رواية الحب الأعمى الجزء الثاني

باقي الحلقه 1️⃣4️⃣

وقدم ع حياه مد يدا وسلم عليها
الحمد الله ع سلامتك
حياه: الله يسلمك
يوسف: نبحت ومبتسم .
معتصم: كر كرسي وجا قعمز جنبي
ورحاب قبلتنا وقعمزة في جيهة ثانيه جنب حياه

حياه: وين مشاء الله رايحا بطه صاح
رحاب: هههههه . اوليد طلع
حياه: مشاء الله مبرووك وربي يفرحكم بيه
معتصم: الله يبارك فيك
رحاب: تسلمي ياغلايا .
معتصم: باهي ديما طبعاً ديريلنا اكشن انتم
مانكسدوش بكل بلاكم
حياه: تضحك
يوسف: بطل ياراجل معش اضحكها مش كويس
معتصم: تو من جدك انت يعني.ولا هذا شنو
نازل فيها تهزيب وضرب وتكسير . قعدلنا
روميو مشاء الله عليه
يوسف: قعدت نبتسم .
حياه: والله شن دار ياعصومي احكيلي
معتصم: والله من الاخير طلع مكبد ع الاخير وكذاب كان قالك يوم راه مانحبكش
يوسف: ابتسمت . باهي خلاص وانت منهرد امسك روحك
حياه: بحتت فيا وابتسمت . صار هذا كلا ديرا
معتصم: اها هذا كلا واكثر اخره ، المهم طلعتي لكبيده صاح
رحاب:هههه ربي يخليكم بعضكم يارب
حياه: امين يارب
يوسف:ويخليكم لبعضكم ويهديلك هذا مش عارف كيف متحملتيه انتي
معتصم: عدا تو فتن انت . خطاني
يوسف: باهي اسكت بيش مانحكيش
رحاب:شنو يايوسف احكي شن داير
معتصم: شفت
يوسف: هههههه والله مافي شي نشفط عليه
معتصم: بحت في رحاب. وانتي مافيش ثقه بكل ازح
حياه: حرام عليكم عصومي والله كويس كنكم معاه
معتصم: اهي الي ديما نقول قرعتي ودافع عليا .مش كيف وحده تبيعي فيا من ابسط كلمه
يوسف: ههههه
رحاب: انبصر يا انت . كنك مسرع ماتصدق
معتصم: اها صدقتك يابطه تو نتفهمو بعدين ع مسألة الثقه
وصبا معتصم وهو يضحك . باهي نحنا مانطولوش هيا بطه
رحاب: صبت . هيا وبكره ان شاء الله نجوك ياحيو
حياه: ان شاء الله وسلمكم جييا
معتصم: ماتبوش شي نقصكم شي
يوسف: لا يامعلم سلامتك
معتصم: خلاص انا نوصل رحاب ونجيك يايوسف
ناخذ سياره عندي بيها مشوار ونخليلك متاع نزار 
يوسف: باهي تمام ، حتي في ليل جيبها انا توا مش حنطلع يعني قاعد
معتصم: تم معناها. والف لاباس عليك ياحياه
وان شاءالله اخر الاكشنات
حياه: هههه ان شاء الله

وطلعو معتصم ورحاب وقعدت انا وحياه
نهدرزو مع بعضنا

حياه: تعرف يا عمري قلت ليش ربي خلانا نديرو حادث
وليش الابتلاء هذا وقعدت نفكر بيني بين روحي
شن الحكمه منا يعني
يوسف: وانا كيفك واكثر طول الشهرين الي فاتن وانا نقول ليش ياربي
حياه: بس تعرف حمدت ربي ان صار هكي
يوسف: عقدت حواجبي. كيف يعني
حياه: لان شفت خويا موسي كيف كان ، تغير بكل وحسيت لأول مره بحبا وحنانا وحسيت بأن عندي خو يخاف عليا وسند ليا
يوسف: فهمت كلام حياه وحسيت بيها لاني قريت كلامها في مذكره وطريقة تعامل خوتها معاها كيف كانت
شفتا وعارفا ان كاين متأثر ويومياً هو وعيسي يجو ويتناوبو عليك
حتي مره موسي خش وزارك في عنايه
حياه: ماهو انا هذي بنقولها لكي . انا سمعتا وقتها وحسيت بيه
يوسف: انصدمت، والله
حياه: والله وهو اليوم الي نضت فيه
يوسف: صاح موسي في نفس اليوم الي انتي نضتي فيه هو زارك
وبعدها انتي بحاجة ساعتين هكي طلعت ممرضه قالتلي انك نضتي
حياه: عارف بكاء وكلاما اثر فيا ، هذا عليش امبدري قتلك نبيه
وهو يحسبني ماسمعتش وانا بندير روحي اني ماسمعتش بيش ماينحرجش
يوسف: باهي احكيلي شن صار وشن قال