رواية الحب الأعمى الجزء الثاني

{ الحب الاعمي } الجزء الثاني الحلقه 1️⃣2️⃣

معتصم: متكي ع سرير ومكسد ع موبايلا
رحاب: طلعت من الحمام مفجوعا . عصومي يا انت
معتصم: بحت في رحاب . انفجع وبحت في كرعيها. وفنص عيونا
كنك شن في
رحاب: وهي تبكي مش عارف بندوش لقيت روحي ننزف
معتصم: صبا وخذا عباية رحاب متاع العرس ع كنبه .
ولبسها لها
رحاب: عصومي بيبي طاح صاح
معتصم: وهو يطبس يرفع في سوستا متاع العبايا لرحاب. لا ماتخافيش
رحاب: يا انت دم وااجد ياعصومي
معتصم: خلاص باهي تعالي بس . ومسك معتصم رحاب من يدها وحطلها الايشارب وطلع بيها
رحاب: مش قادره خلاص
معتصم: رحاب . كنك ازح تحوفينيش عليك . ورفع معتصم رحاب
ومشا بيها الاصانصير زرا وركب فيه
ونزل لوطا بسرعه للسياره متاعا

هيثم: مقعمز في سياره . وشاف معتصم رافع رحاب ويجري بيها
نزل هيثم من سياره منفجع ومشا شور معتصم
كنك شن في
معتصم: مش عارف بس عندها نزيف
هيثم: مد يدا للمعتصم عطيني مفتاح واركب جنبها
معتصم: عزق مفتاح لهيثم .
هيثم: مسك المفتاح وركب في سياره ولعها
معتصم: ركب لورا جنب رحاب . وبحت فيها بخوف . شن اتحسي بحاجه
رحاب: وهي دمع انلالا
هيثم: طلع يسوق في سياره بسرعه
ومشا لاقرب مستشفي قريبه من الفندق

درس هيثم ونزل يجري للطورائ جاب لرحاب كروسه
معتصم: ينزل في رحاب .
جاه هيثم جيبلا كروسه حطوها فيها
وخشو بيها للطورائ

ممرضه : كنها
معتصم: عندها نزيف وهي حامل
ممرضه: خذت رحاب من معتصم . تمام
وخشت بيها للدار الطورائ
وخش وراها معتصم
وحطو رحاب ع سرير . وخش الدكتور
معتصم: انصدم بعد لقاه دكتور
دكتور: شني في يا ابله شني اتحسي حضرتك
معتصم: عقد حواجبا . احكي معايا انا .
دكتور: بحت في معتصم. معليشي اسمحلي مش قصدي اني
معتصم: وهو مربع ايديه . وعاقد حواجبا . لا ولايهمك
دكتور: خيرها شني صار
معتصم: مش عارف هي كانت في عرس وروحت من بعدها يعني كانت عادي خشت الحمام وطلعت عندها نزيف
دكتور: ايه باهي. احني توا حنشوفو البيبي في صونار . وهل صحتا جيده او نزل
رحاب: ياربي ان شاء الله لا
معتصم: بحت في رحاب . تخافيش ان شاء الله مافي شي
دكتور: معليشي ممكن ترفعلي حويجها عشان جاهز
معتصم: تنهد وهو رقيلا . وفتح سوستا متاع عباية رحاب
ورفع تيشرت الي كانت لبستها اشويه ع بطنها . وقعد يرفع في فوطه ع جسمها ويغطي فيها
الدكتور: حط جل ع بطن رحاب . وحط جهاز وقعد يبحت في شاشه ويمشي في جهاز ع بطنها
معتصم: مصبي جنب رحاب. ويبحت في جهاز . ويحاول يغطي في بطن رحاب ع دكتور
ومابينش منها الا اشويه بس
رحاب: بحتت في معتصم . وتحكي بصوت واطي، يا انت مش وقت غيرتك
معتصم: يوشوش لرحاب . يابطه اسكتي
شن يادكتور
دكتور: لا الحمد الله الجنين صحتا مليحا . شوفا اهو باين في صوره
معتصم: مانشوف في شي . نقطه سودا
الدكتور: ابتسم . ايه هادي هي نقطه اهيا هو البيبي
مازال صغير لكن صحتا باهيا
معتصم: باهي يعني شن سبب النزيف
دكتور: ممكن مادام متحركه في العرس هلبا . ولبس كعب هدا كلا يأتر ع بيبي ويسبب نزيف
بدات ان هي في الشهور الاوله
لدلك تحتاج للراحه التامه وتكون حركتها مافيهش تعب او تشيل تقيل او تلبس سبيدرو عالي
معتصم: ان شاء الله خير وخلاص
رحاب: يعني مافي شي
معتصم: فنص في رحاب. انها حكت مع دكتور
دكتور: لا يامادام ماتخافيش بس دير الي قوتلك عليه لمدة ثلاث شهور
معتصم: بأذن الله . بارك الله فيك
دكتور: تحبو تسمعو نبضا
معتصم: ابتسم باهي سمعنا
دكتور: زر بطمه في جهاز . وقعد معتصم ورحاب يسمعو في نبض
وفرحانين
معتصم: باهي وليد ولا بنت
دكتور: لا مانقدروش حالياً نعرفو الا لما يفوت ثلاث شهور يبدأ تتكون اعضاء تناسليه للبيبي
معتصم: تمام بارك الله فيك واسمحلنا تعبناك
دكتور: ولايهمك . انتم من شرق
معتصم: اها من بنغازي
دكتور: اهلين بيكم انستو
معتصم: ابتسم الله يأنسك
دكتور: ان شاء الله معافيا
معتصم: ان شاء الله شكرا
دكتور: العفو . وطلع الدكتور
وقعد معتصم يساعد في رحاب ع عبايتها ونازلها من سرير
رحاب: يا انت ليش الغيرا هذي توا هذا وقتها
معتصم: وانتي لازم تفتحي فمك وتحكي مش تحقي فيا قاعد هذا طولي كيف الباب
وتسمعي فيه في صوتك ليش
رحاب: انا سألت عادي بنطمن
معتصم: باهي ماهو تحقي فيا نسأل فيه لازم يعني صوتك السمح هذا يسمعو يعني
رحاب: اها لازم
معتصم: بحت في وحاب. والله يابطه نروحو نوريك
رحاب: باهي هيا توا
معتصن: مسك في يد رحاب. هيا ياهمي . مش ديما نقولك همي .
رحاب: بحتت بنص عين في معتصم . واحلا هم
معتصم: الله غالب
وطلعو معتصم ورحاب وهما ينابشو في بعضهم
للهيثم
هيثم: شن صار
معتصم: لا تمام يامعلم طلع من العرس هل كعب الي مشيتلي بيه واكيد عدا تشطحلي ع مسرح
هذا ليش قبل ودرت العيل
رحاب: فنصت في معتصم وتحشمت قدام عمها ع كلمة تشطح
هيثم: مبتسم. تي باهي الحمد الله الي جت ساهلا
وربك ستر
معتصم: لا الحمد الله بس لازم من الاكشن طبعاً وجو اتراك اديرا لنا الابله رحاب
رحاب: فنصت عيونها. يا انت انا مش بالعاني ديرتها
معتصم: عارفك بس جد امك الاكشنات مره طيحتلي من بشكليطا ومره طايحا دايخا وكل مره حاجه
رحاب: مره تانيه خليني انموت وماتدخلش
معتصم: ماهو مشكلتي نقدرش
هيثم: يبتسم ويضحك ع نقاش معتصم ورحاب
معتصم: هيا اركبي يا ام بي سي اكشن
رحاب: بحتت في معتصم وكشخت عليه. بارد
معنصم: ابتسم . سخنيني
رحاب: ركبت في سياره.
معتصم: طبق باب ع رحاب وركب جنب هيثم
هيثم: ركب ولع سياره . ومشا شور الفندق