سمح
بعدها في ليل يقعد شين وجوك يتلخبط
ويبيلك بيش اترد جو نومك من جديد
ساره: بكل . ولبلاد كسدت شفت كيف دنيا مكسرا ومحلات
صالحه: اتقول امس ماكنش في ناس يتبرمو عند الصبح برا
معتز: بكل كواغط يلعبن في شارع ودنيا فاضيا . مسرع موصلنا
ساره: المهم كل سنه ونحنا طيبين .وشكراً ع يوم الحلو بجد غيرنا جونا وشكراً ع هدايا
معتز: المهم غيرتو جو وانبسطو ياعمتي صالحه
صالحه: لا ياباتي ان شاء الله ديما حوشكم عامر يارب وملتمين ع خير
انبسطنا وغيرنا جونا
معتز: ومش اخر مره عاودوها
صالحه: ان شاء الله وانت طيب في فرحك
معتز: هههه لا مبعد اسنينا كان ع عرسي .
صالحه: لا ان شاء الله تلقا بنية حلال تسعدك يارب
معتز: اميين
ساره: امين يارب
معتز: بحت في ساره من مرايا. شكلك بتفتكي مني انتي
ساره: ههههه لا والله عليش
معتز:حسيتها امين من جواجي قلبك اصلاً
ساره: هههه ياسامط كان قعدت معش حنسكت . وفتحت ساره باب سياره . هيا ياماما
شكلك بتباتي في سياره ولا كيف
صالحه: هههه انزلي يا ام لسان انتي
معتز: اووو ساره اول مره نسمعك تعلقي
صالحه:وهي تنزل. لا هذي متاعت تعليق وفستري راه غير تو تاخذ عليكم تبدأ فيكم
معتز: هههه عادي راضين مهم نشوفو ضحكتها
ساره: صبت قدام باب تفتح فيه . بحتت في معتز وابتسمت
معتز: مصبي . قدام سياره ويرجا فيهن يخشن
صالحه: تصبح ع خير ياباتي
معتز: قدامك الخير